KOLOSE 4:10 - Lacid Common Language Bible

¹⁰ Nga" da" thung: loung" luzoem" cang"- Aristaku we' nanu" ri vhu" kaid- hau: lho: Barnaba da" zoo: oug: Marku we' nanu" ri vhu" kaid' (Nanu" jhang khyoo: Marku ju" re" lo uri lhoem: tau, yu byid: ge' ein: tid kaid' da" khyoo: joem ri) nanu" yo" yu too" gu nghoid bye.

KOLOSE 4:10 교차 참조

ACTS 12:12

Nyang: moo khasu" bue" lid lo ziri nyeing" za: boin: loo lang" Nyang: gi Yohan Marku da" nya: myhi' yhoem: moo vang yhe: lo. Hau: yhoem: moo gi byu, myoo" sho' mo, - zeung: foem: lho: akyu" mho' phung koid nyid bom.

ACTS 12:25

Sholu yo' Barnaba eig yug gi nya: eig youg da" moozoo" ri bain, zei: lang" Yohan Marku ri shu" lho: Yerusalem voomoo" mo doem, phang: thu' lo" ago".

ACTS 13:13

Polu yo' nya: byen cang" yi gi Paphu voogung mo lhid' zhoung: lho: Pamphuli mung" mo Perga voogung khyoo: ju" yhe: lo" ago". Yohan Marku gi hau: voogung moo nyangnu" ri too" kho' wigi Yerusalem voomoo" khyoo: doem tau" loo" bye.

ACTS 13:5

Nya: eig yug gi Salami voo moo ju" loo" lang" tarha" jung moo Mangso mungdang: ri kho" kyo" ago". Nya: eig yug ri bo pang" thoug wa shid mo Yohan Marku ri we' bo, shu" yhe: ago".

ACTS 19:29

Hau: da" mo, thei" mo, yug lu: fu" go" lo da" khyoo: gi davoo gung goin" moo byeung" lo wigi byu yi gi Polu yo' gyung: soo" byen, cang" nghoid da- Makedoni mung" byu- Ge-u yo' Aristaku eig yug ri myheug yu lho: Pui" mo goo" jang: khyoo: myab, myab, shu" vang yhe: lo" ago".

ACTS 20:4

Beria voobyu puru da" nya: zoo: Sopata: - Thesaloni voo mo Aristaku, yo' Sekundu- Derbe voo mo Ge- u Asia mung" mo, Tukhiku- Trophimu yo' Timothi gi nyang: yo' dage" bo cang yhe: lo" ago".

ACTS 27:2

Ngoonu" gi Asia mung" thoem" yam, gukhuang" khyo" gu: yhe: loo" wa soin' nyid boem- Adramuti mo gyid sang phoo tho' moo yhe: do, zhoung lho: gu: yhe: lo" boem bye. Thesaloni voogung mo Makedoni byu- Aristaku gi ngoonu" yo' dage" bo cang re.

ACTS 4:36

Houg: lang" lagyoo: yi wigi Banaba ga: myeing lhid: myheung byid: da" (Banaba ga: zigi yoem: byid: su: ga: zi nghoid) kupru gugyoo: kang: moo khu: lo da" Levi byumyu" Yoseb we'

Roma 16:2

Nanu" gi Mangso: da" phung" byu yi nyang: cang" koid' kham: yu go" moo" khyo" nyang: ri we' Aseing: da" myeing mo kham: yu ge'. Nyang: moo ca" da" khyoo: bo ri coem' pang" thoug byid: ge'. Nyang: gi byu myoo" sho' ri pang" thoug lid: loo su: nghoid. Ngoori we' gye pang" thoug yu" su: nghoid.

Roma 16:7

Nga" byukung: mo ngoo yo" dage" thung: loung" yu" da" Androniku yo' Yuni eig yug riwe' bo u" byid: ge'. Nyang: eig yug gi Lagyoo: amain" khyo" myeing fu" lho: nga" shid' mo Khristan bue" loo su: eig yug nghoid.

2 TIMOTHI 4:11

Luka za: ngoo yo' dage" nyid nyid Marku ri khe: yu lho: nang yo' dage" shu" ri" we' khasu" wim ga: ri he: moozoo" moo nyang: ngoori yo" bo pang" thoug wa zi nghoid.

PHILIMON 1:23

Khristu Yesu da" khyoo: ri kho" kyoo" yoomo ngoo yo' dage" thung: loung" jo, da" nga" byen cang" Epaphra gi nang ri vhu" kaid da.

PHILIMON 1:24

Houg: yo' dakhyoo: ri kho" kyoo" yoomo ngoo yo' dage" thung: loung" jo, da" nga byen cang" Epaphra gi nang ri vhu" kaid da.

1PETERU 5:13

Mangsoo khyen: yu da" jeju' ri nanu" yo' dakhyoo" ti" shau" kham: yu da" Babelon voo mo-nanu" da" mang nhung" phung: byu yi we' nanu" ri vhu" kaid' ago"- nga" zoo: Marku we' nanu" ri vhu" kaid.