KOLOSE 3:8 - Lacid Common Language Bible

⁸ Akhid" koem gi nheig yo: zi nheig no, nyang: yo: khyoo: anoug angei da" nheig loem-yooboo ri xoem" to" khyoo: sube" da" gei, sang: shang pyang: ziyo' khoin" co' loeb, khyoo: ri nanu" da" nhoid mo athu' nhang: loo: go.

KOLOSE 3:8 교차 참조

COUNG" NGHEI 37:8

Myid amyoo- nheug we' ayo: nyid. Hau: zigi nang ri yau: khe" kyi" khyeug khyoo: za: dabui" nhang: nyid.

DANG: ZHOEM 17:14

Myeing" myo: khyoo: ayang: qei" zigi teung to" gyid thoem" boid shoin: lo" ziyo' du nyid. Je" alam: loo" shi" uri myab, myab, jhed pyam we'.

DANG: ZHOEM 19:19

Byu dayug gi nheig khoo" yo: nyid nghoid rigi hau: da" aphoug" yooboo dam gi nyang: ri kham' zoo: nhang: we'. Nyang: ri yau: khe" khyoo: mo dalheing: khyoid yu nghoid rigi dalheing: doem khyoid yu ca" loo wa nghoid.

DANG: ZHOEM 29:22

Nheigloem: leung" mo, gi yau: khe" khyoo: yo' myeing" myo: byo, go" khyoo: ri myoo" sho' bue" thu' loo nhang: nyid.

MATHE 5:22

Ngoo nanu" ri tid da" zigi nya: mang: nya: nhung" ri nheig yoo: su: hang" nghoid loug we' yooboo byid: wa zi moin: yi" nyid bye. Nya: mang: nya: nhung" ri yooboo hoeb' ga: tid su: we' hau: ludaid phung: mo dang: khoo' gi" bye. Hau: lho: koo" dau: he: zi ga: tid su: gi ngarai" myi: yo' moin: yi" nyid bye.

MARKU 7:22

Myi: lhoid lang lhoid go zi jhu phyo' go" khyoo: - mhau' nyam khyoo:- myed, nau: zi gei sang: khyoo:- nghoid boin: ziyo' akoo" apya doid koid da" khyoo: yo' age khyoo: myoo" sho' thu' lo nyid zi gi

Roma 13:13

Ngoonu" gi bidbang mo nya: zoo: yi yhang: ti" ge young" du khyoo: moo za: cang lo" boem ca. Yhid: shug foo" zo: lid khyoo: akyang byo yoin" khyoo: - shava myiyi: yug gi cang zo: khyoo: yo" aved avhu: khyoo - myeing" myo: yhoo she: zi yo" no" zo: da" khyoo: ri jang" pyam' lho: bidnyid" gung tu: yo, ti" nyang: daso" nyid shang.

1Korinthians 3:3

Houg: su" yoomo nanu" gi moug: myid byu yi khyo" danyid nyid boem shi" yoomo- nanu" nyang: cang" noo" goo" zoo go" ziyo' myeing" myoo: yhoo: she: khyoo: dakoid nyid boem ago". Hau: khyoo: gi nanu" he: moug: myid yo' sen: khyo" kangso dadei nyid shi" ein: da" sagsi: kham nyid zi anghoid goo" la"

2~KORINTHU 12:20

Nanu" jang" moo ngoo ju" re" ri ngoo vho:- myang nau khyo" nanu" anghoid nyid lang wa ziri we' nanu" we' hau: vho: khyoo:- myang nau khyo" ngo moo anghoid nyid wa ziri we' ngoo gung: youg yau nyid. Hau: lho: ngoo gi nanu" moo myeung" myoo: yhoo: she: da" khyoo: noo" goo" zoo go" da khyoo:- nheig yo phoin: khyoo:- nyang: nya: akyu" za: sho: khyoo: dayug yo' dayug gei sang: shang pyang: go" khyoo: dang: so' so' go" khyoo: ngeug goo hi: go" ziyo' atoug" ashu: lu: fu: go" adu aveing" go" khyoo: ri ngoo re" myang wa ziri gung: youg yau nyid.

GALATI 5:15

Nghoid loug we' kyang: da" gougnyhoug lam" joem yhang: ti"- nanu" nyang cang" nyang: dangaid' zoo: go" nyid nghoid rigi nanu" nyang: cang" nyang: tu- jhoem" pyam' goo" wa ziri ze" lhid' nyid ge'.

GALATI 5:20

Goug ngu soolhoo: no' khyoo:- maintain khyau" fa" lung khyoo: join: yu kau" phajhi" - anoug angei ziyo' myeing" myoo: yhoo: she: khyoo:- noo" goo" zoo go"- nheig yoo ung: jhen:- nyang: nya: da" akyu" te: sho: zi gang: loo" lain' lo" da" khyoo:- phung kho' go" lo" khyoo:-

GALATI 5:26

Ngoonu" gi nghoid boin: khyoo:- nyang: cang" nyang: pyi: shoo: go" khyo" yooboo foin: ziyo' nyang: cang" nyang: noo" goo" zoo go" da" khyoo: joem ri to" pyam' ca" boem bye.

Ephesu 4:22

Hougsu" nghoid nyid yoomo nanu" gi shid phyang" nanu" nyang: cang lo yu" bye: da" kangso' dei khyoo: mo byu xoug" ri we' mougmyid pyo: khyoo: ri vhoo: boo myo, no, yoomo mhoug zoo: fain" zoo: nau da" nheugloem: yoomo byo, yoin" loo" bye: da" byuxoug" ri she: pyam loo ge'.

Ephesu 4:25

Houg: yoomo mhau' da" dang: ri atid nyid goo"- yug khang" moo" gi nyang: nya: da" loem" jeung" phung byu mang nhung" phoo ri deingmain" da" dang: za: da tid nyid goo" baja"- Khasu" wim gari ngoonu" dangain" bang: gi Khristu da" gung du: mo akung: ako'' joem za: nghoid nyid boem.

Ephesu 4:26

Nanu" nheig yo: ri hau: yoo: nau da" nheigloem: yo' yooboo akoid nhang: goo"- bidvang sho' we' nheig ayo: nyid goo".

Ephesu 4:29

Subi" ri noo, nhang: da" dang: dakhoin" we' nanu" da" nhoid mo athu' nhang: goo"- tam" gyo: nyid bang: akyu" yoo" sho' byu yi ri yo" se' koid so' nyheing byid: ziyo' ca" yo nyid mo, ri yo" pang" thoug byid: da" dang: gi, riza: da tid nyid ge'.

Ephesu 5:4

Aved avhu: da" khoin" co' dang- anyhoin: athoung" da" dang: co, joem- kyang: da" dang: ri tid wa shid re" we' nanu" shid re" adu nghoid da- hau: gung khoo: nanu" gi Mangsoo ri jeju" daboin: nyid ge'.

KOLOSE 3:5

Houg: yoomo nanu" da" akhoug: moo bo da" aved, avhu: moo"- myo, jang anyau, da" moo"- nyam, da" moozoo"- akhyeing" ashoeb, khyoo: yo' vhoo: boo loug gyi: da" khyoo: gi soolhoo: no" da" khyoo: daja: nghoid- hau: ziri said' pyam' boem ge'.

KOLOSE 3:9

Nyang: cang" nyang: -mhau' da" dang: ri atid nyid lo go"- khasu" wim ga: ri ri byu xoug" yo' dage" hau: da" akyang joem ri nanu" khyoid pyam' lho: gung du: aseig zhoug yu boem abye: go.

1 TIMOTHI 1:13

Ngoo koem' gi lid loo bye: da" ayo, moo Aseing: ri age khyo" yooboo foin:- juang" yi pyi: sho: shen" yhen ziyo' rue" lid lo yu" su: nghoid, nghoid loug we' Mangsoo gi ngoori nheig khyeug nyid shi"- Khasu" wim ga: ri ngoo moo loem" jeung da" myid, aboo shi" yoomo ngoo cikoid nyid ziri" ngoo nyang: asi.

1 TIMOTHI 1:20

Nyang: nu" ri satan da" lo, moo ab, pyam byid: khyo" wigi ngoo shen" yhen da" Humeni yo' Alesandaru ga: da" eig yug we' bo ago". Hougsu" koid da" khyoo: gi nyangnu" tid da" nheing" myeing" nheing" thui: gi sube" gei sang: shang pyang: byid: da" khyoo: ri to" pyam' goo" baja"- ein: jhoug" byid: da" khyoo: nghoid.

HEBRE 12:1

Akhid" ngoonu" da" shid re" hid: myho, da" sagsi: joem gi ngoonu" ri jhoem: moug" su" thoem" lhoung too" bye. Houg: su" nghoid yoomo ngoonu" gi khyoo: moo lhu: phyo' lhu: keug lang" wa zi ja khang" moo" ri we' ngoonu" moo gye" geing: sho' kyen, dab, jo, da" yooboo joem ri we' shoem" shoung: pyam lho: ngoonu" gei, yhe: loo" wa soin' nyheung to" da" bain: zeing moo ju" sho' yoem: kaid' thoug shang" lho: gei, ju" lo" boem shang.

YAKU 2:7

Nyangnu" yo" kham: yu bye: da" phoug" dab, myeing khyang" ri juang" yi pyam bye: boem anghoid goo" la".

1PETERU 2:1

Houg: su" nghoid yoomo nanu' gi age da" khyoo: aja: ja: yo' mhau' fain" da" khyoo: aja: ja: - ayid void da" khyoo:- no" zo dang: tid ziyo' juang" yi dang: joem ri she: pyam' loo: ge'

2PETRU 2:18

Nyangnu" gi shoid vang: khyoo: dam: dam: lo" byu phung: khoug: mo aseig shi" daloid thu' loo bang: ri ce: akyu" abo da" nghoid boin: dang: tid lho gungshoo" aco' ajhoid da" nheig" loem: yo' lhoem: tau, yu lho: khyoo shu" vhang: lo" boem.

2PETRU 2:7

Nyang: gi tarha" aci: aved asam" byo, yoin" nyid da" byu yi yoomo nheugloem: gye" byo, yoin" nyid bye da" byu ri za: nyang: khyoid yu bye.

YUDA 1:13

Nyang: nu" gi gye" thain: da" panglai being: mhoid' yhang: ti" du nyid wigi nyangnu" koid da" asho, ashid: moozoo" we' panglai gyid nyoeb, yang: ti" thu' nyid. Nyang: nu" gi akhyoo" acang da" kyimeing: lam" kyi: joem yo' we' du nyid nyangnu" shid' re" Mangsoo gi apyaid' ato: joyoo daloem: ri no, athang da" moug: coid' khoug: moo nyheung too" bye.

YUDA 1:8

Houg: yhang: ti"- hau: byu hid: bang: we' myo, myang aja: ja: myang ziyo' nyang: nya: da" gung du: moo yooboo koid wa Mangsoo ri ci: asoin:- aphoug" agyug lo: tho' mo phung" yoeb, boo bang: ri we' rue" pyam' boem bye.

Pang Shug 16:9

Nyang: nu" gi thain: da" myiso' yo' ngi" yoomo hau: shid: gyoin, amyeing" byid: su: Mangsoo ri damyeung nheung" nyid aloo: go. Nghoid loug we' nyangnu" da" yooboo yoomo houg: yhi' gyeung" da" shen" yhen jamjau shau" nyid boem nghoid loug we' nheigloem: athed' lo boem ziyo' Nya: da" gyi: myhang: khyoo: ri acoung" anghei' byid: nghoid ago".