LUKA 11:32 - Lacid Common Language Bible

³² Nineve voo byu yi gi Yona kho" kyo" mungdang: joem yoomo nyangnu" yooboo joem mo nheigloem: thid' boem da. Akhid" hid: moo Yona tho' je gyi: zi ju" nyid bye. Tarha" dang: kho" da" bidnyid moo Nineve voo byu yi gi to' lo lho: He: da" byu yi ri yooboo foin: dang: kho" wa zi nghoid ga: tid.

LUKA 11:32 교차 참조

YONA 3:4

Houg: lang" Yona gi Nineve voomoo" khyoo: yhe: lo" wigi danyid" so" gyoem thang: ri nyang: gi bidnyid myid: xi: nyid" lang" Nineve voomoo" gi byo, yoin" loo" wa bye:» ga: tid fu" lo.

YONA 3:5

Nineve voobyu yigi Mangso mungdang: ri loem" jeung" boem bye:. Houg: yoomo nyangnu" yugkhang" moo" gi zoo: noem zeing: wa myid phyed to" boem ziyo' gyi: zoo: nge zoo: dangain" nheigloem: thid da" aved toin" shed wa shid re" jid: moo" byimi ri void ci: boem.

YONA 4:9

Houg: lang" Mangsoo gi Yona ri «Agam ri nang ce: nheig yoo cang bo lha"» ga: myid: Yona gi «Ngoo nheig yo: zi gye" jo da:. Shid: wa yhi' nheig yoo: nau» ga: phoug tid da:.

MATHE 12:39

Aseing Yesu gi «Akhyeing" ziyo' Mangsoo: abo da" he: pyaid mo byu yi gi mau" pho" alhoo: again ri se' mho' boem nhung: lha". Lapi: Yona da" alhoo: again tho moo gootu: ce: alhoo: again we nanu" myang zi anghoid.

MATHE 12:41

Nineve" voo byu yi gi Yona kho" kyo" da" mungdang: yoomo:- nyangnu" da" yooboo mo nheigloem: thid lo ago". Houg: su" nghoid yoomo nyangnu" gi Tarha" dang: kho' da" bidnyid moo He: pyaid mo byu yi yo" to lo wigi nanu" ri yooboo foin: boem wa zi nghoid. Ngoo nanu" ri tid ba- akhid" he: khyi moo Yona tho' moo je gyi: su: dayug ju" nyid bye.

LUKA 11:31

Moug: pyi: shoid mo khokham" myhi, gi Phajhi" boo su:- Sholumon da" dang: ri shaug" gyoo: wa shid' re" nya: mung" mo jure. Akhid" hid: moo gi Sholumon tho' je gyi: zigi ju" nyid bye. Houg: yoomo tarha" dang: kho" da" bidnyid ri moug: pyi: shoid mo khokham" myhi gi to' lo lho: houg: bang: ri yooboo foin: dang: kho" wa zi nghoid.

HEBRE 7:26

Hougsu" wigi Aseing Yesu gi ngoonu" moo bue" nyid da" ca" vho: khyoo: joem ri pang" byid: thug byid: wa ngoonu" shid re" gye" yhoug: gyen: da" khainjung agyi moo" nyang nghoid bye. Nyang: gi gyeungshang: su: nghoid nyid wigi-nyang: moo shoid vhang: zi youg: noo yooboo ci" we' aboo. Nyang: gi yooboo yoo" mo, phung: moo aboo- gooki" led' da" moug: khung: moug di moo ju" sho' coung" nghei tu: to' kaid zi shau" su: nghoid.