LUKA 10:2 - Lacid Common Language Bible

² Nyang: tid zigi yham" yu wa da" gug myoo" sho' myheing jo, bye:- nghoid loug we' gug yham" dei zoo: gi atham:- houg: yoomo gug yham" dei zoo: myoo" sho' nhang: kaid wa shid' re" gug seing: ri akyu" mho' nyid ge'.

LUKA 10:2 교차 참조

1 KHOKHAM 18:22

Hau: thang: Elia gi «Aseing da" lapi: gi ngoo dayug kyeing" dadeing lo:- nghoid loug we' Bala lapi: yigi 450 yug nghoid shi" da:.

COUNG" NGHEI 68:11

Aseing gi mungdang: tarha" ri byid: kaid ziyo' myi yi: yi myoo" sho' bang- hau: lu dang: ri voin, so" yen".

YEREMIA 3:15

Ngoo ri tam" gyo: cang nyid da" vhoebkhang" bang: ri nanu" shid re" ngoo byid: wa. Nyangnu" gi nanu" ri phajhi" yo' Lasi lajhang: khyo" vhoeb loo goo" wa.

ZEKHARIA 11:17

Hau: akhyeing" da" yang zung" su: gi byo, yoin" loo" wa. Nyang: gi nya: yang phung: ri she: pyam' abye:. Gyipui" gi nya: yoem: so' ri bain sho' phyo' shoin' pyam' wa. Nya: lo, yoem: gi shid: kyung: loo" wa. Nya: lo, yo shoid myo, jed" gi jed loo" wa nghoid.

ZEKHARIA 11:5

Yang seing: yigi yang joem ri said loug we' ce: yooboo dam abyid:. Nyangnu" gi yang shoo" ri oung" lho Aseing ri coung" byid: we'. Ngoonu" gi yoo" zoo: yoo" shug bang: bui" bye: ga: tid boem. Yang ri zung" mo, lang" yang joem ri nheig akhyeug» ga: tid.

GYUNG: SOO" 11:17

Ngoo gyoo" re" wigi hau: joyoo moo: nang yo' dang: tid goo" wa. Nang ri ngoo byid: to" da" Venyi: dayham" ri yu wigi nyangnu" ri byid: wa. Houg: lang" nyangnu" gi he: byumyu" yiri shu" da" yoovoin ri nyangnu" yo" bo voin loo goo" wa. Houg: lang" nang gi hau: yoovoin ri dayug kyeing" avoin vu, ca" loo: wa zi nghoid.

GYUNG: SOO" 11:29

Moshe phug lho: «Nga" shid re" nang myid ci' byid: rhe". Aseing gi nya: da" Venyi: ri nya: byumyu" yi dangain" ri kaid byid: wigi nyangnu" dangain" ri lapi: yhang: ti" nyhoo: nhang: wa ziri ngoo vho: ngei nyid» ga: tid.

MATHE 20:1

«Mougkhung: mungdain: gi zabyid khyam: seing: dayug thoung" shau" da" moo" yo" du nyid. Nyang: gi khyam: moo" zei: wa da" vhoo" kung: sho: lhung: wa ga no" re thu' yhe: lo.

MARKU 13:34

Houg: su" wigi hau: khyoo: gi byu dayug nya: yhoem mo:- gyung: so" loo" wa nghoid lang" nya: join yi ri dayug yo' dayug-nya: moo" yo' nya: yhoem: moo" ri pyo: too" byid: kho' wigi khoem" zung" su: ri we' lhid' lho: zung" nyid wa shid mo amyeung" byid: kho' ziyo' du nyid.

MARKU 16:15

Houg: lang" Yesu gi nyangnu" ri- nanu" moug: myid goin" goem: sho' yhe: lo" wigi myu" cang: joeb sho' mo, ri hau: ngei bu: lu dang: kho" khyoo" ge'.

MARKU 16:20

Houg: lang" cangzoo: yi gi thu' yhe: lo" lho:-joyoo khyi, khang" moo" moo ngei bu: Ludang cang kho" kyo" lo". Aseing: gi nyangnu" yo' dage" moo" zei: yen" wigi-mau" pho" alhoo: again toin" shid khyo"-hau: mungdang: ri geung: teung jo, nhang. (9. Myiyi yi gi-Petru yo' nya: byen cang" yi jhang yhe: lho: nyangnu" ri tid da" dang: joem dangain" ri leung" khyo" wigi-nyangnu" ri yhe: tid kyo" ago". 10. Hau: thang: ri Yesu nyangnya: cangzoo: yi ri apyaid ato: khyoid' yu da" gyeungshang: zi ngoid dei nyid da" ludang: ri bid thu shoid mo zi bidvang shoid moo ju" sho' yhe: kho" kyoo" wa shid re" nhang: kaid.

LUKA 9:1

Yesu gi cangzoo: yi daxe: eig yug bang: ri khe: zheung" yu lho: yu joem ri yo" khaid thu' pyam' wa da" yoem: so' yo' noo phyoo" joem ri yo" ge, loo" nhang: wa da" yoem: so' yo' amyeing" a: na: ri byid.

ACTS 11:19

Loem" jeing" bang: gi Stephan said pyam' jang" mo bue" lo da- shen" yhen lo da" jang" mo phang: byo lo" boem bye. Nyang: nu" dayham" gi phonisha- Kupru, yo' Antioki voogung cang phang: byo lo" boem wigi hau: mungdang: gi Yuda byumyu" yi ri za: tid kyo" ago".

ACTS 13:2

Nyang: nu" gi Aseing: ri noku loem khau: wigi zoo: noem, ri jang" pyam' lho: nyid boem uri gyeungshang: da" Venyi gi nyangnu" ri tid zigi Barnaba yo' Sholu eig yug ri nga" moozoo" voin, vu, wa shid re" gootu: khyen: nyheung too" ge' -ga: tid.

ACTS 13:4

Houg: su" gyeungshang: da" Venyi wigi nhang: kaid' ziyo' dakhyoo" ti" Barnaba yo' Sholu eig yug gi Seluki voo khyoo: yhe: lo" wigi hau: voo mo zi Kupru, gugyoo: kang: khyoo: lhid' yo' gu: yhe: lo" ago".

ACTS 20:28

Houg: yoomo nanu" nyang: gung nyang: we' - gyeungshang: da" Venyi wigi nanu" da" lo, moo ab, byid: to" da" - yang kyung ri yu" goin, coung: nyid ge'. Nya: zo: suid" wigi yang seing: daphung: za: koid yu da- Mangso yang lhug mo, bue" nyid ge'.

ACTS 22:21

Houg: lang" Aseing: gi yhe: loo" we' Khasu" wim gari - ngoo nang ri tungbau byumyu" yi nyid da" Ve: da" mung" khyoo: nhang: kaid' wa.

ACTS 8:4

Joyoo loem: khang" moo khyoo: byo, sain" loo" mo, gi ju" lo" da" joyoo loem: khang" moo" moo Mungdang: ri cang kho" kyo" boem ago".

1Korinthians 12:28

Mangsoo gi hau: da" phung: moo- daloem: ein: jang" moo: Lagyoo: yi-eig loem" ein: joyoo moo gi Lapi: yi- soem" loem: joyoo moo: gi Sara yi hau: thang: ri alhoo: again toin" shid' mo hau: thang: moo: byu gooji ri yo" pang" yo" thoug khyoo: se' toin" shid' mo hau: thang: moo:-noo phyoo" joem ri se' gai gi byid: da" yoem: boo bang- mung main: dang: se' tid da" ludaid' yi yo' gooki" lid' da" dang: aja: ja: se' tid mo, ri we'- nya: joyoo moo: nyid nhang: bye.

1Korinthians 15:10

Hougsu" nghoid loug we'- Mangso jeju" yoomo- ngoo gi he: yam" nghoid nyid. Nyang: ngoori: byid: da" jeju" gi akoem: anghoid loo-gootu: lagyoo: yi tho' moo: ngoo moo" ri je" voin, vu, bye. Hougsu" yo" koid da" khyoo: gi nga" da" yoem: so' khyo" anghoid- ngoo yo' dage" moo" zei: nyid da"- Mangso jeju" yoomo za: date: nghoid.

2~KORINTHU 6:1

Nanu" gi Mangsoo da" jeju" yo" kham: yu mo, nghoid ziyo' dakhyoo" ti"- hau: jeju" ri amyib afoo" akoid pyam baja"- ngoonu" gi Mangso da" moozoo" bo pang" zei nyid mo, khyo" wigi nanu" ri mho' sang kaid zi nghoid.

PHILIPI 2:21

Byu gooji dangain" mo, gi-nyang: tu: nya: khyoo: ri za: seing" kho"- gung youg yau nyid boem ago- Khristu Yesu yo' sen: da" khyoo: moo myid' abo boem nghoid ago".

PHILIPI 2:25

Hau: lho: wigi nanu" da" mang nhung" phoo nga" moo" zei: byen, cang" yo' dage" za: meing: zain: jang: mo, byen, cang" gyidzoo: phoo- ngoori bo pang" wa shid re" nanu" nhang: kaid' byid: su- Epaphrodi ri nanu" jhang khyoo: nhang: nyang: doem nhang: kaid' wa ein: wigi ngoo myid nyid.

PHILIPI 2:30

Khasu" wim gari nyang: gi nanu" ayo" byid: da" pang" thoug khyoo:- ngoori byid: wa shid re" kangso' rinoung" pyam lho: Khristu da" moozoo" ri alug lug shid: sho' voin vu, yoem: kaid' lid lo abye:.

KOLOSE 1:29

Hougsu" hau: khyoo: yo" bui" sho' ngoo gi Khristu wigi byid: da" mau" pho" yoem: moo" yo' jam, jau kham lho: yoem: kaid' zei: nyid hau: yoem: so' gi ngoo moo moo" zei: nyid.

KOLOSE 4:12

Nanu" jang" mo nghoid da" Khristu da" join, phoo'-Epaphra gi nanu" ri vhu" kaid' da-nanu" gi loem" jeung da" khyoo: moo geung: teung jo, wa ziyo' nheig boo ung: gyeung: ziyo' jhug zug da" Khristain yi bue" loo sho' Mangsoo vho: ngei khyoo: ri khyag cang: lho: nyang: gi nanu" da" shid re" gye" loem" jeung" myid' yo' akyu" mho' nyid.

1THESALONI 2:9

mang nhung" yi we"- ngoonu" khayhi' moozoo" zei lid loo bye: khyoo: ri gyeing" nyang: nanu" boin: so" nyid boem- nanu" ri ce" yoolid: we' afoin:- ajoin, zoo: baja"- ngoonu" gi ngoonu" nya: da" voem: doug: khu: moozoo" ri nyid" ri myen" ri yoem: kaid' zei: so' wigi Mangso ngei bu: lu dang: ri kho" kyo" lo boem bye.

1THESALONI 5:12

Mang nhung" yi we" nanu" moo moo" voin, nyid banhg: ri we' nanu" ri khyoo: shed, vhu" she: - jhoug" byid: mhoo, byid: wa shid re" Mangso wigi nyheung soin' too" bang: ri goolhoo: za: zei: eung: ziyo' dakhyoo" ti"- phau" myang: nyid ge" ein: ngoonu" joug jhoin" yoe: byid: kaid.

2 THESALONI 3:1

Ngoonu" da" mang nhung" yi we"- lo" thang moo nanu" ri pyeung" kaid' nau da" khyoo: gi Aseung: da" mungdang: gi nanu" moo bue" lo yhang: ti"- xo' lho: wigi gye" myab, khyo" byo ngam loo" wa shid re" phoug" tab zoore" kham: yu goo" baja"- ngoonu" shid re" akyu" bo mho' byid: nyid ge'.

1 TIMOTHI 4:10

Xangsu" byu yi dangain" mo, yo,- je" wigi loem" jeing" mo, ca" khyoid yu Aseing: nghoid nyid da- dadei nyid da" Mangsoo gi ngoonu" da" myid yu" joyoo nghoid yoomo ngoonu" moo" zei: jid: ne: lo" da" jang" moo gye" yoem: kaid' nyid boem.

2 TIMOTHI 4:5

Nang koem gi khayhang: te" da" akhyoo: again thoung" shau" loo nghoid loug we' re" da" gung du: ri zei: zeung" ci: lho: wigi kyi" khyeug khyoo: ri kham' zeung: nyid we'. Hau: ngei bu: lu dang: ge ri kho" kyo" da" sara: moozoo" ri voin, vu, nyid wigi Mangso dei zoo: dayug khyo" wige- re" da" yoovoin, jo, moo jo, ri joeb, byeung" sho' voin, vu, nyid we'.

PHILIMON 1:1

Yesu Khristu da" moo" voinvu, yoomo thung: loung" jo, da" ngoo Polu yo' ngoonu" da" mang: nhung" phoo Timothi gi nga" eig youg da" bidnoem yo' moo" dage" zoem" voin da" Philimon jhang khyoo: we'

HEBRE 3:6

Khristu gi Mangso yhoem: ri zung" da" nya: zoo: deung byeung" su: yo' kyed' su: nghoid nyid. Ngoonu" gi yoem: boo so' bo ziyo' nyhang" nya: da" gau yi nheig byu joyoo ri lo" thang moo ju" sho' nheig shid: nheig deug ziyo' geing: geing: teing teing nghe: khau: nyid boem nghoid rigi Mangso yhoem: byu yi nghoid boem wa.

Pang Shug 2:1

Hau: Ephesu phung mo mauglagyo: jhang khyoo:- hidsu" ein: lhid" kaid we' He: da" mungdang: gi lo, yo lo, moo kyi: nyhed cab ci: lho: zhoung: to" da" sheing: myibung: nyhed loem: da" agyoo: moo so" yen" su: jang" mo mungdang: nghoid.