LUKA 1:6 - Lacid Common Language Bible

⁶ Nya: eig yug goin" - Mangso da" shid' khoin" moo deing: byeung" su: eig yug nghoid. Mangso da" mungdang: bain sho' yo"- Mangsoo pyeing: to" da" dang: dakhoin" we' ashoid loo: cang byeung" su: tang: nghoid.

LUKA 1:6 교차 참조

APOEM AYANG: 17:1

Abram goug: xe: goug: zain nghoid ri Aseing gi nya: jhang re" lho: «Ngoo gi myhang: thang da" Mangsoo nghoid. Nga" dang: tam" gyo: lho: ge da" moo" khanham we' dazei: nyid we'.

APOEM AYANG: 6:9

He: zigi Noa da" mhoomyid: nghoid. Nyang: gi Shem- Ham yo' Yaphed ein: da" yuggi zoo: soem" yug yo". Noa gi shoid vhang: khyoo: ajo, wigi nya: pyaid moo nyang: kyeing" za: byugi nghoid. Nyang: gi Mangsoo yo' tab did" nyid.

APOEM AYANG: 7:1

Aseing gi Noa ri «Re" yhoem: byu yi dangain" yo' gyid lhid moo" zeing khoug: khyoo: vang loo we'. Mougmyid gyab goin" moo deing byeung" moo" zei: su: gi nang nyang: kyeing" nghoid nyid ziri ngoo myang bye:.

1 KHOKHAM 15:5

Aseing gi he: moo" zoo" ri koid bye:- ciwim gari David gi Hiti byumyu" Uria khyoo: mo lid gootu: Aseing vho: ngei khyoo: ri koid ziyo' nya: amyeing" dang: ri khanham we' atam" gyoo: akoid nghoid da:.

1 KHOKHAM 9:4

Nang gi re" phoo David koid yhang: ti" ngoo ri deungmain" ziyo' nheigloem: ge khyo" dei byid: wigi nga" tarha" joem yo' ngoo nang ri amyeing" byid: da" gu: dangain" ri koid pyeing nghoid rigi

2 KHOKHAM 20:3

«Aseing we"- ngoo nang ri dang: zung" jhug zug tung" dei byid: wigi ngoo gi nang koid nhang: da" ja: ri khanham we' yoem: kaid koid lo ziri myid boin: byid: la o"» ga: akyu" mho' da:. Hau: thang: nyang: gi nheig khoo" sho' ngau lo da:.

2 KHOKHAM MHOOMYID: 17:4

Nyang: gi nya: pho da" Mangsoo ri dei byid: da:. Mangso da" amyeing" dang: joem ri tam" gyo: cang yhe: da:. Houg: lho: Israela khokham yi koid da" khyoo: ri acang koid nghoid da:.

YOBA 1:1

Uza mung" moo Mangsoo ri noku wigi nyang: ri jhug zug da" Yoba ga: su: dayug nyid da:. Nyang: gi byu gi nghoid wigi akhyeing" ashoeb da" moo" ci: we' akoid loo sho' nyid da:.

YOBA 1:8

Aseing gi «Nga" dei zoo: Yoba ri shau" myang rhe" Mougmyid dang moo nyang: yhi' jhug zug wigi ge zi dayug we' anyid. Nyang: gi ngoo ri noku wigi akhyeing" ashoeb da" moo" daja: we' akoid loo sho' zid" nyid da» ga: tid.

COUNG" NGHEI 119:6

Nang tid to" da" tarha" joem dangain" ziri ngoo yo" tam" gyo: nghoid rigi ngoo sho' shau" gyoug shau" wa zi anghoid.

LUKA 1:7

Nghoidloug we' Elisabed gi zoo: ayo" bougdung: nghoid da. Nya: eig yug goin" su- pyaid gye gyi: bye: ago".

LUKA 16:15

Yesu gi nanu" ri nyang: nya: da" gung du: ri byu gi yi nghoid ga: subi" ri myang nhang nau ago". Nghoidloug we' Mangsoo: gi nanu" da" nheigloem: ri se' nyid. Byu yi gye" vho: ngei jheddab nyid da" zigi Mangso da" shid' khoin" moo gi ce: phoug" adab da" zi anghoid.

LUKA 2:25

Hau: uri Yerusalem voo moo Simun ga: da: byu dayug nyid. Hau: yug gi Mangso da" tarha" ri cang- loem" jeing" da" deung main" su: dayug nghoid.

ACTS 2:25

Nya: khyoo: yo' sen: lho: Davidd tid to" zigi "Ngoo gi Aseing: ri ayo, khyeing: khang" moo myo, shid' ti: moo nyang: shau" myang nyid-Nyang: gi nga" da" anam, moo nyid nyid yoomo ngoo gi yau: khe" khyoo: shau" loo: wa anghoid.

ACTS 23:1

Polu gi Yuda tarha" yabdo, goin" bang: ri yu" zhug to" lho: Nga" mang: nhung" Israela byumyu" yi we" - akhid" nyid" ju" sho' ngoo gi Mangso da" shid' khoin" moo nheigloem: gyeing: gyeing: za: kang: so' dei, lid loo bye- ga: tid.

ACTS 24:16

Hougsu" nghoid yoomo ngoo gi Mangso shid' khoin" moo we' - byu yi da" shid khoin" moo we' nheigloem: gyeing: gyeing: za: nghoid wa shid re" khanham we' ge bue" yhi' mo yoem: kaid' nyid su nghoid.

ACTS 8:21

Re" da" nheigloem: gi Mangso shid khoin" moo adain: yoomo ngoonu" da" moozoo" moo ayo" bo zei: nghoid da.

Roma 8:4

Hid: su" Mangsoo: yoovoin yu lho: bo voin vu da" deingmain khyoo: gi ngoonu" gi xangsu: gungshoo" nheigloem: khyo" anghoid loo: za: venyi da" myid vho: khyoo: khyo" - kangso' dei da" ngoonu" gi Moshe da" tarha" ri yo" cang pyeing wa shid' re" nheig shid: jang: nghoid.

1Korinthians 11:2

Nanu" gi khyoo: khaid gu: khang" moo" moo: ngoori: boin: so" nyid wigi- ngoo nanu' ri byid: too" bye: da" jhau" mho' thui'- nanu" cang zei: lo nyid boem bye: yoomo- ngoo nanu" ri coung" byid: nau.

2~KORINTHU 1:12

Ngoonu" da" nheigloem: khoug: moo gyeung" nyang: phau: khuang wa khyoo: dakhaid bo. Hau: zigi he: da" moug: myid tho moo ngoonu" da" kangso' dei nyid khyoo:- je" wigi nanu" yo' tei" xo' zoem" khau: da" khyoo: moo byu da" se' yeug khyoo: moo anghe: khoug: loo: za: Mangso da" jeju" yoem: vhoo" khyo" ngoonu" gi Mangsoo byid: da" deungmain" gyeungshang: da" nheigloem: gye" myed wigi vhoeb khang" khyo" moo" zei: lo" khyoo: nghoid.

TARHA" TID POIN" 5:33

Hau: joem dangain" ri tam" gyo: nyid ge'. Hougsu" nghoid rigi ja: khang" moo" moo nanu" nyid gi yab gi wa nghoid. Nanu" yhe: seing: yu wa da" mungdain: moo nanu" xo' wigi kangso' yo" dei nyid wa zi nghoid.

PHILIPI 2:15

Houg: su" koid nyid lang" nanu" gi akyang" alai byo, yoin" lho: yooboo yoo" bang: ga: goo" wa. He: mougmyid tho' moo ce" yooboo we' adab loo: za: nheigloem: gyeungshang: da" Mangso nya: zoo: yi yhang: ti"- bue" loo: goo" wa zi nghoid-Hougsu" nanu" gi kangso dei da" mungdang: ri kho" kyo" nyid zoore" moug: khung: goin" ziri thoin" pang byid: da" bidbang gung du: yi yhang: ti"- nyangnu" da" mo, phung: gung moo thoin" pang byid: nyid boem, ca" wa nghoid.

KOLOSE 1:22

Nghoid loug we' akhid" Mangsoo gi nya: zo: da" xangsu: gung shoo" shid: lo" khyo" wigi nanu" ri nya: bidnoem, yi doem, koid pyam bye- Hougsu" koid da" khyoo: gi nanu" gi gyeungshang: lho: aco' ajhoid zi adab wa ziyo' yooboo aboo loo: za: nya: shid khoin" moo nanu" ri yo" fang yu wa shid re" nghoid nyid.

1THESALONI 3:13

He: khyoo: khyo" wigi nyang: gi nanu" ri pang" thoug geung: teing loo nhang: wa zi nghoid- yha" da" Aseing: yesu gi nya: d a" gyeungshang: bang: yo' dage" doem, ju" re" da" uri nanu" gi yha" phoo Mangso da" shid' khoin" moo joeb, byeung" lho: gyeungshang: moin: yi" mo, bue" lo boem wa zi nghoid.

2PETRU 3:14

Hougsu" nghoid yoomo nga" byen, cang" yi we' nanu" hau: bidnyid ri lang" nyid da: ayo, moo Mangso shid moo nanu" da" nheigloem: yung" lho' lho: wigi yooboo adab boem baja"- nyang: moo ngei pyo: myenjham" nyid boem wa shid re" yoem: goin' sho' shakoid yoem: kaid nyid ge'.

1YOHAN 2:29

Khristu gi deing byeung" su: nghoid ziri nanu" se' nyid boem nghoid rigi houg: su" deing byeung" khyo' zei: so' nyid yab, yen" bang: gi Mangso da" nya: zoo: nghoid nyid ziri si' eung: nyid boem bye.

1YOHAN 2:3

Nyang: byid: to" da" amyeing" dang: ri ngoonu" tam" gyo: lho: cang lo" boem nghoid rigi ngoonu" gi nyang: ri si' bang: nghoid da" khyoo: ri khyag nyang: yo" se' yu boem wam: bye.

1YOHAN 3:7

Nga" zoo: yi we"- nanu" ri hang" wigi we' khyoo: ayo" shu" vhang: loo" goo" baja"- Khristu gi deing byeung" nyid ziyo' dakhyoo" ti"- deing byeung" da" moo" zei: bang: hang Nghoid loug we' deing byeung" nyid.