LUKA 15:13 - Lacid Common Language Bible

¹³ Hau: thang: kha: myhang amyang" ri nya: nhung" gi nya: da" ziyoo dangain" oung" pyam lho: ngei ri za: ci wigi gye ve: da" mungdain: daloem: khyoo: thu' loo" bye. Nyang: gi hau: mungdain: moo adu: adam:- anghoid akhuang khyoo: moo za: ngei bain yhoung: thang pyam bye.

LUKA 15:13 교차 참조

COUNG" NGHEI 73:27

Nang ri she: pyam mo, gi gyeing" nyang: joem: lo" boem wa zi nghoid. Nang moo: nheigloem: azung" bang: ri nang gi phyo' shoin' pyam wa zi nghoid.

DANG: ZHOEM 18:9

Byunei" gi phyo' shoin su: yo' dakhyoo" ti"- agi su: nghoid nyid.

DANG: ZHOEM 21:17

Pyo: khyoo: sho: ziyo' yhid: shug foo" zo: koid lho: ngham" da" zoo: noem riza- vhu" vhoem" myo, no, khyoo: gi khanham we' nang ri jonu" yo" loo nhang: wa zi anghoid.

DANG: ZHOEM 21:20

Ung: yeig phajhi" boo mo, gi jonu" yo" lho: wigi nyid gi nyid de nyid goo" nghoid loug we' nheig agyeung: mo, gi nyangnu" yo" da" ngei sheing: ri houg: yoo" houg: yhoung: pyam nyid ago".

DANG: ZHOEM 27:8

Nyang: nya: yhoem: mo, vi: khyoo: lam" yen" su: gi nya: soid mo vi: khyoo: dang: lam" yen" da" ngho' yo' du nyid.

DANG: ZHOEM 28:7

Tarha" ri cang lo" da" zooyam, phoo gi vhu" nug gi su: nghoid- ce" akyu" abo da" byu yi yo, zoem" khau: yen" su: gi nya: phoo ri sho' thu nhang: nyid su: nghoid.

DANG: ZHOEM 29:3

Phajhi" juyhi: ri nang phoug" se' tab zigi re" phoo gi nang yoomo la ngi: yo" koid wa nghoid- shava myhi' jang" moo: ngei yhoung: thang pyam, da" zigi athoug" akhyoug: da" nheig agyeung: su: nghoid nyid.

DANG: ZHOEM 6:26

Yuggi dayug gi zooyho, dakhe' da" aphoug" yo' shava myiyi: dayug ri yo" ngho" yu nghoid loug we' myi: lhoid su: gi nyang: yo" da" ziyoo dangain" youg: shoug" khyau" pyam ca" wa nghoid.

ESAIA 1:4

Yooboo koid da" byumyu" byo, yoin" ziyo' akhyeing" da" byumyu" nanu" we"- nanu" gi joem: byug abye:. Nanu" yooboo joem gi nanu" ri she: khyoid khyo' pyam abye:. Nanu" gi Israela da" gyeung" shang: da" Aseing Mangsoo ri ngeug he: pyam lho: nanu" gi nyang: ri nungthang phug pyam abye: go".

ESAIA 22:13

Hau: gungthid nanu" gi gau yi ngei bu zi yo' pui" koid ago". Yang yo' nu: joem ri nanu" said zo: wigi zabyid yhid: shug ago". Nanu" gi «Ngoonu" gi zo: boem shang shug boem shang- nab kyoo' ngoonu" shid: ri shid: wa» ga: tid ago".

ESAIA 30:11

Ngoonu" da" khyoo: ri shu' ge'. Ngoonu" da" khyoo: ri axau' too". Nanu" da" Israela da" gyeung" shang: Mangso da" khyoo: ri ngoonu" anau gyoo ga: tid ago".

ESAIA 56:12

Hau: yhid: ya: yigi zabyid yhid: dajhi shoug" shug lang" ‹Ngoonu" gyi: sho' shug shang. Nab yo nyid" gi akhid" tho' lang" je gi wa› ga: tid ago".

YEREMIA 2:13

Ciwim gari nga" byumyu" yigi yooboo eig ja: shoid abye: go". Nyangnu" gi kangso' gyid bug gyid gyeing: nghoid da" ngoo mo lheing: phug lo" da:. Gyid ayo" deing jo, da" gyid teing thoem"- jo, gyam: byug da" gyid teing thoem" joem ri du: ago".

YEREMIA 2:31

Israela byumyu" yi we"- ngoo tid nyid ziri tam" gyoo: we'. Ngoo gi dain" pyoid yoo yhang: ti" moug coid yhang: ti" yo' gyoug ca" da" mougmyid yhang: ti" bue" lo" zi shau" yu" la". Hougsu" nghoid ri ciwim yoomo nanu" gi nga" jhang khanham we' atau" phang: loo" loo wa ga: nanu" nyang: vho: khyo" koid wa ein: tid boem go" la".

YEREMIA 2:5

Aseing «Nanu" da" phoug" phyid" yigi ngoo ri ce: yooboo zhug wigi thougtheung bye: go" la". Ce: wigi nyangnu" ri ngoo mo lheing: phug loo" nhang: la". Nyangnu" gi ce: phoug" adab da" soolhoo: joem ri no' wigi Nyangnu" nyang: we' ce: phoug" adab bue" da:.

MIKHA 6:3

Aseing tid zigi «Nga" byumyu" yi we" ngoo gi nanu" ri cikoid byid: bye: la". Ngoo gi nanu" shid re" yoolid: bue" lid loo bye: la". Phuid: kyo" yu" shi" we'.

LUKA 15:12

Nya: nhoung" yug gi nya: phoo ri nga" ba" we"- ngoo yoo" eung: da" moid ri akhid" nyang: gam byid: kaid we' ga: lo" tid. Houg: lang" nya: phoo gi nyang: yo" da" ziyoo ri nya: zootang: ri kho" gam byid: bye.

LUKA 15:14

Nyang: yo" da" ziyoo dangain" bain yhoung: thang pyam thang: ri hau: da" mungdain: moo zooyoid phang" khoug gyo" loo bye. Nyang: gi ci: ayoo" shoo" cen doem: danghoid lo.

LUKA 15:30

Nghoidloug we' re" da" ziyoo jonu" ri shava myiyi: yi yo' lhu: poid: pyam yen" su: dadoem lo ri yen gi khu: myhoug to" da" nujung: nu" nya: shid' re" to' voem" said nhung: lha"» ga: tid.

LUKA 16:1

Yesu nya: cangzoo: yi ri tid zigi sathi phoo yug gi moo" pyeing" su: dayug yo"- hau: yug gi sathi" pho da" ziyoo jonu" ri agoin: lhu: shoin' pyam nyid da" ziri byu yi gi sathi" phoo ri khyang" lo" shid: boem.

LUKA 16:19

Goonham, dalheing: ri nyang: gi nyid" khang" moo" phoug" dab thang da" mi, byi: ri void ci: lho: nyid di nyid ge nyid.

Ephesu 2:13

Nghoid loug we' akhid" koem gi Khristu Yesu moo zheung" shoin" too" bye: yoomo ve: gang: nyid lo yu" da" manu" gi Khristu da" shid: kham, xoin" yoomo shu" tain" tab yu zi shau" boem bye.

Ephesu 2:17

Hougsu" Mangsoo yo' ve: gang: jo, da" nanu" tung bau byumyu" yi ri we' Mangsoo yo' jhang byid da" Yuda byumyu" yi ri we' Khristu ju" re" wigi hau: ngei pyo: myenjham" khyo: da" ngei bu: lu dang: gi, re" kho" kyoo" byid: bye.

2PETRU 2:13

Nyangnu" gi soobi" ri thoung" shau" nhang: da" kyi" khyeug sho" jhen: khyoo: gi nyangnu" nyang: moo we' latoo: doem phug zi shau" zo: boem wa nghoid. Nyangnu" gi bidnyid" dang: gung rilang" nyangnu" da" gungshoo" nheugloem: yoo: pei" wa shid re"-nyangnu" nheug shid: jang: koid ago" Nyangnu" yo' dage" zo; shug mo, phung: moo dage" yhe: vang boo yoomo nyangnu shid re" asho' ashid: ziyo' myonhoo: ngilang: gyoeb khyoo: bue" nhang: nyid. Nyangnu" gi khanham fain" vo, khyoo: moo gye" pyoo: thui: gyo: boem.