LUKA 16:14 - Lacid Common Language Bible

¹⁴ Pharishe yi gi hau: khyoo: dangain" ri shaug" gyoo: yoomo nyang: bang: gi Yesu ri juang" yi byid: ago.Khasu" wim gari nyangnu" gi ngei ri jheddab mo, nghoid.

LUKA 16:14 교차 참조

LUKA 23:35

byu phung: yi gi yab jo, lho: yu" nyid boem. Yuda byumyu" da" vhu" jhung: yi gi he: yug gi byu goo" ji ri yo" khyoid yu gyeing" nyang: Mangso khyen: to" da" Meshia nghoid rigi nya: gung ri we' khyoid yu yu" baja". Ga: tid juang" yi nyid ago".

LUKA 20:47

Cougmoo" myhi, yi da" yhoem: zi yoo khuid" joem ri we' atarha" khyo" lhoid yu lho: subi" gyo: loem" wa khyo" akyu" sheing: sheing: cang mho' yen" boem. Nyangnu" ri je no, thang da" yoobo dam byid: wam: bye: ga: tid.

LUKA 12:15

Hau: thang: ri vhoo: bo myo, no, da" khyoo: aja: ja: ri zed" pyam ge'. Byu da" kangso' gi ziyoo jonu" moo geing: zug jo, zi anghoid ga: tid.

YEREMIA 8:10

Houglho: ngoo gi nyangnu" da" mougmyid joem ri subi" goo" bang: jhang byid: pyam wigi nyangnu" da" yhoem: seing: myhi' yiri we' yuggi gooji bang: jhang byid: pyam wa. Byu gyi: zoo: nge zoo: yi yugkhang" moo" gi adeingmain" khyo" ngei shoo: wa yoem kaid nyid boem. Lapi: yi yo' khainjung yi lang" byumyu" yiri mhoug zo: ago".

YEREMIA 6:13

Byu gyi: zoo: nge zoo: yugkhang" moo" gi ngei ri adeingmain" da" khyo" sho: yu wa soin' ago". Lapi: yi yo' khainjung yi lang" mung byu yiri mhoug zo: ago".

ESAIA 56:11

Nyangnu" gi khanham we' atho' tham: da" mhain: da" lakhuid" yo' du da:. He: vhujhung: yigi se' gyo: khyoo: ajo, nghoid da:. Nyangnu" mo yugkhang" moo" gi nyang: vho: ngei ziri koid wigi nyang: nya: akyu" shid re" za: sho: ago".

HEBRE 11:36

Dayham" ri gi juang" yi gei sang: lho: youg baid' said pyam wigi dayham" rigi myheug tei" thung moo lhoung pyam zi shau" nyid ago".

2 TIMOTHI 3:2

Byu yi gi nyang: nya: da" akyu" ri za: shoo: mo, myo, no, vhoo: boo mo, nghoid thui: gyoo: mo, nheigloem: myhang: phau: khuang mo, za: bue" loo wa. Nyang: nu" gi juang" yi gei sang: yen" mo, myhi, phoo ri thougtheung mo, - jeju" ase' boin: mo, noku loem, khoug: khyoo: ci: aboo mo, bue" lo boem wa nghoid.

LUKA 8:53

Hau: uri byu yi gi myiyi: zoo: bain shid: bye: zi se' boem yoomo Yesu ri juang" yi nyid boem ago".

MATHE 23:13

«Akug void da" tarha" sara: yi yo' Pharishe nanu" gi joem: loo" goo" wa. Subi" mougkhoung: mungdain: khyoo: vang loo" wa ga: soin' lo" da" uri nanu" gi khoem" myhid" byid: ago". Nanu" nyang: we' avang lo" boem. Vang loo" wa ga: yoem: kaid nyid mo, ri we' vang loo" wa da" akhang" abyid: boem zigi nanu" shid re" khayhi gyoug phyoo" nghoid.

EZEKIEL 33:31

Hougsu" nga" byu yigi nang tid wa da" dang: ri tam" gyoo: wa shid re" zeing: foem: yhe: boem nghoid loug we' nyang: nu" gi nyangnu" koid wa khyoo: nang tid khyoo: ri akoid nghoid ago". Nyangnu" da" nhoid moo jheddab dang: tid da:. Nghoid loug we' nyangnu" gi nyangnu" da" myid vo: lau khyoo: ri xo' koid da:.

ESAIA 53:3

Ngoonu" gi nyang: ri aphoug" akhyoid koid wigi nyang: ri ngeug he: pyam bye:. Nyang: gi yau: khi" ziyo' no kyi" khyeug zi kham zoo: bye:. Nyang: ri hang" dayug lang" ayu" nghoid ago". Ngoonu" gi nyang: ri ci: anghoid yug ri yhang: ti" yu lid: pyam bye:.

COUNG" NGHEI 119:51

Phau: khuang nyid bang: gi- ngoo ri: khanham we' juang" yi nyid boem nghoid loug we' re" tarha" ri ngoo to" pyam wa zi anghoid.

MATHE 9:24

«Khyoo: shu, kaid ge'. He: zoomyi: zoo: gi shid: jo, zi anghoid- yhoeb' pyo: nyid zi nghoid» ga: tid. Nyangnu" gi Yesu ri gye" juang" yi nyid boem ago".