LUKA 11:24 - Lacid Common Language Bible

²⁴ Yu gi byu dayug jang" mo thu' lo" lho: kyug kyi, ri da" joyoo moo nyang: nyid jang: sho: yen. Myenjham" joyoo ashau" shoo: lang" gi ngoo akhang:- ngoo nyang: nyid kho" da" yhoem: khyoo doem loo" wa" ga: tid.

LUKA 11:24 교차 참조

YOBA 1:7

Aseing gi nyang: ri «Nang ci lhung koid nyid la"» ga: myid. Satan gi «Ngoo gi hid: khyoo: thei: khyoo: so" yen" lho: mougmyid ri koem" nyid» ga: tid da:.

YOBA 2:2

Aseing gi nyang: ri «Nang khayoo: lhung nyid yen" la"» ga: myid. Satan gi «Ngoo gi hid: khyoo: thu: khyoo: so" yen" lho: mougmyid ri koem" nyid» ga: tid da:.

COUNG" NGHEI 63:1

Mangsoo we"- nang gi nga" Mangsoo nghoid nyid wigi ngoo nang ri nheug nge nyid. Nga" gung goin" nang ri vho: ngei so, kho' nyid. Kyoug kain" byoug lho: ce" akyu" aboo lo: ziyo' gyid aboo lo: moug: kyug yhang: ti" nga" nheigloem: soozoo: gi nang ri gyid su" shed nyid.

DANG: ZHOEM 4:16

Akhyeing" ashoeb, da" byu yigi shoid vhang: da" moo" daja: khyalang" ashau" koid nghoid rigi nyangnu" ayo" yhoeb jo, nghoid boem ago". Byu dayug yug ri dam ayo" tab rigi nyangnu" gi ayhoeb, loo: dagyeung: nyid ago".

ESAIA 35:7

Nge" nyid da" midcoo: boem" gi gyidthoem" bue" loo wa. Moug: kyug myidkyug mo gyid byeing" jo, wa. Khuidkoo" joem lhung nyid da" joyoo moo thoem" nhoid: myo, yo' gyid pheing" gam joem yug loo wa.

ESAIA 44:3

«Ngoo gi gyid shed da" mougmyid ri gyid byid: wa. Kyug hei' da" myidgung moo gyid zoo: gyung: yau nhang: wa. Ngoo gi re" zooshang: yi adang moo nga" Venyi: foid shoin" byid: wa. Re" amyed ashen yi adang mo nga" mainkaid jeju" foid shoin" byid: wa.

ESAIA 48:22

«Yooboo thug: yi shid re" goem loem wa joyoo ajo,» ga: Aseing tid da:.

MARKU 5:10

Nyang: gi Yesu ri hau: meing: mo yu joem ri akhaid thu' pyam wa shid re" gye" nyang: mho' nyid.

MARKU 9:25

Yesu gi mung" byu yi nya: jhang gei zeung: phoung lonyid ziri myang lang" hau: akhyeung" da" yu ri nhoid jed, nu jed da" yu we"- ngoo nang ri amyeung" byid: bye:- yuggi nu": jang" mo thu' loo, we' nyang: moo khanham we' adoem vang loo" loo:- ga: nheug yo: kaid.

LUKA 11:25

Houg: yoomo nyang: gi akhang: joyoo moo doem lo ri yung" yung" sain sain shoem" shoung: to" zi lo myang.

Ephesu 2:2

Hau: da" ayo, moo nanu" gi mougmyid da" akhyeing" ashoeb khyoo: moo za: cang lo" boem wigi akhui" Mangsoo ri aphoug" akhyoid koid nyid da" byu yi ri vhoeb khang" nyid da" venyi gi moug: laid moug di ri vhoeb khang" lho: yoem: so' bo da" venyi joem jhang khyoo: nanu" cang lo" boem abye: go".

1PETERU 5:8

Gyeung: boin: da" byugyeing" koid nyi ge'. zed" lhid' lho: nyid ge'. nanu" da" gyivoo nghoid yu satan gi kha: yug ri myhau: pyam' wa la"» ga: myeung dang: yen" da" khang khyi yo' du nyid.