LUKA 10:7 - Lacid Common Language Bible

⁷ Nanu" gi hau: yhoem: moo nyid lho: yhoem: seing: mi" doo" zho" gu: ri zo: shug ge'. Khasu" wim ga: ri dei zoo: gi nya: vhu" kung: phoug" kham: zo: moin: yoomo nghoid. Yhoem: dayhoem: mo gootu: dayhoem: khyoo: athoid yhi: goo.

LUKA 10:7 교차 참조

GYUNG: SOO" 18:31

Deing da" gu: ri khamoo: nghoid nghoid nang yo' re" yhoem: byu yi yo" zoo: wa nghoid. Ciwim gari: Zoem" moo nanu" voin vu, byid: da" moo" shid re" vhoo" kung: phoug" nghoid da:.

MARKU 6:10

Hau: lho: nanu" ri beung" lhoem: tau yu da" voo mo yhoem: khyoo:- kha: yhoem: moo nghoid loug we' hau: voo mo doem thu' loo" yo, ju" sho' hau: yhoem: moo za: theung: nyid ge".

LUKA 10:6

Hau: yhoem: moo myenjham" khyoo: ri vhoo: su: nyid nghoid rigi nanu" tid byid: da" mainkaid jeju" ri hau: yug shau" kham: zoo wa nghoid. Houg: te" byu da yug we' anyid: nghoid rigi nanu" tid byid: da" mainkaid jeju" gi nanu" nya: jang" moo doem tau" loo wa.

LUKA 9:4

Nanu" ri being" lhoem: tau yu da" kha: yhoem: moo nghoid loug we' nanu" gi hau: voogung mo doem thu' lo' da" ayo, ju" sho' - hau: yhoem: moo za: danyid nyid ge'.

ACTS 16:15

Nyang: yo' nya: yhoem: byu yi gi Babtisma bain kham: yu thang: ri Ludi tid zigi Ngoo gi Aseing: ri gi" gi, nyang: loem" jeung" zi nghoid bye" - ein: nanu" myed loem, bye: nghoid rigi nga" yhoem: moo re" beung" nyid yu" ge'. ga: ngoonu" ri lhoung: da- houg: su" wigi nyang: gi ngoonu" ri ngoug oung: yu da.

ACTS 16:34

Hau: thang: ri nyang: gi Polu yo' Sila eig yug ri nya: yhoem: khyoo: shu" lo" wigi zoo: noem we' doo" zhoo" bye. Thung: agyi phoo yo' nya: yhoem: byu yi gi Mangsoo ri shau" loem" jeung" lo boem bye: yoomo gye" nyang: ngeibu: gau yi nyid boem bye.

ACTS 16:40

Polu yo' Sila eig yug gi thung: yhoem: mo thu' lo" lho: ludi da" yhoem: khyoo: zheung: yhe: lo" ago". Houg: moo loem" jeing" bang: yo' zheung: shau" go" wigi nyangnu" ri yoem: byid: dang: ri bain tid lang" nya: eig yug gi hau: voogung mo doem thu' lo" ago".

GALATI 6:6

Khirstu da" mungdang: ri jhau" kham: yu su: gi jhoug" byid: da" sara: ri nyang: tu: nyang: yo" da" gye" ge da" soidgain' dangain" ziyo' bo pang" thoug byid: nyid baja".

TARHA" TID POIN" 12:12

Nanu" nya: zooshang: yi yo' nanu" da" dei zoo: yi yo' nanu" voogung moo nyid boem da" Levi byumyu" yi yo' dage" nya: shidkhoin" moo ngei bu: ge'. Levi byu yigi nyangnu" seing: da" mougmyid ajo, ein: ziri boin: nyid ge'.

TARHA" TID POIN" 18:8

Nyang: gi gootu: khainjung yi yo' dakhyo" zoo: shug dayi" yi" yoo" ca" da:. Houg: lho: nyang: gi nya: yhoem: byu yi foin: byid: da" zi ci: nghoid loug ge zoem: ci: da:.

1 TIMOTHI 5:13

Hau: tho' mo gootu: nyangnu" gi dayhoem: mo dayhoem: khyoo: cangv ang lam" yen" lho: ayo, ri thang loo" nhang: se' nyid boem. Hau: tho' mo, aje ge da" khyoo: gi nyangnu" atid' eung: da" dang: ri cang tid- gei sang: lu wum, yen" boem ziyo' nyang: yo' ci" we' asen: khyoo: moo cang‹ vang lhu: lheug yen" boem.

2 TIMOTHI 2:6

Yoothung" phoug khyam: koid su: we' shivoo: shiloem, xang: shed" shau" shab, yu wa gam, boem' shau" yu ca" nyid.