LUKA 13:34 - Lacid Common Language Bible

³⁴ Yerusalem we"- Yerusalem we"- Lapi: yi ri said pyam pyam koid: nyid da" voogung we"- Mangsoo nhang: kaid da" lagyoo: yi ri luggo' du" said said koid: da" voo we"- Gyo, zeing gi gyo, nu" joem ri nya: dung vhoo: khoug: moo zheing" kaid to" yhangti"- ngoo gi re" zoo: re" myid: yi ri nga" lo, yoem: khoug: moo zheing" kaid too" nau zi myoo" sho' lheing: nghoid bye. Nghoidloug we' nang koem: gi ngoori houg: su" akoid: nhang noug nghoid da.

LUKA 13:34 교차 참조

NEHEMIA 9:26

«Nghoid loug we' re" byumyu" yigi nang ri thougtheung gyi koid lho: re" da" tid dang: ri atam" gyoo: nghoid ago". Nyangnu" gi re" tarha" ri nungthang phug pyam ago". Nyangnu" gi nyangnu" ri tid poin" da" lapi: yiri said pyam ago". Houg bang: gi nyangnu" ri re" jhang khyoo: lheing: loo: wa khyo" tid boem. Nyangnu" gi dalheing: thang: dalheing: nang ri aphoug" akhyoid koid da:.

NEHEMIA 9:30

Dazain thang: dazain nang gi nyangnu" ri nheigloem: sheing: sheing: to" wigi tid poin" da:. Nang gi re" lapi: yiri dang: ji wa shid re" nheigloem: soozoo: lheing: nhang: da:. Nghoid loug we' re" byumyu" yigi nu jid ago". Houg: yoomo nang gi gootu: byumyu" yi wigi nyangnu" ri oung: pyam nhang: da:.

COUNG" NGHEI 149:2

Israela byumyu" yi we"- nanu" ri phain" so: to" da" Aseing yoomo gau, yi nyid we'. Ziun da" byumyu" yi we"- nanu" da" khokham phoo yoomo gau, yi phau: khuang: nyid we'.

COUNG" NGHEI 17:8

Nang gi nanya: myojid" ri yhang: ti" ngoo ri goem coung: nyid. Akhyeing" ashoeb mo, da" gyi koid lo jang" mo ngoo ri re" da" dung soo" yoeb khoug: moo nghoeb shang ci: byid: we'.

COUNG" NGHEI 36:7

Mangsoo we"- re" da" geung: teung jhed khyeing: kang: khyeing: gi khayhi' gyeing" phoug" dab, jo, lha" Re" da" dung soo" yoeb khoug: moo khau: nghi: joyoo ngoonu" yo" nyid boem.

COUNG" NGHEI 57:1

Ngoo gi re" jang" moo: yo" gau: nyu: nyid wa ju" ri" bye: yoomo ngoo ri nheug khyeug yu byid: we'. Uglid zeing hau, lid: lo" ayo, ju" sho' re" dung khoug: moo ngoo khau: nyid wa.

COUNG" NGHEI 81:13

Nga" byumyu" yigi ngoo tid da" dang: ri tam" gyoo: byid: wa zi ngoo khayhi' gyeing" myid vho: nyid lha". Nyangnu" gi ngoo moo: tam" gyo: cang loo wa zi ngoo khayhi' gyeing" nheug byu nyid la".

COUNG" NGHEI 91:4

Nyang: gi nang ri nya: dung soo" joem yo' yo" nghoeb shoung: ci: wa zi nghoid. Nya: da" yu" goin' yu" coung: jang" moo nang gau: nyu: nyid wa zi nghoid. Nya: da" nheigloem: zung" da" khyoo: joem gi nang ri goem loem lhoug zung" byid: nyid wa zi nghoid.

ESAIA 30:15

Israela da" gyi: sheung: gyeung" shang: da" Aseing Mangsoo gi nya: byumyu" yiri «Tau" lo wigi sam: za: ngoo ri khau: nghe: goola. Houg: lang" nanu" gi yoem: bo wigi goem loem khyoo: yo" yu goo" wa» ga: tid da:. Nghoid loug we' hau: ziri koid wa nanu" ngeug he: pyam ago".

ESAIA 50:2

Ngoo nyangnu" ri khyoid yu wa nyangnu" jhang yhe: uri nga" byu yigi hau: ziri ciwim wigi aphug tid boem la". Ngoo nyangnu" ri khe: uri nyangnu" ciwim atu" boem go" la". Ngoo gi nyangnu" ri khyoid yu wa yoem: sung neing: yug nghoid rhe". Gyid ayoo" yoomo houg moo nyid boem da" wimdo, joem shid: wa shid re" ngoo gi amyeing" dang: wigi panglai: ri yo" kain" hei' loo" nhang: lho: gyid lang ri dain" pyoid yoo yo" koid pyam da:.

YEREMIA 2:30

Ngoo gi nanu" ri yooboo dam byid: loug ce: akyu" aboo nghoid da:. Nanu" gi ngoo wigi nanu" ri jhau" shed wa akhang" abyid: nghoid ago". Nanu" gi nheig joem: yo: da" khangkhyi yhang: ti" nanu" da" Lapi: yiri said pyam abye:.

YEREMIA 26:23

Nyangnu" gi nyang: ri khokham Yehoiakim jhang shu" lo wigi khokham phoo gi nyang: ri said pyam wigi nya: manggung ri shava loeb moo she: pyam ago".)

YEREMIA 35:14

Yonadab da" amyed ashen yigi nyang: wigi zabyid yhid: ashug goo" wa shid re" amyeing" byid: kho' ziri tam" gyo: cang yhe: wigi akhid" nyid" ju" sho' nyangnu" ce: daja: we' ashug nghoid ago". Ngoo gi nanu" ri atheing: theing: dang: ji nyid nghoid loug we' nanu" nga" dang: ri atam" gyoo: nghoid da:.

YEREMIA 35:17

Houg: yoomo Israela da" Mangsoo- Myhang: thang Aseing ngoo gi Yuda yo' Yerusalem byu yi adang moo ngoo dangsoo" byid: to" da" byo, yoin" zi dangain" bui" nhang: wa. Nanu" ri ngoo dang: tid uri nanu" atam" gyo: boem wigi ngoo nanu" ri khe: uri nanu" atu" boem yoomo he: ziri ngoo koid wa ga: tid da ein: yhe: tid kyoo" we' ga:.

YEREMIA 6:16

Aseing gi nya: byumyu" yiri «Khyoo: kang" moo yab jo, wigi yu" kaid we'. Goonham' mo khyoo: ri myid: yu" wigi khyoo: khakhaid je ge thang ziri myid: yu" we'. Hau: khyoo: khyo" soo" ge' houg: lang" nanu" gi yug yo myenjham" ziyo yo" nyid goo" wa» ga: tid da:. Nghoid loug we' nyangnu" gi «Anghoid- ngoonu" asoo"» ga: tid boem.

NGOUG JI: 1:16

Houg: yoomo ngoo ngau wigi nga" myojid" mo ngoug byid byeung" shoin: yau gyo" nyid. Hang" we' ngoo ri nheing teung lho: yoem: ayo" lung: byid:. Gyivoo joem gi ngoo ri oung: pyam bye:. Nga" byumyu" yigi ci" we' ayoo" loo.

NGOUG JI: 4:13

Nghoid loug we' nya: lapi: yigi yooboo shoid nyid boem ziyo' nya: khainjung yigi ce: yooboo we' ayoo" mo, ri shid: shoug" nhang: da" gang mo hougsu" bue" lo" boem bye:.

HOSEA 11:2

Nghoid loug we' ngoo nyang: ri je khi: lang" nyang: gi nga" jang" mo je lheing: phug lo" da:. Nga" byu yigi Bala ri xoin" ngei" byid: da:. Nyangnu" gi soolhoo: joem ri nam pyo: ja: nghe' ngei" byid: da:.

HOSEA 11:7

Nyangnu" gi jhen" gi gi ngoo mo vi: khyoo: da tau" phang: lo" ago". Nyangnu" adang moo kyoug: voin vu, ci yoomo ngoo ri nyho: yoid loo goo" wa. Nghoid loug we' hau: yoovoin joem ri hang" wigi we' atu: pyam byid: wa.

YOELA 2:23

Ziun mung" byu yi we"- gau yi nyid loo: ge'. Nanu" shid re" nanu" da" Mangsoo koid byid: bye: da" khyoo: yoomo ngei bu nyid ge'. Nyang: gi nanu" ri lid jhen" moug: myoo" sho' voo byid: da:- nyang: gi shid phyang" yo' dakhyoo" ti"- xung" moug: yo' zain vang khoem" mo moug: ri voo byid: nyid.

ZEKHARIA 1:4

Nanu" da" phoug" phyid" yi yhang: ti" akoid goo"- shid phyang" mo lapi: yigi nyangnu" ri ‹Akhyeing" khyoo: moo anyid goo"- yooboo moo" azei: goo"› ga: nga" mungdang: ri tid kyo" boem nghoid loug we' nyangnu" gi atam" gyoo: acang yhi: nghoid ago".

MATHE 22:3

Hau: khokham" phoo gi shid re khe: too" bye: mo, jhang khyoo: nya: dei zoo: yi ri doem khi: nhang: kaid. Nghoidloug we' nyangnu" gi nau re" boem nghoid ago".

MATHE 22:6

Deung nyid mo, gi khokham" da" dei zoo: yi ri lhoem: myheig yu nyangnu" ri baid lho: said pyam boem ago".

LUKA 15:28

Mang: moo" gi nheig gye" gyo: yo: lho: yhoem: khoug: khyoo: avang loo. Houg: yoomo nya: phoo gi thu' re" lho: nyang: ri yhoem: khoug: khyoo: vang loo we' ga: re" jhu.

LUKA 19:44

Nyangnu" gi nang ri we' re" da" vang khoug: moo nyid da: byu dangain" mo, ri we' lhu: phyo' sain" pyam boem wa. Lug daloem: tho' moo daloem: lang" aki" loo: wa, ce: noem wim la"» ga: ri Nang gi nanyang: ri khyoid yu wa da" Mangsoo gyoo" lo da ayo, ri nang asi yoomo nghoid ga: tid.

LUKA 23:28

Yesu gi hau: myiyi: yi jhang khyoo: lheing: yu" kaid lho: Yerusalem myiyi: nu" yi we"- nga" shid' re" angoug goo"- nanu" nyang: yo' nanu" da" nya: zoo: yi shid' re" da ngoug ge'.

ACTS 7:52

Nanu" da" phoug" phyid" yi wi gi ashen" yhen, yu" da" lapi: ga: zi kha: yug nyid yu go" Nyang: nu" gi Mangso da" deingmain" su: ju" ri" wa ga: da" khyoo: ri tid fu" kyo" da" Mangso lagyoo: yi ri we' said' pyam boem abye: go. Akhid" nanu" gi hau: yug ri ab, byid: pyam' lho: said' pyam' boem abye: go.

ACTS 7:59

Nyang: nu" gi Stepain ri houg: su" lug go' wigi du" go" nyid da" uri stephain gi Aseing" we" Aseing: we" - nga" Venyi ri kham: yu byid: we' ga: Aseing: ri mho' yoid nyid.

ACTS 8:1

Sholu gi stephain ri said' wa zi myid bo veing" su: nghoid. Hau: bidnyid moo Yerusalem voomoo" moo nyid da- loem" jeung" phung byu yi gi dayam, dayoo: shen" yhen zi gyisho' shau" nyid boem bye. Lagyoo: yi mo we' je" wigi loem" jeing" mo, dangain" gi Yuda mung" yo' Samari mung" gyoo: khyoo: goem: sho' phang: byo, sain" lo" boem abye: go.

TARHA" TID POIN" 32:29

Nyangnu" gi ciwim gyi soem" ziri ase' myang goo" nghoid da:. Nyangnu" cibue" lo ziri we' asi' goo" nghoid da:.

TARHA" TID POIN" 5:29

Nyangnu" khanham we' hid: su" kyeing" za: bui" nyid goo" baja". Nyangnu" khanham we' ngoo ri phau" myang: wigi nga" amyeing" dang: dangain" ri tam" gyo: cang yhe: nghoid rigi ja: khang" moo" moo apyaid atoo: nyangnu" yo' nyangnu" amyed ashen yi nyid gi yab gi wa zi nghoid.

Pang Shug 11:8

Nya: eig youg da" mang gung gi nyangnu" da" Aseing: ri baid' jen" said' pyam da" voomoo" zeing mo fu" moo" khyoo: gung moo she: lheung: to" boem wa nghoid. Hau: voomoo" zeing gi-Sodam voo anghoid lang" gi Egutu ein: da" mung dang: ved, bo nyid.

RUTHA 2:12

Re" lo, moo" yoomo Aseing gi nang ri mainkaid byid: baja". Coung: goem byid: wa shid re" nang nghe: khoug: vang lo da" Israela Mangsoo gi nang ri myo: tham: da" aphoug" shang" byid: nyid baja" o"» ga: nyang: ri tid.