LUKA 10:21 - Lacid Common Language Bible

²¹ Hau: da" uri gyeungshang: Venyi: gi ngei pyoo: gau yi nhang: yoomo Yesu gi hid: su" ga: tid- Mougkhung: myidjang: da" Aseing: phoo Mangsoo we"- Se, thang Phajhi" zoug: yi moo yhoem" to" da" khyoo: yi ri phajhi" aboo mo ri phang shug byid: yoomo re" jeju" zeing: ri ngoo coung" nghei nyid. Phoo we" hid: su" bue" lo da" khyoo: gi nang vho: ngei da" khyoo: nyang: nghoid bye.

LUKA 10:21 교차 참조

COUNG" NGHEI 24:1

Aseing gi yang zung" su: ti" ngoo ri lhoug zung" nyid. Houg: yoomo ngoo ca" nyid da" zi dangain" ngoo yo.

COUNG" NGHEI 25:14

Aseing gi nya: mungdang: ri tam" gyo: cang nyid mo, yo' zoem" khau: nyid lho: nyang: gi houg: bang: yo' nya: dang: theing khoin" ri geung: teung jo, nhang:.

COUNG" NGHEI 8:2

Hau: zigi zooshang: mi" yo' noug" nu" yi khoin" nyid da jikhoin" nghoid. nang gi re" da" gyivoo joem bain sho' ri loid byoin myenjham" nyid nhang:. Nang gi nang ri thougtheung loo bang: ri toem pyam.

ESAIA 29:14

Houg: lho: ngoo gi amyid to" da" ja: daloem: thang: daloem: wigi nyangnu" ri dain moug" nhang: wa. Phajhi" boo bang: ri koodoug: bui" loo" nhang: wa. Nyangnu" da" se' jhang: nheig bo: khyoo: dangain" gi ajain" bui" wa» ga: tid.

ESAIA 35:8

Hougmo «Gyeung" shang: da" khyoo:» ga: myheing da" fu" moo" khyoo: dakhaid jo, wa. Hau: khyoomoo" moo yooboo yoo" bang: dayug we' khanham we' gyung: yo" soo" wa zi anghoid. Hang" koo" su: we' hau khyoomoo" ri cang da" bang: ri khyoo: vhang: ashu" vhang: wa.

ESAIA 53:11

Yau: khi" kyi" khyeug kham zo: zi bain thang: ri nyang: gi ngei pyo: zi doem shau" loo wa. Nyang: agoin: ajain" moo yau: khe" kyi" khyeug kham zo: zi anghoid da" khyoo: ri nyang: se' loo wa. Nga" deingmain" da" dei zoo:- ngoo vho: ngei da" su: gi byu myoo: sho' da" yooboo dam ri voin pyam byid: wa. Nya: gang mo ngoo gi nyangnu" ri yooboo khyoid pyam byid: wa.

ESAIA 62:5

Zoolu: phoo gi nya: myhi' seig khyo" zoomyi: gyeing" ri lo, xo' yhang: ti" Nang ri gung khyang: koid byid: su: gi nang ri lo, xo' yu wa. Phoo seig gi nya: myhi' seig ri jheddab yhang: ti" Re" Mangsoo gi nang ri ngei wa.

ESAIA 66:1

Aseing tid zigi «Mougkhung: gi nga" zhungtang- myid jang gi nga" khyid: ki" tang nghoid da:. Houg ri ce: ja: yhoem: nang ngoo ri yo" koid byid: wa lha". Ngoo nyid wa nga" shid re" khate" joyoo nghoid lha".

ZEPHANI 3:17

Re" da" Aseing Mangsoo gi nang yo' dage' nyid nyid bye:. Nya: yoem: so' gi nang ri oung: doid loo" nhang: wa nghoid. Aseing we" nang moo nheugshid: nheugdeug nhang: ziyo' nya: jheddab da" nheigloem: khyo" nang ri kangso' aseig byid: wa Byumyu" yigi pui" zeing moo ngei bu: nyid boem yhang: ti" nyang: gi re" tho' moo ngei bu: jikhoin" khoin" loo wa nghoid. Aseing tid nyid zigi byuxuid" vooyoem: khyoo: gi thang lo" lho: re" da" sho' phu" khyoo: ri shang: pyam byid: bye:.

MATHE 16:17

Yesu gi «Yona da" nya: zoo: Simon we"- nang ngilho' bye. He: khyoo: gi Xangsu: byu dayug yug nang ri toin" shid' zi anghoid. Mougkhung: mo nga" phoo Mangsoo toin shid yoomo za: nang dayo" se' ga: tid.

MATHE 21:16

«He: zooshang: yi khasu" ga: nyho: nyid zi nang shau" gyoo: la"» ga: Yesu ri zheung: myid: boem. Yesu gi «ngoo shau" gyoo: bye:» Aseing gi «zooshang: yi nhoid' yo' nya: myhi noug" shug zoonu" gi ‹Nang ri coung" byid: nhang: wa shid re" jhoug" byid: bye: ga: da" Jhoem: dang: ri nanu" gi shedphyang" we ashau" nghab' yu" goo" la"»› ga: myid.

MATHE 3:7

Akhid" Pharishe" yo' Saduke myoo" sho' mo, baptisma kham: yu wa ga: ju" re" boem zi Yohan lhoem: myang lang" nyang: bang: ri Yohan tid zigi «Akhyeing" da" myuno, Byumyu" yi we"- Mangso dang: khoo' da" zi thung" shau" zoo: wa da" yooboo shed: gyoin noo gyoin mo yo" phang: thu' loo" goo" baja" ga: nanu" ri hang" tid poin" go" lha".

MARKU 10:15

Ngoo nanu" ri deung" deung tid zigi Mangsoo mungdain ri zooshang: dayug yhang ti" alhoem: yu su: gi hau: mungdain: khyoo: khanham we' ayo" vang yhi: wa ga: tid.

LUKA 15:5

Hau: da" yang ri shau" lang" gi gau yi ngei pyoo: za: kootho' moo tu: vu, loo" wa.

LUKA 15:9

Nyang: gi hau: ngei den" ga" ri shau" myang lang" gi bidnoem seing" cang" yhoem: kyoo" voo yoo ri khe: lho: byug lo" da" nga" ngei den" ga" doem shau" bye:- ngoo gau yi ngei pyoo: nyid bye. Houg: yoo mo nyang" nu" dage" gau yi ngei pyo: pui koid' shang:

YOHAN 11:41

Houg: yoomo byu yi gi lugloem: ri doin: shu" kaid ago". Hau: uri Yesu gi-Moug khyoo: nghang yu" kaid lho: Phoo we" nang gi ngoo mho' yoid thui: ri tam" gyoo: byid: yoomo jeju" gye gyi: bye.

2~KORINTHU 4:3

Ngoonu" kho" kyo" da" ngeibu: ludang: ri byu yi ato' se' gyo: nghoid rigi hau: Venyi moo soem" joem: loo" mo, za: ase' gyoo: zi nghoid.

Ephesu 1:11

Jo, moo jo, koem gi Mangso da" myid soin nyheung lo" da" khyoo: yo' myid phyed' to" khyo" bue" loo bye- hau: lho: xang: shid" mo myid soin to" da" khyoo: moo ayang: qei" lho: Khristu moo dadeing: daloem: za: nghoid nyid khyo" wigi nyang: myid soin to" khyo" nyangnu" ri nya: da" byumyu" yi bue" loo wa shid mo khyen: nyheung too" bye.

Ephesu 1:5

Hau: khyoo: gi nyang: myid soin: ziyo' vho: ngei khyoo: nghoid.