LUKA 10:15 - Lacid Common Language Bible

¹⁵ O"- Kaperna-um voo we"- nang gi moug: gung moo ju" sho' tu: to ziri vho: nyid la". Ngarai mung" khyoo: nang ri du" khyo pyam zi shau" wa nghoid ga: tid.

LUKA 10:15 교차 참조

APOEM AYANG: 11:4

Nyangnu" gi «Akhid" nyhang" moug: fu" lho: moug: gyab goin" abyo, sain" loo" wa shid re" mougkhung: moo thug sho' myang: da" pyuzung bo da" voomoo" daloem: ri zhug boem shang» ga: tid boem.

ESAIA 5:14

Moovo moug: gi nyangnu" ri zoo: nau nyid da:. Houg: bang: shid re" nhoid lam sho' fo' ci: da:. Yerusalem mo nheigboo yiri lu: fu: nyid da" mung" byu yi yo' dage" myhau: pyam da:.

YEREMIA 51:53

Babelon gi mougkhung: khyoo: yo" do, lo" wigi houg: geing: da" gyidab yo" zhug sho' nghoid loug we' hau: ziri phyo' pyam wa byu yiri ngoo nhang: kaid shi" wa. Ngoo Aseing tid too" bye:.

EZEKIEL 26:20

Ngoo gi nang ri goonham' gooco' pyaid mo nyid lid: loo bang: yo' lo" bo nyid wa shid re" shid: moug: khyoo: nhang: khyo' kaid wa. Nang ri ngoo gi myidgung khoug: mo apyaid atoo: moo byo, yoin" jo, da" mougmyid moo shid: mo, yo' lo" zoem" khoug: nyid nhang: wa. Hau: da" akyu" gi nang gi khanham we' byu adoem nyid da" joyoo bue" lho: dei nyid bang: da" mougmyid moo re" joyoo ayo" yu loo: wa.

EZEKIEL 31:18

«Hau: seiggam gi Egutu khokham yo' nya: da" mung" byu yi dangain" bang: nghoid ago". Eden mo seiggam joem lang" houg: yhi' amung"- houg: yhi' amyhang: nghoid ago". Nghoid loug we' akhid" koem' gi Eden mo seiggam joem yhang: ti" hau: zigi moovo moug: khyoo: gyoo" lo" lho: Mangsoo asi' bang: yo' meing: zain: pui" moo shid: loo" bang: jang lo" shoin" boem goo" wa. Ngoo yoem: moo" bo Aseing tid bye:.

EZEKIEL 32:18

Nyang: gi «Shid: se' da" byu we' Egutu mo byu myoo" sho' shid re" koug ngoug we'. Nyangnu" ri yoem: so' bo da" gootu: byumyu" yi yo' dage" moovo moug: khyoo: khyo' kaid we'.

EZEKIEL 32:20

Egutu byu yigi gyipui" moo said pyam shau" da" bang: yo' dage" leung gyoo" lo" boem wa. Shamcoin" daloem: gi nyangnu" dangain" ri said pyam wa jen" jen" nghoid jo, abye:.

EZEKIEL 32:27

Nyangnu" gi goonham' pyaid mo sarhi' yiri gyi jonu" joeb joeb yo' dage" nyangnu" da" shamcoin" joem ri nyangnu" da" vhuloem vhoo: moo nyangnu" da" goo joem ri nyangnu" da" gung tho' moo ke" wigi moovo moug: khyoo: myhoeb pyam yhang: ti" ngi: bo da" khyo" myhoeb zi nyangnu" ashau" kham yu nghoid da:. He: sarhi' yigi shid phyang" dalheing: dei nyid bang: ri yo' kyug nhain' wa yhi' yoem: so' gyi: bang: nghoid ago".

OBEDIA 1:4

Zoin bung: da" soid yo' dakhyoo" ti" myhang: joyoo moo re" yhoem: ri koid to" lho: hau: zigi kyi: joem da" agung moo jo, to" ti" du nyid nghoid loug we' ngoo gi nang ri she: khyo' pyam wa zi nghoid.

MATHE 10:28

Hau: lho: daja: gi gung shoo" ri za: te: yo" said' pyam' lho: nheigloem: Venyi: ri ayo" said' pyam' mo, ri agyug goo"- gung du: yo" Venyi: ri dalheing: dam- ngarai" mung" moo yo" shoin pyam' su: Mangsoo ri je gyoug nyid ge'.

MATHE 11:23

Kaperna-um we"- nang we moug: moo thug sho tu: to zi shau" wa la". Houg: su" anghoid lang" moo vo moug ju" sho' khyo kaid zi nang shau" wa nghoid. Khasu" wim gari nang ri toin" shid' da" moozoo" zeing gi Sodom moo koid: nghoid rigi Hau: voo gi akhid" nyid" ju" sho' dageing: jo wa zi nghoid.

MATHE 4:13

Nyang: gi Nazared voo moo anyid loo: za: Zebulon yo' Nabthali mung" mougkyoo"- Galile mung" yam mo Kapernaum Yesu da" voo moo lo" nyid nyid.

LUKA 13:28

Nanu" Mangso da" Mungdain: khoug: moo Abraham- Isag Yaku yo"- Lapi: yi dangain" mo, ju" nyid ziri myang lho: nyang: rigi Mungdain: da" ngi zain shoid khyoo:- khaid thu' too" lang" kha: yhi' kyi: ngau, zei yang: ngaid nyid goo: wa lha".

LUKA 16:23

Nyang: gi moovo moug: moo gye" kyi" khyeug zi shau" nyid yoomo nyang: yu" kaid da" uri Abraham ri we' Abraham da" nam mo Lazaru ri we' myang kaid.

TARHA" TID POIN" 1:28

Ngoonu" ciwim yoomo houg: khyoo: yhi: ca" wa lha". Ngoonu" gyoug da:. Houg: moo nyid da" byu yigi ngoonu" tho' je yoem: bo je gyi: je myang: mo, nghoid ziyo' nyangnu" gi mougkhung: ri myhi: da" vang khyam: bo voo moo" joem moo nyid boem go" da" khyoo: ri nanu" wigi nhang: kaid da" bang: wigi ngoonu" ri lo tid kyo" boem ago". Nyangnu" gi houg: moo byu gyi: byu zeing joem ri yhe: myang ago"›» ga: tid boem.

2PETRU 2:4

Mangsoo gi yooboo koid da" moug: lagyoo: yi ri lang" gi khyam" sa: abyid: loo: za: ngarai khyoo: khyo' pyam lho: wigi hau: joyoo mo moug: coid khoug: moo myeug" tei" to" wigi tarha" dang: phyed' wa da" bidnyid ri dalang" nyid nhang.