LUKA 11:10 - Lacid Common Language Bible

¹⁰ Khasu" wim gari Mho' su: hang" nghoid loug yoo" zi nghoid. Shoo: su: gi shau" myang wa. khoem" moo ko' su: ri we' phang byid: wa zi nghoid.

LUKA 11:10 교차 참조

COUNG" NGHEI 31:22

Nyang: gi ngoo ri nya: shidkhoin" mo khaid thu too" bye: ein: wigi ngoo gyoug dain' myid myoo: ung: loug nyid bye:. Nghoid loug we' pang" thoug wa shid re" ngoo nang ri yoid nyid uri nga" ngoug thui: ri nang tam" gyoo: byid: bye:.

NGOUG JI: 3:18

Ngoo gi myang" sho' nyid loo: wa zi anghoid. Aseing mo nga" myid byu jang: gi thang byug bye:.

NGOUG JI: 3:8

Ngoo gi pang" thoug yu wa shid re" nyho: yoid kaid nghoid loug we' Mangsoo gi: atam" gyoo: loo: nghoid da:.

MATHE 5:42

Mho' su: ri byid: we' re" jang" mo daja: ja: jhid" nghoo" noug su: ri we' ahe: pyam.

MATHE 7:8

Khasu" wim gari mho' mo, hang" we' yo" yu shoo: mo, we' shau" myang. Ko' nyid mo, ri we khoem" hpang byid.

LUKA 11:11

Nanu" mo hang" nya: phoo we' Nya: zoo: gi ngoo: do' mho' ri Lhangmyu byid: wa su: nyid go" la".

LUKA 11:9

Houg: yo' dakhyoo" ti"- nanu" ri ngoo tid zigi Mho' ge' mho' ri yo" wa. Shoo: ge' sho: ri myang wa ko' ge' ko' lang" khoem" ri phang byid: wa.

LUKA 18:1

Hau: thang: ri Yesu gi nya: cangzoo: yi ri kha: uri we' yoem: ashoin: loo za: ayo, bain sho' moo akyu" mho' ca" da" khyoo: ri dangtu' daja: khyo" jhoug" byid: zigi

YAKU 4:3

Nanu" gi mho' nghoid loug we' ashau" yu nghoid ago- Khasu" wim gari nanu" da" myid soin: khyoo: agi nghoid ago- nanu" gi nyang: tu: nya: da" gung du: pyoo: wa da" khyoo: za: damho, nyid ago".

YAKU 5:11

Nyangnu" gi yo" kham: zeing: mo, nghoid yoomo nyangnu" ri ngi: lhoo' mo, ein: ngoonu" tid boem bye. Yoba khasu" kham, zeung: khyoo: ri we' nanu" shau" gyo: yu" boem bye. Lo" thang moo Aseing: gi nyang: ri khasu" coung: goin, khyoo: ri nanu" si' bye. Khasu" wim gari Aseing: gi nheig khyeug wigi athang agoin myed yo' byeung" su: nghoid nyid.