LUKA 1:50 - Lacid Common Language Bible

⁵⁰ Aseing: ri phau" myang: gyoug voem da" byu dangain" ri Byu ngoug xi: yam: nya: nheig khyeig da" nheigloem: dabo nyid baja".

LUKA 1:50 교차 참조

APOEM AYANG: 17:7

«Ngoo gi nang yo' re" amyed ashen yi da" ju" loo wa byunyid xiyam: moo ju" sho' apyaid atoo: mo thang" cab khyo" nga" dangsoo" ri zoem: nyid wa bye:. Ngoo gi re" da" Mangsoo we' re" amyed ashen yi da" Mangsoo we' nghoid nyid wa bye:.

2 KHOKHAM 17:39

Nanu" gi nanu" Aseing Mangsoo- ngoo ri tid dang: tam" gyoo: lho: nanu" da" gyivoo yi lo, mo ngoo nanu" ri khyoid yu wa» ga: amyeing" byid: to" da:.

COUNG" NGHEI 103:11

Mougkhung: gi myidjang tho' moo: je myhang: jo, ziyo' dakhyoo" ti" nyang: ri phoug" myhang: mo da" tho' moo: to" da- nya: jheddab nheigloem: we' houg: yo' dakhyoo" ti" gyi: myhang: jo.

COUNG" NGHEI 115:13

Nyang: gi nyang: ri gyoug phau" da" byu yugkhang" moo" mo nge zi gyi: zi aga- dangain" mo, ri mainkaid byid: wa.

COUNG" NGHEI 118:4

Nya: da" jhed nheigloem: gi apyaid atoo: dageung: teung jo, ga: wigi nyang: ri loem khau noku nyid mo, dangain" bang: we' datid nyid goo" baja".

COUNG" NGHEI 145:19

Nyang: ri gyoug phoug" bang: da" ca" yo, nyid khyoo: joem dangain" ri nyang: jhoeb, byeing byid: nyid wigi nyangnu" da" mho' yoid thui: ri shau" gyo: lho: nyangnu" ri khyoid yu bye:.

COUNG" NGHEI 147:11

Nghoid loug we' nyang: ri gyoug phau" nyid mo, yo' Nya: da" jhed khyeing: kang: khyeing: ri loem khau: nyid mo, ri nyang: vho: ngei nyid.

COUNG" NGHEI 31:19

Nang ri gyoug voem phau" myang: nyid mo, shid re" nang shoug: too" byid: da" ge lho, khyoo: joem gi khayhi' mau" pho" khyoo: nghoid nyid lha". Nang gi khayhi' gi su: nghoid ziri we' nang ri nghe: khoug: mo, ri lhoug zung" goin coung: byid: da" khyoo: ri we' yugkhang" moo" se' nyid bye:.

COUNG" NGHEI 85:9

Nyang: ri phoug" tab, ngi: shab bang: ri nyang: khyoid yu wa gyeing" nyang: jen" jen" nghoid nyid ziyo' nya: da" khyoid yu phung" yoeb gi ngoonu" da" mungdain: moo: dajo, jo, wa nghoid.

THU' LO" MOUGSOUG" 20:6

Nghoid loug we' ngoo ri jheddab- nga" tarha" ri cang mo, da" byuxeig khyeing" khyeing" moin moin ju" sho' nga" jheddab khyoo: ri ci: shug wa zi nghoid.

LUKA 1:49

Khasu" wim ga: ri yoem: bo Aseing: gi nga" shid' re" mau" pho" moo" ri zei: byid: yoomo nghoid bye. Aseing: da" myeing khyang" gi myhang: thang gyeungshang: nyid baja".

Pang Shug 19:5

Hau: zhung: tang mo thui: zeing thu' lo zigi Mangsoo dei zoo: yi ga: da" nyang: ri gyoug phau" nyid da" ngi, mo, gyi: mo, dangain" bang: we"- yha" da" Mangsoo ri coung" nghei nyid ge' ga: tid.