LUKA 11:22 - Lacid Common Language Bible

²² Nghoidloug we' hau: youg tho' mo yoem: gyi: su: ju" loo lang" gi nyang: ri lo zain: oung: pyam lho: hau: yug myid loem: nyid da" gyi zi gyi khoo: dangain"- lhoid shoem" yu pyam wa. Yo" zain: yu da" ziyoo jonu" we' nya: da" bidnoem yi ri gam byid: pyam wa zi nghoid.

LUKA 11:22 교차 참조

APOEM AYANG: 3:15

Ngoo gi nang yo' myiyi: myhi' ri dayug yo' dayug ri ngheing" goo" nhang: too" wa. Nya: amyed ashen yo' re" amyed ashen gi khanham we' gyivoo jha" bue" nyid wa bye:. Myiyi: myhi' nya: amyed ashen gi re" vhuloem ri nang mhoin' wigi nang we' nya: amyed ashen yi da" khanheig thung" thang: ri thei" wa nghoid» ga: tid.

THU' LO" MOUGSOUG" 15:9

Gyivoo gi ‹Ngoo nyangnu" ri cang khaid wigi nyangnu" ri myheig wa. Ngoo nyangnu" ziyoo ri kho' yu wigi ngoo vho: gu: dangain" yu wa. Ngoo nga" sham: ri she: wigi nyangnu" mo jo, gu: dangain" yu wa› ga: tid.

ESAIA 27:1

Hau: bidnyid moo Aseing gi nya: yoem: so' gyi: lho: shid: se' da" shamcoin" ri ci: wigi ne shoem' so" lheing: yen" da" main jung: Leviathan ri yooboo dam byid: loo wa. Panglai: moo nyid da" main jung: ri said pyam wa.

ESAIA 53:12

Houg: yoomo ngoo gi nyang: ri ngi: shab da" joyoo byid: wigi Byu zeing yi yo' yoem so' yo" da" byu phung: moo joyoo byid: wa. Nyang: gi nya: kangso' ri ngei ngei za: byid: pyam wigi akhyeing" da" byu yi vhu" pi: lo, kyo' moo bo kham yu bye:. Nyang: gi yooboo yoo" bang: myoo: sho' da" yooboo joem ri voin wigi Nyangnu" yooboo khyoid pyam byid: zi shoug" goo" wa shid re" akyu" mho' da» ga: tid da:.

LUKA 11:21

Yoem: gyi: su: gi gyi zi gyi khoo: joeb sho' yo"- Nya: yhoem: ri zung" nyid nghoid rigi nya: da" ziyoo jonu" ri hang" ayo" re" vang lhoid yu wa.

LUKA 11:23

Nga" thang: adab su: gi nga" gyivo thang: dab su: nghoid. Ngoo yo" dadeing: daloem: za: anghoid su: gi abyoo asain" nghoid nyid.

Ephesu 6:11

Yu wigi mo" da" age khyoo: dangain" ziri nanu" lhoem: oung: doid pyam baja"- Mangsoo nanu" ri byid: to" da" gyikhin" dangain" ziri yu void zhoung ci: loo: ge'.

Ephesu 6:13

Hougsu" nghoid nyid yoomo Mangso da" gyikhin' dangain" ziri akhed" nya: nyang: yu void: ci: loo: ge'- hougsu" lang" she' akhyeing" ashoeb ziyo' yau: khe" da" bidnyid ju" lo da" uri nanu" ri gyivoo joem khaid zain: said' lo ziri loem: yo" oung: pyam' wa zi nghoid- lo" thang moo ju" sho' bain' zain: pyam thang: ri we'-nanu" gi geing" geing: teing teing theung shang" yab, jo, boem ca" shi" wa.

KOLOSE 2:15

Hau" da" pyang" zeing tho' moo Khristu gi vhoeb, khang" da" venyi joem amyeing" akhang" yoo" mo, ri-oung: pyam' wigi nyangnu" ri thung: byu bui" nhang: pyam' lho: oung: doid' loo" bang: yain: so" lo" jang" mo cang so" loo" nhang: ziyo' byu dangain" bang: wigi coem, yu" zi shau" da" byu yi bue" loo" nhang: pyam' bye.

1YOHAN 3:8

Yooboo ri za: daxo, nyhen" zei: loo" su: hang" nghoid loug we' yu satan yo' sen: su: nghoid nyid. Khasu" wim gari yu satan gi xang: shed" mo nyang: yooboo koid su: nghoid nyid. Houg: yoomo yu da" moozoo" ri phyo' shoin, pyam wa shid re" Mangso da" nya: zoo: gi po" thu' loo bye.