Agyug goo"- ngoo nang yo' dage" nghoid. Ngoo gi re" Mangsoo nghoid- nang ri agyug nhang: wa. Ngoo gi nang ri yoem: boo: nhang: wigi pang" thoug wa. ngoo gi nang ri goem loem byid: wigi khyoid yu wa.
Aseing gi Israela we"- nang gi nge wigi yoem: nheing: yhang: ti" nghoid da:. agyug- ngoo nang ri pang" thoug byid: wa. Nang ri khyoid yu su: gi Israela da" gyeung" shang: da" Mangsoo ngoo nghoid.
Ngoo gi: nang ri phain" so: to" da" Aseing nghoid. Nang khu: lo da" ayo, mo ngoo nang ri pang" thoug byid: bye:. Agyug- nang gi nga" dei zoo: nang gi ngoo jheddab da" ngo wigi khyen: to" da" nga" byumyu" nghoid.
Nghoidloug we' Mouglagyoo: gi Zakhari we" agyug Mangsoo gi nang mho' da" Mangso thui: ri tam" gyoo: byid: bye. Re" myhi' zeing Elisabed gi yuggi zoo: agyid asoo: yo" khu: loo wam bye. Hau: zooshang: ri Yohan ein: myeing myheing byid: wa zi nghoid.
Polu we" agyug nang gi Khosen" pho, shid khoin" moo shau" yab, jo, wa zi nghoid - Mangsoo gi nang ri nheig khyeug gi koid nyid su: nghoid wigi nang yo' dage" gyid sang phoo zhoung: lo nyid mo, ri kang: so' loid byoin, loo" nhang: wa"- ga: tid da.
Tho' moo tid lid lo da" khyoo: ri agung kaid' lho: dang: thang: said' loo wa. Mangsoo: gi ngoonu" thang: dab jo rigi hang" we' ngoonu" ri yo" ung: wa zi anghoid.
