LUKA 1:13 - Lacid Common Language Bible

¹³ Nghoidloug we' Mouglagyoo: gi Zakhari we" agyug Mangsoo gi nang mho' da" Mangso thui: ri tam" gyoo: byid: bye. Re" myhi' zeing Elisabed gi yuggi zoo: agyid asoo: yo" khu: loo wam bye. Hau: zooshang: ri Yohan ein: myeing myheing byid: wa zi nghoid.

LUKA 1:13 교차 참조

APOEM AYANG: 17:10

Nang yo' re" amyed ashen yigi yuggi zoo: yi dangain" bang: shooyid thang: yham" ca" wa nghoid.

APOEM AYANG: 17:19

Nghoid loug we' Mangsoo gi «Ayo" bui" nhang:. Re" yhoem: seing: myhi' Sara gi re" shid re" yuggi zoo: khu: byid: wigi nang gi nyang: ri Isag ein: myeing myheing wa nghoid. Ngoo gi nga" thang" cab ri nyang: yo' we' nya: amyed ashen yi yo' we' apyaid atoo: to" too" wa nghoid. Hau: zigi apyaid atoo: thang" cab nghoid bye:.

APOEM AYANG: 18:14

Aseing moo age bue" zi ci: jo, lha"- ngoo deing" deing tid zigi akhid" mo lhammoo" goug: khyab lang" ngoo doem tau" ri" wa. Sara gi yuggi zoo: dayug ri yoo" wa nghoid» ga: tid.

APOEM AYANG: 25:21

Rebekha gi zooshang: adab yoomo Isag gi Aseing jhang nya: shid re" akyu" mho'. Aseing gi hau: akyu" mho' dang: ri gyoo: byid: yoomo Rebekha zooshang: gung bue" loo bye:.

COUNG" NGHEI 113:9

Nyang: gi boug dung: myhi' da" yhoem: ri phoug" tab ngi: shab byid: lho: Nyang: gi hau" myiyi ri: zooshang: khu: loo wa akhang" byid: khyo" wigi gau yi nhang: nyid. Aseing ri coung" byid: we'.

COUNG" NGHEI 118:21

Aseing we" nang gi ngoo ri: tu" byid: bye: yoomo we' ngoo ri oung: doid loo" nhang: bye:. Houg: yoomo we' ngoo gi nang ri: coung" nghei nyid wam: bye:.

ESAIA 8:3

Hau: thang: amyang" ri nga" yhoem: seing: myhi' gi gung lid: re" da:. Nga" eig tang: yuggi zoo: khu: ri" lang" Aseing gi «nyang: ri ‹Nyeigdain tung" khaid zain:- myab myab yhe: lhoid yu khyoo: ein: myeing myheung.

DANIELA 10:12

Hau: thang: nyang: tid zigi «Daniela we"- agyug. Nang se' gyo: yu wa shid re" nheigloem: nyhoem: khyo' wa nang myid phyed da" xang: shi" bidnyid mo nyang: Mangsoo gi re" akyu" mho' dang: joem ri gyoo: byid: abye:. Re" akyu" mho' dang: ri phug tid wa shid re" re" jhang ngoo ju" ri" bye:.

HOSEA 1:4

Aseing gi Hosea ri «Nyang: ri Yezerela ein: myheing byid: we'. Ciwim ga ri Yezerela moo Israela khokham da" phoug" phyid" Yehu wigi byu said da" gang mo Israela khokham ri yooboo dam byid: wa amyang" loo. Ngoo gi Yehu da" khokham byuxeig ri thang nhang: loo: wa.

HOSEA 1:6

Gome gi eig yug ein: da" zooshang: doem yo" da:. He: lheing: gi myiyi: nu" nghoid da:. Aseing gi Hosea ri «Nya: myeing ri ‹Ajheddab› su: ein: myheing we'. Ciwim gari ngoo gi Israela byumyu" yiri jheddab myid aci: shug byid: loo wa. Nyangnu" da" yooboo ri we' akhyoid byid: loo wa.

MATHE 1:21

Nyang: gi yuggi zoo: khu: loo wa zi nghoid. Nang nya: myeing ri Yesu ein: myheing byid: ca" wa. Khasu" wim gari nya: da" Byumyu" ri nyang: nya: youg: noo yooboo mo khyoid' yu wa su: nyang: nghoid nyid».

MATHE 14:27

Yesu dalheing: dam tid zigi «seing" yang" ge'- agyug goo" ngoo danghoid» ga: tid.

MATHE 28:5

Hau: moug: lagyoo: gi myiyi: eig yug ri «agyug goo"- pyang" zeing moo baid jen said pyam bye da" Yesu ri re" eig yug sho: nyid zi ngoo se.

MARKU 16:6

Houg: lang" nyang: gi yangnu" riAdain amoug" goo"- nanu" gi pyang zeing moo said pyam bye: da" Yesu ri sho: nyid ago" nyang: gi dei to'' lo" byud, bye: nyang: hid: moo anyid loo: nyang: ri lheung: to" joyoo: moo we' yhe: yu" ge".

LUKA 1:14

Nang gi gye" gau yi ngei pyoo: wa Hau: zooshang: khu: loo yoomo Byu myoo" sho' mo, we gau yi ngei pyoo: goo" wa nghoid.

LUKA 1:30

Mouglagyoo: gi Mari we" agyug- nang gi Mangso da" shid' khoin" moo myonhoo: bug thu' sheing" jhu" bye.

LUKA 2:21

Zoonu" gi shed' nyid" ju" bye: yoomo a thang: yham" da" khyoo: kham: yu wa shid' re" ayo, ju" lang" Nyang: ri Yesu ga: myeing myheing byid: ago". He: da" myeing gi zoonu" gung lhang" alei loo shi" ri Mouglagyoo: myheing nhang: da" myeing nghoid bye.

ACTS 10:31

Koneli we" re" da" akyu" mho' thui: ri Mangsoo shau" gyo: abye:- Re" da" khoug: loem, alu: gam, byid: da" khyoo: ri we' - myang abye:.

TARHA" AGYI 6:23

Nghoid loug we' Aseing gi nyang: ri «Myenjham" yug yoo baja"- agyug- nang ashid: wa» ga: tid.

1 SAMUELA 2:21

Aseing gi Hana ri mainkaid byid: wigi nyang: gi yug gi zoo: soem" yug yo' myiyi: zoo: eig yug ri doem khu: bye:. Zooshang: zoo: Samuela we' Aseing ri dei byid: nyid wigi gyi: sheung: loo bye:.