LUKA 16:16 - Lacid Common Language Bible

¹⁶ Babtisma sara: Yohan anyid shi" mo Moshe tarha" yo"- Lapi: yi gi amyeing" zeing khyo" jo: jo, bye. Yohan nyid lo jang" mo wigi Mangso: da" Mungdain: da" khyoo:- Ngeibu: lu: dang: gi ri tid loo bye. Byu yug khang" moo" we' hau: khyoo: moo shi, goo" shi, yang- vang lo" boem bye.

LUKA 16:16 교차 참조

MATHE 10:7

Nangnu" yhe: lho: ‹mougkhoung: mungdain: tam: too" wa zi jhang loo bye:› ein: da" lu dang: ri kho" kyoo" ge'.

MATHE 15:11

Nhoid' khoug: moo vang lo da" zigi Byu ri aco' ajhoid bui" nhang: zi anghoid. Nhoid' khoug: mo thu' lo da" zigi byu ri aco' a jhoid bui" nhang:» ga: tid kyo".

MATHE 21:32

Yohan gi nanu" jang" moo re" lho: deung main" da" khyoo: ri jhoug" byid: nghoid loug we' nanu" nya: dang: ri aloem" jeung" boem. Nghoidloug we' khyu: zoo: mo, yo' shava myiyi: yigi nya: dang: ri loem" jeung" boem bye. He: da" akhyoo" again ri shau" myang uri lang" nanu" gi nheigloem: thed' lho: Yohan da" dang: ri loem" jeung" lo da" khyoo: abo boem nghoid da.

MATHE 3:2

«Mougkhung: mungdain: ju" lo nyid bye: yoomo nheigloem: thid' loo: ge'» ga: Yuda dain" pyoid yoo moo tarha" kho" nyid.

MATHE 4:17

Hau: ayo, moo Yesu gi «Mougkhung: mungdain: ju" ri bye yoomo nanu" da" yooboo mo nheigloem: thid' loo ge» ga: Tarha" kho" shid" bye.

MATHE 4:23

Hau: lho: Yesu gi Galile mung" goin" cang koem" yen" zoore"- nyang: bang: da" Tarha" jung yi moo cang jhoug" byid: yen" wigi hau: mungdain: da" ngeibu: lu dang: cang kho" yen" ziyo' mung" byu yi da" noo phyoo" aja: ja:- nooboug: aja: ja: ri zheung: ge loo nhang: yen.

MARKU 1:14

Yohan ri thung: myeug lhoung pyam thang: ri Yesu gi Mangso jang" mo ngei bu: ludang: khyo" wa Galile moug: khyoo: yhi bye.-

MARKU 1:45

Nghoid loug we' nyang gi thu' yhe: lo" wigi hau: khyoo" ri yoem: kaid tid kyo" ziyo' ludang: ri fu" nheung kaid bye. Houg yoomo Yesu gi voo khyoug: khyoo: di: di: age vang yhe: shug wigi vooyam vooqei; moo nyang: kyeing" nyid da-_ khyi khang" moo" mo mung" byu yi gi nya: jang" moo re: lo boem ago".

LUKA 10:11

Ngoonu" khyid: moo dab da" Nanu" voogung mo phei" lhoug: ri ngoonu" ko: khyoo bye: ein: tid ge'. Nghoidloug we' Mangso da" mungdain: gi nanu" nam moo jhang lo nyid bye: da" khyoo: ri myid boin: ge'.

LUKA 10:9

Hau: voo moo noo phyoo" shau" nyid mo, ri ze: gi byid: ge'. Hau: thang: ri nyangnu" jang" moo Mangso da" mungdain: ju wa zi jhang bye: da" khyoo: ri tid kyoo" ge'.

LUKA 16:29

Abraham gi re" nhoung" ri tid poin" wa shid' re" Moshe yo" lapi: yi nyid bye. Houg: bang: da" dang: ri tam" gyoo: goo" baja" ga: tid poin" bye.

LUKA 16:31

Abraham gi nyangnu" Moshe yo" lapi: yi da" dang: atam" gyo: nghoid rigi gyeing" nyang: shid: bye: jang" mo byu dayug yug doem dei to'' loo nghoid loug we' nyangnu" gi loem" jeing" wa zi anghoid ga: wigi tid.

LUKA 9:2

Hau: thang: ri nyang: gi nyangnu" ri tid zigi Mangso mungdain da" akhyoo" ri yhe: kho" kyoo" wa ziyo' noo phyoo" shau" mo, ri yhe: gi, byid: wa shid re" nhang: kaid' boem bye.

YOHAN 1:45

Philib gi Nathanela ri myang lang" Moshe da" tarha" pug moo nghoid loug- Lapi: yi da" Jhoem: mungdang: moo nghoid loug- lhid" shed' too" su: ri ngoonu" myang bye. Hau: yug gi Yoseb da" nya: zoo:- Nazared mo Yesu nghoid ga: tid.

YOHAN 11:48

Nyang: ri hid: su" akhang" dabyid: to" nghoid rigi Byu yug khang" moo" nyang: gi loem" jeing" lo" boem wa. Houg: lang" Roma amyeing" ci: mo, re" lho: wigi ngoonu" da" no ku" yhoem: moo" ri we' ngoonu" da" byumyu" bain sho' ri we' lhu: phyo' pyam byid: wa nghoid ga: tid boem.

YOHAN 12:19

Pharishe" yen, gi ngoonu" moo oung: lo" da" khyoo: dajhi' we' aboo. Yu" ge' mougmyid daloem: goin" nya: thang: moo cang lo" boem bye: ga: nyang: cang" nyang: tid go" nyid boem.

YOHAN 5:4

(Aseing: da" moug: lagyoo: yi gi daso' dadam gyid thoem" moo gyoo" lo lho: gyid ri lhu: nhoin, yoomo gyid thoem" noin" loo wa zi ri noo mo gi lang" nyid boem. Khasu" wim gari hau: gyid thoem" noin" lo da" uri xang" shid" gyid thoem" khoug: khyoo: yo" vang yhi: su: gi noo ge lo.)

ACTS 3:18

Mangsoo nya: da" Meshia gi dayam, dayoo: kham, zoo: wa nghoid ga- Mangsoo gi goonhaam gooco, mo Lapi: yi dangain" khyo" tid fu" to" lho: hau: lapi: dang: gi hid: bue" nyid khyo" wigi joed byeung" loo nhang: bye.