LUKA 15:4 - Lacid Common Language Bible

⁴ Nanu" mo dayug yug gi yang dashoo: mo dadu: byug lo" ri mhain" kaid jang" moo too" kho" lho: byug lo" da" yang ri ashau" ri shau" sho' shoo: wa zi anghoid la".

LUKA 15:4 교차 참조

COUNG" NGHEI 119:176

Ngoo gi byoug lo' da" yang dadu: yhang: ti" khyoo: vhang: du: dam: yen". Houg: yoomo re" lho: re" da" zoo: phoo ngoo ri cang shoo: we'. khasu" wim gari re" da" tarha" joem ri ngoo ngeug pyam nyid su: anghoid.

ESAIA 53:6

Ngoonu" dangain gi yang yhang: ti" byug lo" boem bye:. Ngoonu" yugkhang" moo" gi nyang: yug nyang: vho: da" khyoo: khyoo: lo" boem abye:. Nghoid loug we' Aseing gi ngoonu" dangain" bang: kham zoo: moin: da" yooboo ri nya: adang moo gyo" zang" nhang: bye:.

YEREMIA 33:13

Boug gung mo voogung joem mo boem khyid: joem moo Yuda mougpyi:- shoid moo Benyamin mougmyid moo Yerusalem aqei: ayam voogung joem moo Yuda voogung joem moo yang zung" bang: gi nyangnu" yang joem ri dalheing: doem nghab loo wa. Ngoo Aseing tid too" bye:» ga: tid da:.

YEREMIA 50:6

«Nga" byu yigi yang zung" bang: wigi boem joem cang ci: phyug pyam shau" da" yang joem yo' du da:. Yang joem gi boem da loem: mo daloem: khyoo: so" lam" yen" yhang: ti" nyangnu" so" lam" yen" da:. Nyangnu" yhoem: khamoo: nghoid ziri to" myhed pyam ago".

EZEKIEL 34:16

«Ngoo gi byug byug da" yang ri cang shoo: wa. Lam" byug da" yang ri doem shu" tau" yu wa. Dam dab du: ri dam noo thoeb byid: wa. Noo bang: ri macid" byang" byid: wa. Nghoid loug we' xu: wigi yoem: bo bang: rigi said pyam wa. Ciwim gari ngoo gi jo ziri koid da" yang zung" su: nghoid.

EZEKIEL 34:31

«Ngoo khu: myhu: nyid da" nga" gougnyhoug kyung- nga" yang joem nanu" gi nga" byumyu" nghoid lho: ngoo gi nanu" Mangsoo nghoid. Yoem: moo" bo Aseing tid bye:.

EZEKIEL 34:4

Nanu" gi yoem: neing: du: ri alhung goin coung:. No du: ri abyang" byid:. Dam dab du ri athoeb byid:. Nyid lam" yen" du: ri adoem shu" yu. Byug lo" du: ri ashoo: nghoid da:. Hau: gungthid nanu" gi nyangnu" ri akhyi" akhyoid zoem" khau: da:.

EZEKIEL 34:8

Ngoo gi kangso' dei da" Mangsoo deing deing nghoid ziyo' dayhang: ti" nanu" gi nga" dang: tam" gyo: ri je gi wa. Nga" da" yang joem gi yang zung" su: anyid yoomo siyoo gougnyhoug lam" joem wigi khaid thung" said pyam wigi nyangnu" ri zo: pyam ago". Nga" da" yang zung" bang: gi hau: yang joem ri shoo: wa shid re" yoem: akaid nghoid ago". Nyangnu" gi nyangnu" da" gung ri za: yu" goin coung: nyid lho: yang ri acoung: nghoid ago".

MATHE 12:11

Aseing Yesu gi «nanu" da" yang dadu: du: Dougno: Bidnyid labain nyid" ri duang: khuang" moo to byid gyo" jo nghoid rigi alang: thoid yu wa su: dayug yug boo wa la".

LUKA 13:15

Aseing Yesu gi ayid void mo, nanu" dangain" gi Dougno: Bidnyid ri nanu" da" nu: loozei: joem ri Nu: yhoem: loozei: yhoem: mo tei" ri phoid: lho: gyid jhug wa shid' re" shu" thu' loo" se' nyid anghoid goo" la".

LUKA 15:3

Hau: uri Yesu gi he: dangtu' yu lho: tid da" zigi

LUKA 19:10

Byu nya: zoo: gi byug bye: mo, ri shoo: lho: khyoid yu wa shid' re" ju" ri" bye.

Roma 2:1

Haugsu" nghoid yoomo - byu gooji ri tarha" dang: phyed' su we' re" yooboo khyoid' byid wa khyoo: thang bye. Khasu" wim ga ri - nanyang: subi" ri - dang: phyed' nyid uri - nang nyang: hau: da: tarha" ri shoid' nyid. Nga" bidnoem nang tarha" dang: phyed' nyid uri nyang: nanya: gung ri nang dang: phyed' nyid zi nghoid bye.

1PETERU 2:25

Ngoonu" gi Yesu da" dam noo joem mo-noo ge lo boem bye. Khasu" wim ga: ri nanu" gi yang joem yhang: ti"- khyoo: vhang: vhang: lo" byug boem bye- nghoid loug we' akhid" koem gi hau" yang lhug zoug: moo" yo' nanu" da" kang so' ri zung" byid: su: jhang: khyoo:- cang loo" wa shid' re" doem shu" lo zi shau" bye.