LUKA 1:37 - Lacid Common Language Bible

³⁷ Mangsoo ayo" koid: da" moo" daja: we' aboo" ga: re" tid kyo.

LUKA 1:37 교차 참조

APOEM AYANG: 18:14

Aseing moo age bue" zi ci: jo, lha"- ngoo deing" deing tid zigi akhid" mo lhammoo" goug: khyab lang" ngoo doem tau" ri" wa. Sara gi yuggi zoo: dayug ri yoo" wa nghoid» ga: tid.

1 KHOKHAM 17:16

Aseing gi Elia khyo" wigi dangsoo" byid: too" bye: ziyo' dayhang: ti" jarung: mo cen: moin" we' athang- jhuang: mo xu: we' abain byug nghoid da:.

2 KHOKHAM 3:18

Elisha gi xo' lho: «Nghoid loug we' Aseing shid re" he: zigi gye" lei da" moo" nghoid da:. Nyang: gi nanu" ri Moba byu yi atho' moo oung: doid nhang: wa.

YEREMIA 32:17

«Yoem: moo" bo Aseing we"- re" gyi: sheung: da" yoem: so' yo' yoem: moo" wigi mougkhung: yo' myidjang ri phain" so: to" da:. Re" shid re" ce: ja: we' gye yau: zi ajo, nghoid da:.

YEREMIA 32:27

«Ngoo gi xangsu: byu yi dangain" da" Aseing Mangsoo nghoid. Nga" shid re" gye" yau zi ci: ajo.

ZEKHARIA 8:6

Deing nyid shi" da" mung" byu yigi «Hidsu" gi ayo" bui" loo: ga: myid nyid boem nghoid loug we' ngoo ayo" zei: bui" wa khyoo: ci: we' aboo.

GYUNG: SOO" 11:23

Aseing gi «Nga" yoem: so' moo tu ke' to" zi boo wa la". Nang gi amyang" ri ngoo tid to" dang: bue" ri" wa abue" ri" wa ein: ziri myang wa zi nghoid» ga: tid da:.

MATHE 19:26

Yesu phougtu" zigi «houg: bang: ri yu" zhug to" lho: Byu khyo" te: soin: yu rigi he: khyoo: ayo" bui. Nghoidloug we' Mangsoo gi ci" we' yo" bue"» ga: tid kyo.

MARKU 10:27

Yesu gi nyangnu" ri tu: yu" lho: hau: zigi byu khyo" age bui"- nghoid loug we' Mangsoo khyo" gi ge bue" da- ja: khang: moo" gi Mangso shidre ge bue" khyoo: za: danghoid.

LUKA 1:36

Re" bidnoem myhi, nghoid da" Elisabed we' mang: loo" yid ri she- yuggi zoo: agyid asoo: ri gung lid: ci: da. Bougdung: myhi, daga: nyid su: gi gung lid: zi lham" moo" khyug khyab nghoid bye.

LUKA 1:38

Mari gi ngoo Aseing: da" dei zoo: nghoid. Aseing: tid kyo" ziyo' dakhyoo" ti"- ngoo moo bue" loo baja" o"- ga: Mouglagyoo: ri doem tid. Houg: lang" Mouglagyoo: gi Mari jang" mo doem thu' lo.

LUKA 18:27

Yesu gi byu yi" ayo" koid: da" khyoo: ri Mangsoo gi yo" koid: ga: phougtid'.

PHILIPI 3:21

Nyang: gi jo, moo jo, ri nya: vhoo: moo yo" kaid' pyam da" phung" yoeb, yoem: moo" bo nyid ziyo' dakhyoo" ti"- ngoonu" da" shid: loo" se' gung du: joem ri thed' pyam' lho: nya: da" myonhoo: phung" yoeb bo gung du: yo' du goo" sho' aseig thid' byid: loo wa zi nghoid.