LUKA 12:8 - Lacid Common Language Bible

⁸ Nanu" ri ngoo tid zigi Nga" cangzoo: gyeing" nghoid ga: sube" shid' moo yhen: yu su: rigi Byu da" nya: zoo: we' Mangso lagyoo: yi da" shid' khoin" moo nya: cangzoo: agyeing" nghoid ga: yhen: yu wa.

LUKA 12:8 교차 참조

COUNG" NGHEI 119:46

Re" da" amyeing" dang: joem ri khokham yiri: ngoo tid fu" kyo" loo" wa zi nghoid lho: ngoo gi gyoug sho' shoug" wa zi anghoid.

MATHE 8:20

Yesu gi «zeigni joem gi khyung: yo" ago"- moug moo dang: yen" da" ngho' zoo: joem we' soid jo: ago" hau: byu nya: zoo: koem gi vhuloem too" jang: we' ajo,» ga: nyang: ri tid.

LUKA 15:10

Houg: yo' dakhyoo" ti"- ngoo tid da" zigi yooboo yoo" su: dayug yug- nheigloem: thid lo ri Mangso da" moug: lagyoo: yi gi gye gau yi nyid.

2 TIMOTHI 2:12

Ngoonu" xo' lho: wigi kham' zeung nyid boem nghoid rigi ngoonu' nyang: yo' dage" mung" ri shau" vhoeb nyid boem wa zi nghoid.

1YOHAN 2:23

Hau: nya: zoo: ri ngeug pya, su: hang" nghoid loug we' hau: nya: phoo ri we' bo ngeug pyam su: nghoid bye. Nya: zoo: ri lhoem: kham: yu su: gi nya: phoo ri we' lhoem: kham: yu zi nghoid bye.

Pang Shug 2:10

Nang shau" kham, zoo: wa da" sho" jhen: jamjau shid re" agyug nyid. yu satan gi nanu" mo dayham" bang: ri thung: moo lhoung to" lho: jham" ca: yu da" sho" jhen: shen" yhen zi shau" goo" wa nghoid loug we' nheigloem: geung: zug jo, we' houg: lang" ngoo nang ri oung: lo" da" kangso' bidmug byid: wa nghoid.

Pang Shug 2:13

Nang nyid da" joyoo ri ngoo se'- hau: joyoo gi satan da" zhung: tang jo, jang: nghoid. Nga" geing: zug da" sagsi: phoo- Antipa ri hau: satan nyid jang: moo said' pyam boem uri lang" nang gi ngoori loem" jeung" khyoo: ri ashe: pyam.

1 SAMUELA 2:30

Ngoo Israela byumyu" yi da" Aseing Mangsoo gi lid loo bye: da" ayo, moo re" ikoin deungkhu: yo' re" akung: ako' yiri khainjung moo" zoo" khyo" wigi pyaid goin" ngoo ri dei byid: wa shid re" dangsoo" to" too" bye: zi nghoid. Nghoid loug we' hau: zi khanham we' deing loo zi anghoid ein: ngoo tid. Hau: da" gungthid ngoo ri phau" myang: mo, ri ngoo we' phau" myang: wa zi nghoid. Ngoo ri anoug akhyoid koid mo, rigi ngoo we' anoug akhyoid koid wa zi nghoid.