LUKA 1:8 - Lacid Common Language Bible

⁸ Danyid: nyid" ri Zakhari gi nyangnu" phung: moo moo" eung: wigi Mangso da" shid' khoin" moo No ku" yhoem: moo" moo khainjung da" moo" yhe: zei: nyid uri

LUKA 1:8 교차 참조

1 KHOKHAM MHOOMYID: 24:19

He byu yigi Noku Yhoem: Moo" shid re" nyangnu" voin vu, moo" khyo" wigi lhid" xoem" too" shau" bang: nghoid wigi nyangnu" da" phoug" phyid" Arun Israela da" Aseing Mangsoo da" amyeing" ri tam" gyo: cang yhe: ziyo' koid nyid da" moo" moo zei nyid bang: nghoid.

1 KHOKHAM MHOOMYID: 24:2

Nadab yo' Abihu tang: gi nya: phoo ashid: shi" ri shid: lo" ago". Nya: tang: gi amyed ashen ayoo" nghoid da:. Houg: yoomo nya: tang: nya: nhung" Eleaza yo' Ithama tang: gi khainjung bue" lo ago".

2 KHOKHAM MHOOMYID: 11:14

Levi byumyu" yigi nyangnu" da" coung" yoo joem ri yo' mougmyid gootu: ri she: pyam too" kho' lho: Yuda mung" yo' Yerusalem khyoo: zoug byoung: lo" da:. Ciwim gari Israela khokham Yeroboam yo' nya: khoo: moo khokham xo' koid da" bang: gi nyangnu" ri Aseing da" khainjung yi khyo" dei byid: wa akhang" abyid: goo" nghoid da:.

2 KHOKHAM MHOOMYID: 31:19

Khainjung yi phung: mo Arun da" amyed ashen yiri byid: to" da" voomoo" joem moo nyid bang: anghoid lang" hau: voomoo" joem seing: da" coung" yoo moo nyid bang: moo khainjung yi yhoemkhung: joem ri yo' Levi kung: moo myeing bo da" yugkhang" moo ri zoo: noem gam byid: wa byu joem nyid ago".

2 KHOKHAM MHOOMYID: 31:2

Khokham Hezekia gi khainjung yi yo' Levi byu yiri phung: doem phang byid: wigi nyangnu" gug khang" mo" da" moo" ri we' sho' sho' za: kho' gam byid: da:. Hau: moo" joem moo xoin" nghe' ngei" da" moo"- zoem" khau: da" xoin" ngei" byid: da" moo"- Noku Yhoem: Moo" noku jang" moo bo bo da" moo"- coung" nghei byid: da" moo"- Noku Yhoem: Moo" jeju" coung" moo" aja: ja: bo bo da:.

2 KHOKHAM MHOOMYID: 8:14

Nya: phoo David wigi to" too" kho' da" tarha" joem ri cang wigi nyang: gi coung" nghei ziyo' jikhoin" khoin" jang" moo yo' khainjung yi moo" zei: jang" moo bo pang" tug boem da" Levi byu yi yo' khainjung yi da" nyid" khang" nyid" moo" ri soin' too" byid: da:. Nyang: gi Mangso byu David wigi amyeing" byid: to" ziyo' dakhyo" khoem" duang: khang" moo" moo ayo, adu khyo" cang wigi nyid" khang" nyid" moo" zei: wa shid re" Noku Yhoem: Moo" goem loem bang: ri we' soin' to" da:.

EZRA 6:18

Moshe mougsoug" moo bo ziyo' dayhang: ti" Yerusalem mo Noku Yhoem: Moo" moo moo" zei: wa shid re" khainjung yi yo' Levi yiri nyangnu" khyen: to" ago".

THU' LO" MOUGSOUG" 28:1

Re" mang: Arun yo' nya: zoo: yi nghoid da" Nadab- Abihu- Eleaza- Ithama ri khe: zheing" yu we'. Nyangnu" gi khainjung yi khyo" wigi ngoo ri dei byid: wa shid re" Israela byumyu" yi mo nyangnu" ri kho' yu we'.

THU' LO" MOUGSOUG" 28:41

He: byimi joem ri re" mang Arun yo' nya: zoo: yiri void nhang: we'. Nyangnu" khainjung aya: khyo" nga" moo" zei: wa shid re" nyangnu" ri zhainloin: xu: joid byid: lho: shugbyid: we'.

THU' LO" MOUGSOUG" 29:1

«He: zigi Arun yo' nya: yuggi zoo: yi nga" moo" moo khainjung yi khyo" nyangnu" gung ri shugbyid: boem wa khyoo: ri nang nyangnu" ri koid byid: wa da" khyoo: joem nghoid. Dam abo da" nuloo: zoo: dadu: yo' yang loo: eig du: yu wigi.

THU' LO" MOUGSOUG" 29:44

Zoem" yo' phoin: ri ngoo gyeung" shang: nhang: wa. Arun yo' nya: yuggi zoo: yiri khainjung yi khyo" ngoo ri dei byid: wa shid re" kho' too" wa zi nghoid.

THU' LO" MOUGSOUG" 29:9

Nyangnu" phyid" doem: moo phyid" cu" cu" byid:- vhuloem moo vhu" thoeb thoeb byid: we'. Hau: zigi Arun yo' nya: yuggi zoo: yiri nang khasu" lo, ki" byid: wa da" khyoo: nghoid. Nyangnu" yo' nyangnu" da" amyed ashen yigi ngoo ri apyaid atoo: khainjung khyo" wigi dei byid: nyid wa zi nghoid ago".

THU' LO" MOUGSOUG" 30:30

Hau: thang: Arun yo' nya: zoo: yiri we' khainjung khyo" wigi ngoo ri dei byid: wa shid re" xu: joid byid: wigi lo, ki" mainkaid byid: wa.

GYUNG: SOO" 18:7

Nghoid loug we' nang yo' re" yuggi zoo: yi za: phoin: yo' gyeung" shang: thang joyoo yo' sen: da" khainjung moo" dage" ri zei: pyeing wa zi nghoid. He: moo" joem gi nanu" da" yoovoin nghoid. Ciwim gari: ngoo gi nanu" ri khainjung aya: jhungshug byid: too" bye:. Hau: gyeung" shang: zi joem khyoo: tain" yhe: da" asi' bang: hang" nghoid loug we' said pyam zi shoug" wa» ga: tid.

LUKA 1:5

Yuda khokham" Herod da" pyaid moo Zakhari ga: da" khainjung agyi dayug nyid. Nyang: gi Abia ga: da" khainjung phung: moo boo su: nghoid. Nya: yhoem: seing: myhi' gi Elisabed ga: zi nghoid. Elisabed we khainjung akung: ako' mo nghoid.

LUKA 1:7

Nghoidloug we' Elisabed gi zoo: ayo" bougdung: nghoid da. Nya: eig yug goin" su- pyaid gye gyi: bye: ago".