LUKA 1:25 - Lacid Common Language Bible

²⁵ Elisabed gi akhid" ngoori Mangsoo gi jeju" byid: bye. Ngoori subi" juang" yi doin: khyo, da" khyoo: ri Aseing: wigi byug loo" nhang: bye: ga: tid nyid.

LUKA 1:25 교차 참조

APOEM AYANG: 25:21

Rebekha gi zooshang: adab yoomo Isag gi Aseing jhang nya: shid re" akyu" mho'. Aseing gi hau: akyu" mho' dang: ri gyoo: byid: yoomo Rebekha zooshang: gung bue" loo bye:.

2 SAMUELA 6:23

Sholu da" myiyi: zoo: Mikhala gi khanham we' zooshang: ayoo" nghoid da:.

ESAIA 25:8

Gyi sheing: da" Aseing gi shid: ziri apyaid atoo: mo phyo' shoin' pyam wa. Nyang: gi yugkhang" mo" da" ngoug byid joem ri soid pyam byid: lho: mougmyid goin" mo nya: byumyu" yi kham zo: lo da" ngi: yoem" ziri yu pyam byid: wa. Aseing nyang: tid bye:.

ESAIA 4:1

Hau: ayo, ju" loo lang" myiyi: nyhed yug gi yuggi dayug ri zei: ci: lho: «Ngoonu" da" zoo: noem yo' byimi ri ngoonu" nyang: shoo: zoo: shoo: void wa. Nghoid loug we' ngoonu" yhoem: ayoo" wigi sho' phu" zi akham zoo: wa shid re" jeju" khyo" nang ngoonu" yhoem: seing: phoo nghoid ein: tid byid: la» ga: tid loo goo” wa.

LUKA 1:13

Nghoidloug we' Mouglagyoo: gi Zakhari we" agyug Mangsoo gi nang mho' da" Mangso thui: ri tam" gyoo: byid: bye. Re" myhi' zeing Elisabed gi yuggi zoo: agyid asoo: yo" khu: loo wam bye. Hau: zooshang: ri Yohan ein: myeing myheing byid: wa zi nghoid.

LUKA 1:24

Ayo, akhyeing: dajhi myang" loo" lang" Nya: myhi' zeing Elisabed gi gung lid: loo yoomo lham" moo" wim khyab goin" yhoem: khoug: moo za: daloung" jo, lo.

HEBRE 11:11

Abraham gi gye" mang: hau: loo" bye- Sa: ra nyang: we' apyaid bain' lid loo" bye: yoomo zoo: age yoo" loo. Nghoid loug we' Abraham da" loem" jeung" nheigloem: yoomo zoonu" nya: ba" doem, yo" bue" loo bye. Mangsoo gi Nya: dang: soo" khoin" byid: to" ziyo' dakhyoo" ti"- kyed' da" Aseing: nghoid nyid ziri Abraham gi loem, khau: nyid.

TARHA" AGYI 11:37

Nghoid loug we' nyang: gi nya: phoo ri «Nga" shid re" he: daja: ri koid byid: we'. Ngoo gi zoomyi: gyeing" uri shid: ca" bye: yoomo nga" byencang" myhi' yi yo' dage" boem joem khyoo: yhe: lho: koug ngau so" lam" yen" wa shid re" ngoo ri kyeing" lhammoo" eig khyab nyhid: too" la» ga: mho' da:.

1 SAMUELA 1:6

Aseing gi nyang: ri zooshang: ayoo" nhang: yoomo nyang: ri shi' go" nyid da" Penina wigi nyang: ri yoem: shoin: nheig koug sho' ung: zo: juang" nyid da:.