LUKA 1:17 - Lacid Common Language Bible

¹⁷ Aseing: Meshia da" shid' khyoo: gei yhi: su: nghoid lho: Lapi: Elia yo' dakhyoo" ti"- yoem: vhoo" phung: yoeb gyi: wa su: nghoid. Nyang: gi nya: pho, ri nya: zoo: yi yo"- doem veing" goo" nhang: wa zi nghoid. Mangsoo ri gyikoid nyid mo, ri deung main" da" phajhi" ri doem yoo" nhang: wa nghoid. Aseing: shid' re- jen" jen" nghoid wa shid' re" Aseing: da" Byumyu" yi ri nyheing soin byid: wa nghoid ga: Zakhari ri tid.

LUKA 1:17 교차 참조

1 KHOKHAM 17:1

Gilead mung" Tishbe voogung mo Elia ga: da" lapi: dayug gi khokham Ahab ri «Ngoo dei byid: nyid da" Kangso' Aseing Israela Mangso da" myeing khyo" wigi ngoo nang ri tid wa. Ngoo hid: su: doem tid da" ayo, thang: eig soem" zain ju" sho' nghain: jhu" agyoo" moug: avoo wa zi nghoid» ga: tid.

1 KHOKHAM 18:18

Elia gi «Yau: khi" kyi" khyeug koid zi ngoo anghoid nang yo' re" phoo danghoid. Nanu" gi Aseing da" amyeing" dang: ri atam" gyoo: nyid looza: Bala yu phara" soolhoo: joem ri no' nyid boem ago".

1 KHOKHAM 21:20

Ahab gi Elia ri myang lang" nyang: gi «Nga" gyivoo we" nang ngoo ri cang myheug nyid nhung: lha"» ga: tid. Elia gi «Nghoid- ngoo koid nyid. Nang gi Aseing da" shidkhoin" moo age da" moo" zoo" ri bain sho' nanya: gung nanyang: koid bye: nhung:

2 KHOKHAM 1:16

Nyang: ri «Aseing hid su" tid ‹Nang gi Israela mung" moo dang: myid: wa yu phara" anyid loo: yhang: ti" koid wigi Ekron yu phara" Balazebu ri dang: myid: wa lagyoo: yiri nhang: kaid yoomo nang gi noodam agi wa. Nang shid: wa›» ga: tid da:.

1 KHOKHAM MHOOMYID: 29:18

Ngoonu" da" phoug" phyid" Abraham- Isag- Yaku bang: da" Aseing Mangsoo we"- re" byumyu" yi da" nheigloem: khoug: moo: hid: su" dang: zung" da" myid ri khanham we' zoem: ci: byid: la. Nang ri khanham we' jhug zug da" myid ri kaid byid: la.

2 KHOKHAM MHOOMYID: 29:36

Khokham Hezekia yo' mung" byu yigi ngei pyo: boem. Ciwim gari Mangsoo gi nyangnu" ri he: gu: dangain" ri gye" myab sho' koid wa shid re" pang" thoug byid: su: nghoid da:.

COUNG" NGHEI 10:17

O" Aseing we" nang gi nheigloem: nyhoem: khyo' khyo" mho' da akyu" mho' dang: thui: ri tam" gyo: nyid. Nang gi nyangnu" ri: yoem: foin: byid wa zi nghoid.

COUNG" NGHEI 111:10

Aseing ri gyoug phau" nyid khyoo: gi ung: gyeing: phajhi" bo loo wa khyoo: nghoid- nya: da" dang: khoin" dangain" ri tam" gyo: cang loo" mo, dangain" ri nyang: gi deungmain" da" dang: phyed khyoo: ri byid: nyid. Nyang: gi apyaid atoo: moo coung" nghei khyoo: ri shoug" kham: yu wa zi nghoid.

COUNG" NGHEI 78:8

Gyivoo joem yo' atam" gyoo: bang- Mangsoo ri loem" jeung" khyoo: moo khanham we' ageung: teing mo, yo' nyang: moo: nheigloem: azoung" da" nyangnu" phoug" phyed yi yhang: ti" Nyangnu" gi bui" loo: wa nghoid

ESAIA 29:24

Koo" bang: gi se' gyoo: wa shid re" zhang: yu loo goo" wa. Khanham we' myeing" myoo: bang: gi jhau" byid: ziri vho: ngei loo goo" wa.

AMO 4:12

Houg: yoomo «Israela byumyu" yi we" ngoo gi nanu" ri yooboo dam kaid lho: wa. Ngoo hidsu" koid wam bye: nghoid yoomo nga" dang: phyed khyoo: thoung" shoug" zoo: wa shid re" xei nyid loo: ge'» ga: tid da:.

MATHE 11:14

Nanu" gi nyangnu" da" Mungdang: ri tam" gyo: nghoid rigi Yohan gi ju" ri" wa ga: tid to" da" Elia nghoid bye.

MATHE 14:4

Khasu" wim gari Yohan gi Herod khokham" ri «hau: myiyi: ri re" yhoem: seing: myhi' koid: wa zigi atarha"» ga: tid byid: nyid yoomo nghoid.

MATHE 3:3

Lapi: Esaia tid da" dang: gi «dain" pyoid yoo moo nyho: da" thui: gi hau: Aseing khyoo: ri soin' nyheing too" ge' guid" da" khyoo: ri soin' nyheing koid ge'»› ga: wigi tid to" yug nyang: nghoid bye.

MATHE 3:4

Hau: Yohan koem gi gola-ug moug" yo' yo, da" byimi void lho: shooyid bicu" cu" ci:- nya: da" zoo: noem gi siyoo mo jhen" khyeig nyoug yo' byoo: yhid: nghoid nyid.

LUKA 1:16

Israela Amyu" myoo" sho' mo, ri nya: da" Mangso jhang khyoo: yo" doem shu" loo" wa su: nghoid.

LUKA 1:76

O"- Nga" zoo: we"- myhang: thang Mangso da" lapi: ga: myheing boem wa. Nang gi Mangso da" khyoo: ri jen" jen" soin to" lho: gam shid" shi: su: nghoid wigi

YOHAN 1:13

Houg: bang: gi byu da" nya phoo mo khu: lo da" nya: zoo yi nghoid nyid wigi xangsu: suid shoo" khyo" Mangso: nya: zoo: yi yo" bue" lo zi anghoid. Mangsoo nyang- nyangnu da nya: phoo nghoid nyid.

YOHAN 1:34

Houg: su" tid to" ziyo' dakhyoo" ti"- ngoo shau" yang bye. Houg: yoomo ngoo nanu" ri tid ba- nyang: gi Mangso da" nya: zoo: nghoid.

YOHAN 3:28

Ngoo gi Meshia anghoid. Hau: Aseing: da" gam, shid" khyoo: khyoeb su: date: nghoid. He: khyoo: ngoo nanu" ri tid kyoo" bye: zi gi nanu" nyang: sagsi: nghoid boem bye.

ACTS 10:33

Houg: yoomo ngoo gi houg: jang: nyang- re" jhang khyoo: byu nhang: kaid' bye- nang ju" ri" yoomo gye" goug bye. Nyang: nang ri tid nhang: kaid' da" mungdang: dangain" ri tam" gyo: yu wa shid mo akhid" ngoonu" dangain" mo, gi-Mangso shid' khoin" moo lang" nyid boem- ga: tid kyo.

Roma 9:23

Hau tho' mo gootu: Mangsoo: gi nyang: nheig khyeug nyid mo ri nya: da" joeb byeung" myonhoo: phung" yoeb ri shau" myang nhang: wa shid' re" vho: ngei nyid. Houg: bang: gi Mangso: da myo nhoo: phung" yoeb yo" bo vang kham: zoo: nhang: wa da" shid' re" - Mangsoo: nyang: nyheing too" mo, nyang: nghoid bye.

KOLOSE 1:12

Hau: tho' moo gootu- bidbang da" mungdain khoug: moo bo jo, da" nya: da" gyeungshang: bang: shid re" Mangsoo nyheung soin' to" da" agyid asoo: joem ri nanu" ri shau" kham: zhoung" yu moin: bang: bue" lho:

2 TIMOTHI 2:21

Byu dayug yug gi tid lid loo bye: da" akhyeing" ashoeb khyoo: mo nyang: nya: da" gungdu: ri ced" san pyam nghoid rigi hau: yug gi Aseing: yhoug: gyen: khyo" soin nyheung to" da" khyoo: moo yo" bo ci: yhoung: da" zi bue" lo khasu" wim ga: ri ri nyang: gi ge, da" moozoo" ja" khang" moo" moo-bo zei: wa shid re" jen" jen" nghoid nyid.

1PETERU 2:9

Nghoid loug we' nyangnu" koem gi moug: coid' khoug: mo wigi nya: da" mau" pho" bidbang khyoo:- nanu' ri khe: yu su: Mangso da" mau" pho moozoo" ri tid fu" loo" wa shid re" khyen: yu to" da" byumyu"- Khokham" da" khain: jung yi gyeungshang: da" byumyu" yo'

1YOHAN 2:28

Nghoid bye"- myi: yi: zoo: yi we"- nyang: thu' myhang lo da" bidnyid ri nanu" gi sho' gyoug lho: phang: gau" yen" anoo" wa shid' re" nya: shid' khoin" moo asho' agyug loo: yo" yab, jo, sho' nyang: yo' daloem: za: dakoid nyid ge'.

Pang Shug 20:4

Hau: thang: moo zhung: tang joem ri ngoo myang kaid- hau" zhung: tang tho' moo zhoung: jo, mo, gi dang: phyed wa da" amyeing" yem: so' yoo" mo, nghoid nyid boem. Hau" tho' mo gootu: Aseing Yesu da" sagsi: kham, yoomo we' Mangso mungdang: yoomo we' zain: said' zi shau" mo, yo' hau: da" akhyeung" da" goug: nyhoug ri we' nya: da" alhoo: ri we' abo no" mo, yo' nya: da" laxoem" nghab youg ri nyangnu" da" ngeilang: yo' lo, moo abo tab ci: mo, da" soo" byoo joem ri ngoo myang. Nyangnu" gi doem, dei lo boem wigi zain nyid dakhyeing" ju" sho' Khristu yo' dage" vhoeb khang" nyid boem wa zi nghoid.

1 SAMUELA 7:5

Hau: thang: ri Israela byumyu" yi dangain" bang: gi Mizpa joyoo moo zeung: foem: wa shid re" Samuela khe: kaid wigi nyangnu" ri «Hid: moo ngoo nanu" shid re" Aseing jang" moo akyu" mho' byid: nyid» ga: tid.