LUKA 10:16 - Lacid Common Language Bible

¹⁶ Yesu nya cangzoo: yi ri tid zigi nanu" da" dang: ri tam" gyoo: mo gi nga" dang: ri we' tam" gyo: zi nghoid bye. Nanu" ri keing" pyam mo gi ngoori keing" pyam zi nghoid. Ngoori keung" pyam zigi ngo ri nhang: kaid su: ri keing" pyam zi we' nghoid bye.

LUKA 10:16 교차 참조

THU' LO" MOUGSOUG" 16:7

Nab soin: ri nanu" Aseing phung" yoeb bang ziri myo kyoem: sho' shau" myang wa. Nyang: ri thougtheung wigi nanu" da" myeing" myo: khyoo: ri nyang: shoug" gyoo: bye:. Nghoid loug nyang: ri thougtheung abye:. Ciwim gari nga" tang: gi nya: jhoug" shid khyoo: ri za: dayo" tid kyo"» ga: tid.

THU' LO" MOUGSOUG" 16:8

Hau: thang: Moshe gi «Nanu" nyang: ri khayi' myeing" myo: ziri nyang: shoug" gyoo: yoomo nanu" shid re" myen" thang: zoo: wa shid re" shoo" yo' nab soin: nanu" vho: nhoo' zoo: wa shid re" zoo: noem Aseing byid: wa zi nghoid. Nga" tang: ri nanu" myeing" myo: zigi Aseing ri myeing" myo: zi nyang: nghoid bye:» ga: tid.

MALAKHI 1:6

Yoem: moo" bo da" Aseing Mangsoo gi khainjung yiri hid su" ga: tid- «Zooshang: gi nya: phoo ri phau" myang:- join we' nya: yhoem: seing: ri phau" myang:- nanu" da" nya: phoo gi ngoo nghoid ri ngoo ri khanham phau" myang: yu" go" lha". Ngoo gi nanu" da" Aseing nghoid- khanham gyoug phoug" yu" go". Nanu" gi ngoo ri aphoug" akhyoid koid lho: ngoo gi nanu" Aseing nghoid ri khanham gyoug phoug" yu" go". Nanu" gi ngoo ri aphoug" akhyoid koid lho: ngoonu" gi Aseing ri arui" yu"» ga: we' datid ashi" go".

GYUNG: SOO" 14:11

Aseing gi Moshe ri «He byumyu" yigi ngoo ri khamyhang ju" sho' ngeug pyam nyid shi" wa la". He: byumyu" yigi nyangnu" akhoug: moo: mau" pho" moo" gye" myoo: sho' ngoo koid shug sho' nghoid loug we' nyangnu" gi khamyhang ju" sho' ngoo ri aloem khoug: loo: nyid boem goo" wa la".

GYUNG: SOO" 14:2

Nyangnu" gi Moshe yo' Arun tang: ri myeing" myo: wigi tid boem zigi «Egutu mung" moo shid: nghoid ri je ge da:. Anghoid lang" he: dain" pyoid yoo moo shid: ri je gi shi" da:.

GYUNG: SOO" 16:11

Nanu" Arun ri thougtheung myeing" myo: zigi nang yo' re" thang: cang bang: gi gyeing" nyang: Aseing ri thougtheung myeing" myo: nyid boem zi nghoid» ga: tid.

MATHE 10:40

«Nanu" ri lhoem: kham: yu su: gi ngoori we lhoem: kham: yu bye. Ngoori lhoem: kham: yu su: we' ngoori nhang: kaid' da" Mangsoo ri lhoem kham: yu zi nghoid bye.

MATHE 18:5

Nga" myeing yoomo hid yhang: te" da" zooshang: dayug yug ri lhoem: kham: yu su: gi ngoori lhoem: kham: yu su: nghoid bye.

LUKA 9:48

Nyang: nu" ri tid zigi nga" myeing mo, he: zooshang: yi ri kham: yu mo, hang" nghoid loug we' ngoori ri nhang: kaid' yug ri kham: yu su: nghoid bye khasu" wim gari nanu" mo nge thangsu: gi gyi: thang su: nghoid bye"- ga" tid.

YOHAN 12:44

Yesu phougtu" da" zigi ngoori loem" jeing" su: gi ngoori za: anghoid. Ngoori nhang: kaid da" yug ri we' bo loem" jeing" su: nghoid.

YOHAN 12:48

Ngoori alhoem yu lho: nga" mungdang: akham: yu su: ri dang: phyed' wa dayug nyid. Houg: nga" Mungdang: wigi nyang:- hau: yug ri lo" thang da" bidnyid moo Tarha" agyi khyo" dang: phyed' wa zi nghoid.

YOHAN 13:20

Deing" deing nanu" ri ngoo tid da" zigi ngoo nhang: kaid su: ri lhoem: kham: yu su: gi ngoori lhoem: kham: yu zi nghoid. Ngoori lhoem: kham: yu su: we' ngoori nhang: kaid da" su: ri lhoem: kham: yu zi nghoid ga: wigi tid.

ACTS 5:4

Hau: moug: gi a- ung" shi" gu: we' nang seing: shi" - oung" pyam' thang: ri we' hau: yoo moug: myed phoug" ngei we' Re' ngei nghoid. Houg: su" nghoid ri ciwim wigi hougsu" koid wa shid re myed phyed' pyam' lha". Nang gi byu ri mhau' zi anghoid- Mangsoo ri mhau' zi nghoid- ga: nyang: ri tid.

GALATI 4:14

Nga" da" yang" zain" khyoo: agi yoomo nanu" ri lhu: kyoo, lhu: keug khyo" bui" nhang: bye: nghoid loug we' nanu" ngoori aphoug" akhyoid' akoid- nheig ano pyam' tho' moo agoo"- moug khung: tho' mo moug: lagyoo: dayug ri yhang: ti" lhoem: kham: yu boem bye- gyeing" nyang: Khristu ri yhang: ti" ngoori lhoem: kham: yu boem bye.

1THESALONI 4:8

Hougsu" nghoid yoomo he: da" jhau" mho' khyoo: ri ngeug pyam mo, hang" nghoid sho loug we' -byu yi ri anghoid- gyeungshang: da" venyi ri byid: kaid' su: Mangsoo ri ngeug pyam su: nghoid.