LUKA 13:25 - Lacid Common Language Bible

²⁵ Yhoem: seing: gi khoem" ri myhid" pyam lang" nanu" gi nghe: shoid moo shau" nyid moug myang boem wa. Houg: lang" nanu" gi Aseing: we"- Aseing: we" khoem" phang byid: shi" we' o"- ga: khoem" moo ko, yoid nyid loug we' yhoem: seing: gi nanu" kha: khyo" re" zi ngoo asi ga: tid pyam wa.

LUKA 13:25 교차 참조

APOEM AYANG: 7:16

Mangsoo nhang: ziyo' dakhyoo" ti" nyang: koid bye:. Houg: lang" Aseing gi Noa ri akhoug: khyoo: myhid" lhoung kaid.

COUNG" NGHEI 32:6

Hougsu" nghoid yoomo re" da" dang: zung" bang: dangain" gi pang" thoug yu wa zi ca" nyid da" ayo, moo re" jang" moo: akyu" mho' ca". Yau: khe" khyoo: gi gye" thain: da" gyid ji: zoo" ti" tain" loo nghoid loug we' nyangnu" jang" moo: yo" ju" wa zi anghoid.

ESAIA 55:6

Aseing jhang lheing: lo lho: nyang: ri akyu" mho' ge'. Akhid" nyang: gi jang" moo nyid.

MATHE 25:41

«Hau: da" thang: ri khokham" gi lo, koung" shoid khyoo nyid mo, ri ‹joem: so: zhung" da" byu yi we"- nga" jang" mo gang: loo" ge'. Yu satan: yo' nya: lagyoo: yi shid re" ein: nyheing to" da:- moo myi: apyaid atoo: thoem" khyoo vang loo" ge'› ga: tid.

LUKA 13:27

Nanu" kha: yo, ri" mo, nghoid zi ngoo asi- akhyeing" ashoeb mo, we" nga" jang" mo, gang: loo" ge' ga: doem tid wa.

LUKA 3:8

Nheugloem: thid bye: ziyo' moin: yi" da" asam" aved ri toin" shid ge' Abraham gi ngoonu" da" nya: phoo nghoid ein: atid goo. Mangsoo gi he: da" lugloem: joem ri Abraham da" nya: zoo: yi bui" wa shid' re" yo" phain" byid: ein: wigi nanu" ri ngoo tid.

LUKA 6:46

Nanu" gi nga" dang: lang" atam" gyo: zi ci: koid: ngoori- Aseing: we" Aseing: we" ein: yoid nyid go".

2~KORINTHU 6:2

Tam" gyoo: ge" - Mangsoo tid zigi Ngo nanu" ri jeju" byid: wa ayo, ju" loo lang" nanu" da" mho' yoid thui: ri ngoo tam" gyoo: byid bye. Ngoo nanu" ri khyoid yu wa da" bidnyid ju" lo uri Nanu" ri ngoo pang" thoug byid:- bye ga: wigi nyang: tid nyid. Mangso da" jeju" kham: yu wa zigi - akhid" lang" ge eung: da" ayo, nghoid bye- Yu" ge"-Akhid" lang" khyoid yu da" bidnyid nghoid nyid.

HEBRE 12:17

Nanu" nyang: se' nyid bye: ziyo' dakhyoo" ti"- thang: rigi nya: pho, jang" mo mainkaid byid: da" jeju" ri yo" yu noug nghoid loug we' nyang: ashau" yu loo. Khasu" wim gari nyang: koid shoid lid loo bye: da" khyoo: ri doem, so' nyheung koid wa shid re" ngoug byid' thu sho' phe: sho: yen" nghoid loug we' ashau" myang yu loo.