LUKA 13:19 - Lacid Common Language Bible

¹⁹ Hau: Mungdain: gi hid: su" bue" ziyo' du nyid. Byu dayug gi nghang" shi" ri ci: lho: nya: yoo moo yhe: sain. Hau: ashi" mo agam youg lo lho: gyi: myhang: lo wigi hau: da" akung: ako'' moo ngho' joem lang" soid, yo" soid, ga: tid.

LUKA 13:19 교차 참조

SHOLUMON JIKHOIN" 4:12

Nga" nheig tei"- nga" myhiseig we"- nang gi shoung: to" da" khyam:- kyam' to" da" khyam:- seung: to" da" gyid bug nghoid nyid.

SHOLUMON JIKHOIN" 4:16

Mougzhung: lid we"- too' we'. Mougpyi: lid we"- nga" khyam: khyoo: moid loo we'. Nam pyo: ja: yo' neing" jo, baja". Nga" jhed gi nya: khyam: khyoo: vang re" wigi houg: mo shi" je ge thang ziri zo: nyid baja".

SHOLUMON JIKHOIN" 6:2

Nga" jhed gi seig xu: gam yug da" nya: khyam: khyoo: yhe: loo" bye:. Nyang: gi khyam: khoug: moo gougnyhoug phung: ri voem: zho" nyid wigi myioeb bain: koid: zheing" nyid da:.

SHOLUMON JIKHOIN" 8:13

Nga" jhed we" hau: khyam: khoug: mo re" thui: ri ngoo ri shoug" gyoo: nhang: we'. Nga" byencang" yi we' re" dang: thui: ri tam" gyoo: wa shid re" lang" nyid boem ago".

ESAIA 53:1

Byumyu" yi doem tid zigi «Ngoonu" akhid" tid to" lu dang: ri hang" loem" boem la". He: moo" moo Aseing da" lo, ri hang" shau" myang boem la".

ESAIA 53:10

Aseing tid zigi «Nyang: yau: khe" kyi" khyeug kham zo: wa zigi nga" myid vho: da" khyoo: nghoid. Nyang: shid: zigi yooboo khyoid byid: ziri bui" nhang: da" xoin" nghoid da:. Houg: lho: nyang: gi nya: amyed ashen yiri shau" myang loo wa. Nyang: gi kang: sheing: sho' dei nyid wa. Nyang: khyo" wigi nga" myid soin' khyoo: oung: doid loo wa.

ESAIA 58:11

Ngoo gi nanu" ri khanham we' khyoo: shid byid: wigi ge da" ja: yo' nanu" ri nheugdeug nhang: wa. Ngoo gi nanu" ri yoem: boo nhang: lho: yang" zain: nhang: wa. Nanu" gi gyid khanham we' ayau thang lo" da" gyid bug yhang: ti"- gyid agoin agoo" yo" da" khyam: yhang: ti" du wa.

ESAIA 61:11

Myoug: shi" joem anyug toid lo wigi yug lo zi nghoid zigi gyeing" nghoid ziyo' dayhang: ti" Myhang: thang Aseing gi nya: byumyu" yiri khyoid yu wa. Houglho: byumyu" yi dangain" gi nyang: ri coung" nghei byid: loo goo" wa.

ESAIA 9:7

Nya: da" khokham yoem: so' gi xo' wigi gyi: sheung: loo wa. Nya: mungdain: gi khanham we ngei pyo: yug yo jo, wa. Nyang: gi akhid: nyid" mo zi ayo, thang sho' jo ziyo tarha" nyeung veung" da" adang moo nya: yoem: so' ri ayang: to" lho: khokham David khoo: moo khokham xo' koid yug khyo" vhoeb loo wa. Myhang: thang Aseing gi he: gu dangain" ri koid wa myid phyed too" bye:.

YEREMIA 31:12

Nyangnu" re" wigi Ziun boem tho' moo ngei pyo: jikhoin" khoin" boem wa. Houg: lho: nga" jhungshug joem yoomo gau boem goo" wa. Hau: jhungshug joem gi shivoo- zabyid yhid:- zhainloin: xu: Yang yo' nu: jhungshug joem nghoid da:. Nyangnu" gi gyid goolhoo' za: shoin" da" khyam: yo' du loo goo" wa. Nyangnu" ca" ja: ja: khang" moo" yo" yu loo goo" wa.

EZEKIEL 31:6

Ngho' ja: khang" moo" hau: seig kung: joem moo ngho' soid soid ago". Siyoo gougnyhoug lam" joem gi hau: seiggam yoeb moo nyangnu" da" azoo nu" joem ri xang" boem. Mougmyid mo byumyu" yigi hau: seig yoeb khoug: moo theing: no: ago".

DANIELA 4:12

Hau: da" afu' joem gi young" lho: ashi" joem gi mougmyid gyab goin" coem' zoo: wa nhoo' nyang: to' to' zei: lhang" jo, da:. Hau: seiggam yoeb moo siyoo gougnyhoug joem no: nyid ago". Hau: seig kung: joem moo ngho' joem ngho' soid koid lho: kangso' dei da" ja: khang" moo" gi hau: ashi" ri zo: ago".

DANIELA 4:21

Hau: da" seig fu' joem gi gye" young" lho: houg: moo damoug: gyab goin" mo yugkhang" moo" ri yo" khu: wa yhi' shi" zei: da:. Hau: da" seiggam yoeb vhoo: moo siyoo gougnyhoug joem theing: no: nyid wigi hau: da" seig kung: joem moo ngho' joem gi ngho' soid soid nyid ago".

ZEKHARIA 2:11

Hau: da" bidnyid ri byumyu" myoo" sho' bang: gi Aseing ri loem khoug: lo boem wigi nya: mung" byu yi bue" lo boem wa nghoid lho: ngoo gi nanu" akhoug: moo nyid wa nghoid. Nyang: yoem: moo" bo Aseing gi ngoo ri nanu" jhang khyoo: nhang: kaid su: nghoid ziri nanu" se' lo boem wa nghoid.

MATHE 17:20

Aseing Yesu gi «Nanu" moo loem" jeung" nheigloem: ngi, yoomo nghoid. Ngoo deung" deung nanu" ri tid zigi nanu" moo loem" jeung" nheigloem: nghang" shi" cab yhi' koo: bo nghoid rigi He: da" boem ri he: joyoo mo zi fo: joyoo khyoo yu: loo" we' ga: tid nghoid ri yu: loo" khari" wa loem" jeung" nheigloem: bo rigi nanu" ayo" koid: wa zi ci" we ajo.

MARKU 4:30

Hougsu" Yesu gi Mangso mungdain: ri ce: ja: yo' tu, tid wa lha". Ce: ja: dang: tu, ci: lho tid pang: kyoo" wa lha".

LUKA 17:6

Aseing: phoug: tid zigi nanu" moo loem" jeing" nheigloem: nghang" shi" cab yi koo: bo nghoid rigi he: da" tung sang" seig gam ri agyi: mo jhoid" boin" lo" lho: Panglai gyid thoem" thi" moo lo" youg jo, we' ein: tid ri hau: da" tung: sang" seig gam gi nanu" tid ziyo' dakhyoo" ti" tam" gyoo: zi nghoid.

ACTS 2:41

Nyangnu" myoo" sho mo, gi Petru kho" kyo" da" mungdang: ri loem" jeung" lo boem wigi Babtisma zheung: kham boem lho-hau: bidnyid moo loem" jeung" lo da" phung: byu yi soem khyeing"- hau: phung: moo loung: lo ago".

ACTS 21:20

Polu tid kyo" da" ludang: joem ri bain shau" gyo: boem lang" nyangnu" dangain" mo, gi Mangsoo ri coung" nghei boem ago". Hau: thang: ri nyangnu" gi Polu ri mang: nhung" phoo Polu we" - Yuda byu yi moo loem" jeung" loo bye: bang:- kha myhoo, khyeing" nghoid bye: ziyo' nyangnu" dangain" mo, gi tarha" ri khayhi' ju" sho' cang loo wa shid mo kang: lung bu nyid mo, nghoid ziri nang se' myang gu nghoid.

ACTS 4:4

Nghoid loug we' mungdang: ri tam" gyoo: bang: myoo" sho' bang: gi loem" jeung" lo boem bye. Houg: yoomo loem" jeing" mo, gi wim: khyeing" koo: je myo: loung: lo nyid boem bye.

Roma 15:19

Houg: su" Mangso: da" mungdang: ri yo" tam" gyo: lo da" khyoo: gi ngoo tid dang: zei so' yoomo we' goo" ki lid toin" shid' da" mau" pho" moozoo" yoomo we' young" gyeing" Venyi: da" yoem: vhoo" yoomo we' nghoid nyid.- Houg: su" nghoid yoomo ngoo gi Yerusalem voomoo" mo Iluri moug: jo yoo khyi khang" moo" moo ju" sho' Khristu da" ngei bu: lu dang: ri kho" kyoo" bye.

Pang Shug 11:15

Hau: thang: ri nyhed, yug ein: da" moug: lagyoo: gi nya: laboo" ri doem moid kaid' lang" moug: khung: mo thui: zeing myeung thu lo zigi mougmyid' ri vhoeb, khang" da" amyeing" gi ngoonu" da"Aseing: we' Meshia da" lo, khoug: khyoo: vang loo" bye: wigi apyaid' atoo: moo vhoeb khang" nyid wam: bye: o"- ga: tid.