LUKA 1:48 - Lacid Common Language Bible

⁴⁸ Aseing: gi nya: da" dei zooshang: da" nge thang yooboo ri we' khyoid pyam byid: bye. Akhid" mo doem ju" loo wa da" myid: yam: zoo: xeigju" sho' ngoori gi ngi lhoo su: ga: boem wa: bye.

LUKA 1:48 교차 참조

APOEM AYANG: 30:13

Lea gi «Ngoo- atho' tid gau o". Akhid" gi myiyi: yigi ngoo ri gau su: ga: tid goo" wam bye:» ga: tid lho: hau: zooshang: ri Ashera ga: myeing myheing byid.

2 SAMUELA 7:8

«Hougsu" nghoid yoomo Myhang: thang da" ngoo Aseing nyang: ri tid da" dang: nga" dei zoo: David ri tid we'. Khyam: cang nang yang zung" nyid jang" mo ngoo nang ri khe: yu wigi Israela byumyu" yiri vhoebkhang" wa da" zoug: aya: nang ri byid: too" bye:.

COUNG" NGHEI 102:17

Nyang: gi she: pyam, to" zi shoug" nyid da- nya: mung" byu yi da" thui: ri shau" gyo: ziyo' Nyangnu" da" akyu" mho' thui: ri gyoo: byid: wa zi nghoid.

COUNG" NGHEI 136:23

Nyangnu" da" soem" joem: loo shau" lo da" uri nyangnu" ri nyang: gi ato" myhed pyam. Nya: jhed khyeing: kang: khyeing: gi pyaid moo: too: moo: dageung: teung jo.

COUNG" NGHEI 138:6

Aseing gi myhang: thang su: nghoid nyid. Nghoid loug we' nheigloem: nyhoem: khyo" mo, ri yu" goin coung: nyid. Nghoid boin: lho: phau: khaung nyid mo, rikoem gi vi: vi: mo nyang: se' too" byid: bye:.

COUNG" NGHEI 72:17

Khokham da" myeung ri khanham we' ato" myhid goo" baja" nya: myeung fu" nheung to" zigi bid moo" khyab yhang: ti" dageung: jo, baja". Khokham ri Mangsoo gi mainkaid jeju" byid: to" yhang: ti" byumyu" yi ja: khang moo" ri we' Mangsoo nyangnu" ri mainkaid byid: wa shid re" mho' nyid goo" baja".

ESAIA 66:2

Moug: gyab goin" ziri ngoo nyang: phain" so: to" zi nghoid. Nheigloem: nyhoem: khyo' mo, yo' nung myid yoo" bang:- ngoo ri gyoug phoug" bang:- nga" da" tid dang: gyoo: bang: ri ngoo vho: ngei da:.

MALAKHI 3:12

Nanu" da" moug: gi yoo" zoo: yoo" shug lho: byu nyid ge da" moug: bue" lo wigi byumyu" acang: joeb bang: gi nanu" ri «Agyid asoo: bo da" ngi: lhoo' bang: ga: myheing lo boem wa» ga: myhang: thang Aseing Mangsoo gi tid nyid.

LUKA 1:28

Mouglagyoo: gi nya: jang" moo re" lho: goo" ki" lid: da" jeju" shau" kham: zo: da" myiyi: nu" we"- nang gi ngei pyoo: yug yoo bye: ga: tid.

LUKA 1:42

Nang gi myiyi: dangain" tho' moo Mangso da" mainkaid jeju" je shau" kham: zo: su: nghoid bye. Nang khu: loo wa da" yuggi zoo: we' ngi lhoo su: nghoid ga: thui: moo" yo" lhoem tid.

LUKA 1:45

Mangsoo byid: da" yoeb bang yo' dakhyoo" ti"- bui" wa"- ga: nang gi loem" jeing" yoomo ngi lhoo bye" ga: thui: zeing yo" nyho: tid.

LUKA 1:49

Khasu" wim ga: ri yoem: bo Aseing: gi nga" shid' re" mau" pho" moo" ri zei: byid: yoomo nghoid bye. Aseing: da" myeing khyang" gi myhang: thang gyeungshang: nyid baja".

LUKA 11:27

Yesu gi hid: su" bain tid da" thang: ri byu phung: moo" mo myiyi: dayug gi nang ri khu: lho: noug" jhoug da" myiyi: gi kha: yhi' ngei: pyo: lha"» ga: tid.

1 SAMUELA 1:11

Hana gi «Myhang: thang da" Aseing we"- re" join myhi' nghoid da" ngoo ri yu" we' nga" da" yau: khi" ri myang bye: wigi ngoo ri boin: so" nyid we'. Ngoo ri ato" myhid pyam. Nang ngoo ri zooshang: byid: nghoid rigi nya: da" xam: ri khanham we' aphyid pyam byid: looza: nya: apyaid dangain" ziri ngoo nang ri zhoem" byid: wa ein: ngoo dangsoo" khoin" byid: bye:» ga: gye" no, khyo" nyang: gi dangsoo" khoin" byid: too" bye: zi nghoid.

1 SAMUELA 2:8

Sho" jhen: bang: ri zhoo" phei" boem khoug: moo lang: tu: to' yu wigi yau: khi" shoug" bang: ri nyang: gi myiyab boem mo lang: tu: to' yu nyid da:. Nyang: gi nyangnu" ri khokham zooshang: yug gi zoo: yi yo' byencang" bui" nhang: nyid wigi nyangnu" ri myonhoo: ngilang: boo tung" to" to". Mougmyid da" apoem: ayang: ri Aseing nyang: seung: nyid wigi hau: atho' moo mougmyid gyab ri nyang: zhoug too" bye:.