LUKA 11:42 - Lacid Common Language Bible

⁴² Pharishe yi nanu" gi joem: loo" goo" wa. Nanu" gi nghang" pho, nyoug yu: fu- shabain sheing: nham: mo ju sho' to xi: boem mo daboem da" alu: kaid boem nghoid loug we' myonhoo: khyen: ziyo'- Mangsoo ri jheddab deung main" khyoo: aboo. Nanu" gi daxi: boem mo daboem da" alu: kaid zi za: anghoid. Myo, nhoo: akhyen: ziyo'- Mangsoo ri loem: khau gyoug phau" khyoo: we' bo koid: tho.

LUKA 11:42 교차 참조

NEHEMIA 10:37

Ngoonu" gi zain khang" moo" xang: shi" shoug" yu da" shivoo: mo cen: moin" yho' yo' gootu: ngoonu" da" zabyid yhid:- zhainloin: xu: yo' shi" aja: ja: da" xoin" ri Noku Yhoem: Moo" moo nyid da" khainjung yi jhang ci: yhi: wa. Ngoonu" gi ngoonu" da" shivoo: ri ngoonu" da" shoo" zoo: shoo" shug da" voogung joem mo xi: boem daboem khyu: da" Levi byu yi jhang khyoo: xi: boem daboem ri ci: yhi: wa.

DANG: ZHOEM 21:3

Deingmain" ziyo' nyeung veung" khyoo: ri koid we' hau: zigi Aseing ri ngei" byid: wa xoin" du: ci: yhe: tho' re" vho: ngei nheig shed: khyoo: nghoid nyid.

PHAJHI" DANG: 7:18

Sung xo: zi eig shoid goin" ziri jang" pyam we'. Nang gi Mangsoo ri gyoug phoug" myid bo nghoid rigi khasu" nghoid loug we' nang oung: doid wa.

MIKHA 6:8

Anghoid- Aseing gi ngoonu" ri ge da" khyoo: ri toin" shed too" bye:. Nyang: ngoonu" mo vho: nyid zigi tarha" dain: khyo" zei: so' khyoo:- geung: teing jheddab khyoo: ri toin" shed wa ziyo' nheigloem: khyo' nyhoem: khyoo: Mangsoo yo' zoem" khau: wa khyoo: nghoid.

MALAKHI 1:6

Yoem: moo" bo da" Aseing Mangsoo gi khainjung yiri hid su" ga: tid- «Zooshang: gi nya: phoo ri phau" myang:- join we' nya: yhoem: seing: ri phau" myang:- nanu" da" nya: phoo gi ngoo nghoid ri ngoo ri khanham phau" myang: yu" go" lha". Ngoo gi nanu" da" Aseing nghoid- khanham gyoug phoug" yu" go". Nanu" gi ngoo ri aphoug" akhyoid koid lho: ngoo gi nanu" Aseing nghoid ri khanham gyoug phoug" yu" go". Nanu" gi ngoo ri aphoug" akhyoid koid lho: ngoonu" gi Aseing ri arui" yu"» ga: we' datid ashi" go".

MALAKHI 2:17

Nanu" gi Aseing ri gyo: ngheing" sho' phibu pu' nyid boem wigi «Ngoonu" gi nang ri ce: ja: mo phibu pu' nyid lha"» ga: myid: nyid boem. Houg: lho: nanu" gi akhyeing" moo" ri zei: nyid mo, hang" we' myhang: thang da" Aseing shidkhoin" moo ge nyid zi nghoid nyang: gi akhyeing" da" moo" zei: nyid su: ri we' jheddab nyid» ga: tid ago". Hau: tho' moo gootu: nanu" gi «Deingmain" da" Mangsoo ga: zi khayoo: nyid» ga: tid nyid ago".

MALAKHI 3:8

Byu ga: zigi Mangso ziyoo ri ge lhoid yu wa la". Nanu" gi nga" ziyoo ri lhoid yu mo, nghoid boem ago". Hougsu" nghoid loug we' nanu" gi «Re" ziyoo ri ngoonu" khasu" lhoid yu lha"» ga: myid: ago". Xi: boem mo daboem yo' ung: loem jhungshug khyoo: moo lhoid zo: nyid boem ago".

MATHE 23:13

«Akug void da" tarha" sara: yi yo' Pharishe nanu" gi joem: loo" goo" wa. Subi" mougkhoung: mungdain: khyoo: vang loo" wa ga: soin' lo" da" uri nanu" gi khoem" myhid" byid: ago". Nanu" nyang: we' avang lo" boem. Vang loo" wa ga: yoem: kaid nyid mo, ri we' vang loo" wa da" akhang" abyid: boem zigi nanu" shid re" khayhi gyoug phyoo" nghoid.

MATHE 23:23

«Ayid void to" da" Tarha" sara: yi yo" Pharishe yi we"- Nanu" gi joem: lo" abye: go". Nanu" gi sheing: nham"- pagyoem, rin" soi: shi" mo daxi: boem mo daboem da" alu: ri byid: nghoid loug we' hau: tarha" moo bo da" je yhoug gyen: da" tarha" nyeung veung" jheddab da" khyoo:- nheig khyeig da" khyoo: yo"- deungmain" da" khyoo: rigi nanu" lid too" kho, ago". He: gu: ri we' cang pyeing" nyid ri ge'.

MATHE 23:27

«Akug void Tarha" sara: yi yo" Pharishe yi we"- Nanu" gi shoo" fid" joid to" da" loeb yo" du nyid. Hau: da" loeb gi adang shoid' moo young" jo, nghoid loug we' akhoug: moo gi byu shid: shoo" youg: yo" mang boeb byeung" bo jo zigi nanu" shid' re" khayhi' gyoug phoo" nghoid.

LUKA 18:12

Ngoo gi labain daloem: khoug: moo-zoo: noem eig lheing: nyang: zeung: akyu" mho'- Hau: lho: yo" da" ziyoo daxi: boem mo daboem we ngoo nang ri byed.

YOHAN 5:42

Nghoid loug we' nanu" da" khyoo ri ngoo se'- Nanu" moo Mangsoo ri jheddab nheigloem: abo boem.

1 SAMUELA 15:22

Samuela gi «Aseing gi ce: noem ri vho: nyid lha". Jidang: gyo: ziri lha". Anghoid lang" xoin" ngei" ziyo' xoin" joem ri lha". Nyang: ri ge thang da" yang xoin" ngei" tho' mo nya: jidang: gyo: zigi je ge nyid zi nghoid.