LUKA 1:11 - Lacid Common Language Bible

¹¹ Hau: da" uri Mangso da" moug: lagyoo: gi Zakhari da" shid' khoin" moo thu' lo wigi nam pyo: da" shoem nghe xoin" to' byid: da" phoin: lo, yo shoid moo re" yab jo.

LUKA 1:11 교차 참조

XOIN" NGEI" 16:13

Nyang: gi hau: Aseing shidkhoin" moo nam pyo: ja: ri nghi' wa zi nghoid wigi hau: nam pyo: ja: da" myikhoug" gi Dang: Theing Kuid: amyhid" ri go too" byid: wa zi nghoid yoomo nyang: gi hau: ziri ashau" myang ziyo' ashid: wa zi nghoid.

LUKA 1:19

Mouglagyoo: gi ngoo gi Mangso da" shid' moo yab jo da" Gabriela nghoid nyid Nang ri he: da" lu dang: gi re" tid kyoo" wa shid' re" Mangsoo gi ngoori nhang: kaid zi nghoid.

LUKA 1:28

Mouglagyoo: gi nya: jang" moo re" lho: goo" ki" lid: da" jeju" shau" kham: zo: da" myiyi: nu" we"- nang gi ngei pyoo: yug yoo bye: ga: tid.

LUKA 2:10

Mouglagyoo: gi agyug goo"- ngoo gi byu dangain" mo, shid' re" gye" gau yi ge da" lu dang: ri nanu" jang" moo voin ri" bye.

LUKA 2:9

Hau: uri Mougkhung: mo Mangso da" lagyoo: gi yang zung" mo, shid' moo re" thu' yab lang" hau: ayam aqei: dangain" doug bang lo wigi nyangnu" gi gye" gyoug dain nyid boem bye.

ACTS 5:19

Nghoid loug we' hau: da" myen" ri Aseing: da" moug: lagyoo: dayug gi thung: khoem" duang: joem ri phang pyam' byid: boem lho: lagyoo: yi ri nghe: shoid khyoo: shu" thu' lo" wigi

HEBRE 1:14

Hougsu" nghoid rigi moug: lagyoo: yi gi hang" nghoid lha". Nyangnu" gi khyoid yu shau" da" agyid asoo: kham: yu bang: ri pang" thoug wa shid mo Mangsoo nhang: kaid' zi shau" da" Mangsoo ri noku nyid Venyi joem nghoid ago".

Pang Shug 9:13

Hau: thang: ri khyug yug ein: da" moug: lagyoo: gi nya: laboo" ri moid kaid. Mangso shid' khoin" moo jo, da" sheing: xoin" to' phoin: myid: jhoin: mo thu' lo da" thui: ri ngoo shau" gyo.

TARHA" AGYI 13:3

Aseing da" moug: lagyoo: gi nyang: ri re" thu shug lho: «Nang gi khanham we' zoo: akhu: yu" nghoid da:. Nghoid loug we' nang gi atung" myang" ri zoonu" gung bue" re" lho: yuggi zoo: dayug khu: wa.

TARHA" AGYI 13:9

Mangsoo gi Mano mho' ziri koid byid: wigi hau: myiyi: yoo moo zhung: jo, uri nya: moug: lagyoo: hau: myiyi: jhang doem ju" re" da:. Nya: yhoem: seing: phoo Mano gi nyang: yo' dage" anyid nghoid da:.