KOLOSE 3:24 - Lacid Common Language Bible

²⁴ Aseing: gi nya: byumyu" yi shid' re" shoung: to" da" agyid asoo: ri jhung: shug khyo" wigi nanu" ri byid: zi nghoid ziri daboin: so" nyid ge'- khasu" wim ga: ri Khristu koem gi pang" zei: nyid da" Aseing: agyeing" nyang: nghoid bye.

KOLOSE 3:24 교차 참조

APOEM AYANG: 15:1

Hau: thang: Abram gi pang shug yoeb myang daja: myang lho: Aseing khyo" nyang: ri tid da" dang: ri shau" gyo: kaid zigi «Abram we" agyug lhe". Ngoo gi nang ri shid: gyoin mo goem loem byid: lho: ngi: shab jhungshug zeing nang ri byid: wa» ga: tid.

DANG: ZHOEM 11:18

Akhyeung" da" byu yigi gyeing" nyang: ci" we' yo" yu wa zi anghoid. Nghoid loug we' deingmain" da" khyoo: ri nang dazei: nyid nghoid rigi coung" nghei ngi: shab jhungshug ri nang deing" deing shoug" khau: yu wa zi nghoid.

MATHE 10:41

Mangso lagyo: da" myonhoo: ri tu: lho: Mangso da" lagyoo: ri lhoem: kham: yu su: gi Mangso lagyoo: yo" da" aphoug" ri bo yoo" wa. Deung main" su: da" myonhoo: ri tu: lho: deung main" su: ri kham: yu su: gi deung main" su: yo" da" aphoug" ri bo yoo" wa.

MATHE 5:12

Gauyi zoore" pyoo" pyoo: danyid ge'. Khasu" wim gari mougkhung: tho' moo nanu" da" vhu" kung: phoug" gi gye" myo: jo, bye.

MATHE 5:46

Na nu" ri jheddab mo, ri za: jheddab nghoid rigi nanu" ce: akyu" boo wa lha". Kheing" khyu: zoo: mo, we' houg: su" koid: boem bye anghoid goo" la".

MATHE 6:16

«Nanu" zoo: noem zeung: nyid nghoid rigi ayid void ci: da" byu yi yhangti"- nanu" myonhoo: ashoo: goo" sube" shid khoin" moo nyangnu" zoo: noem yo" zeung: zi myang baja" ga: nyangnu" gi nyang nya: da" myonhoo: ri mhau: shoem nhang: ago". Houg: yoomo yoo" eung: da" akyu" ri nyangnu" yo" yu boem bye.

MATHE 6:5

«Nanu" akyu" mho' nyid nghoid rigi ayid void da" byu yi yhangti" akoid: goo. Khasu" wim gari subi" nyanu" nyang: ri yo" myang goo" baja" ga: tarha" jung yi yo' khyoo: kang" shoem: moo cang yab' lho: Akyu" mho' wa zi nyangnu" vho: boem da. Nanu" ri ngoo jhug jhug tid ba- nyangnu" gi aphoug" yo" yu abye: go.

LUKA 14:14

Houg: su" khi: lang" gi nang ngi lhoo wa. Khasu" wim gari houg: bang: gi nang ri jeju" yo" phug wa yoem: aboo mo, nghoid. Deung main" mo, shid: jang" mo doem dei to'' lo da" uri Mangsoo gi nang ri jeju" doem toug" byid: zi shau" wa ga: tid.

LUKA 6:35

Nanu" gi gyivoo yi ri jheddab ge' Jeju" koid: ge' daja: ja: khyalhang" doem yo" yu abe ein: amyid nyid loo:- jhid" byid: nghoo" byid: ge'. Houg: su" koid: nghoid rigi Nanu" gyi: thang da" jhungshug ri yo" yu wigi myhang: thang da" Mangso da" nya: zoo: yi nghoid boem wa. Hau: Aseing: gi jeju" ase' boin: mo, yo"- akhyeing" ashoeb mo, ri jeju" koid: nyid.

YOHAN 12:26

Ngoo nyid da" jo, yooo moonga" dei zoo: we' yo" nyid wa shigre" Nga" moo" voin, noug su: gi nga" thang: moo cang ca. Nga" moozoo" ri voin, vu, su: hang" nghoid loug ri nga" phoo we' coung" byid: wa zi nghoid.

ACTS 20:32

"Akhid" ngoo gi nanu" ri Mangso goin, coung: nyid da" geung: teung mungdang: moo we' - hau: jeju" mungdang: gi nanu" ri yo" gyi: sheung: loo nhang: lho: Mangsoo gi nya: byumyu" dangain" bang ri byid: wa ga: young to" da" - main, kaid' jeju" joem gi nanu" ri byid: wa zi nghoid nyid.

Roma 1:1

Nya: ngeibu lu dang: gi ri fu" kaid' wa shid' re" lagyoo: gyeing" dayug khyo" Pho Mangsoo: khyen yu nyheing too" su: - Khristu Yesu da" dei zoo: ngoo Polu gi - mougsoug" lhid" kaid'.

Roma 14:18

Hid: khyo" wigi Khristu da" moozoo" ri voin vu su: ri Mangso: da' jheddab nheig shid: khyoo: yo" xangsu: byu yi da" coung" nghei" byid: khyoo: yo" yu wa.

1Korinthians 11:23

Khasu" wimgari- akhid" ngoo nanu" ri- byid: kaid da" jhoug" myeing" jhoug" thui: gi hau: Aseing jang" moo ngoo yo" kham: yu khyoo: nghoid. Hau: zigi: gyivoo joem da" lo, moo: ab byid: pyam zi shoug" wa da" myen" ri- Aseing Yesu gi zooyho, ri yu lho: wigi-

1Korinthians 3:8

Amyoug: ri sain" kaid su: yo' gyid shoin" su: eig yug gi ci: shai" go" khyoo: ajo, Mangsoo gi byu dayug yo' dayug ri- nyang: tu: nyang: yoem: kaid zei too" bye: ziyo' dakhyoo" ti" coung" nghei ngi: shab, jhung: shug ri byid: wa zi nghoid.

1Korinthians 7:22

Khasu" wim gari- join danghoid nyid uri:- hau: Aseing wigi: khe: yu zi shoug" su: gi Aseing da" loid byoin byu nghoid bye. Houg: yo' dakhyoo" loid byoin bye: byu dayug nghoid uri:- Aseing khe: yu zi shoug" su: gi Khirstu da" join bue" loo bye.

GALATI 1:10

Khasu" wim gari ngoo hid: su" tid nyid zigi byu yi wigi coung" byid: nghei byid: zi yo" yu wa shid re" koid nyid zi nhghoid la". Houg: su" we' anghoid o". Ngoo vho: ngei nyid da" khyoo: gi Mangso myid veung" vho: ngei da" khyoo: yo" yu wa shid re nghoid. Ngoo gi byu shid khoin" moo myeing fu" nheing" sho' ein: yoem: kaid la". ngoo houg: su" dakoid nyid nghoid rigi Khristu da" dei zoo ngoo nghoid wa zi anghoid..

Ephesu 6:6

Yhoem: seing: yi yu" nyid yoomo myonhoo: rua nau khyo" za: akoid goo"- Khristu da" join, yi yhang: ti"- Mangsoo myid vho: ziyo' dakhyoo" ti"- nheigloem: bain' sho' yo' zei: so' nyid ge'.

Ephesu 6:8

Join, yi ri nghoid loug we' join, seing: yi ri nghoid loug we' Magsoo gi yug khang" moo" ri nyang: zei: lo ge da" moo" zo" shid re" coung" byid: aphoug" shang" loo wa ziri boin: so" nyid ge'.

KOLOSE 2:18

Ladu lid' sho' shoid vhang: da" khyoo:- nyang: tu: nya: da" gung du: ri khyo, nyhoem: pyam' wa ziyo' moug: lagyoo: yi ri no" ca" ga: goozu: xen, da" yoeb, myang yo" we' shoid vhang: da" khyo, nyhoem: khyoo: moo nyhen" zei: nyid bang: yo' moug: lagyoo: yi ri noku da" khyo" we' nyang: nya: gung du: ri dangain" tho' moo je" nghoid thang su: ga: khyo" tid phau: nyid mo, -hang" su: wigi we' nanu' ri yoobo dang: phyed' wa da" akhang" abyid: goo"- Houg: yhang: te" da" byu yi gi ce: sei abo da" xang: su: myid soin: khyo" nyang: nya: gung ri tid phau: yu lho.

HEBRE 10:35

Houg: su" nghoid yoomo nanu" da" yoem: vhoo" ri ashe: pyam- aci: phyug goo. Houg: lang" gi nanu" da" vhu" kung: phoug" azeing yo" yu goo" wa zi nghoid.

HEBRE 11:6

Loem" jeung" zi abo nghoid rigi hang" we' Mangsoo vho: ngei zi ayo" bui. Khasu" wim gari Mangso jhang khyoo: yu: vang loo" mo, hang" we' Mangsoo nyid nyid ziyo' nyang: ri cang shoo: bang: ri jeju" toug" byid: nyid ein: da" khyoo: ri yo" loem" jeing" su: nghoid wa zi nghoid.

HEBRE 9:15

Khyoo: he: khaid khyo" Mangso khe: yu zi shau" bang: gi Mangsoo nyang: dang: soo" khoin" byid: too" bye: da" apyaid' atoo: mo mainkaid jeju"- shau" kham: yu boem baja" ga: Khristu gi dang: thang" cab, aseig rinyheing byid: bye. Hougsu" kham: yu wa da" amyeing" akhang" ri yo" yu da" khyoo: gi xang: shed" mo da" dang: theing khoin" akhoug: moo nyid uri shoid vhang: lo" da" youg: noo yooboo mo khyoid lhoid kaid' wa shid re" shid: kham, khyoo: dakhaid bue" thu loo yoomo nghoid bye.

1PETERU 1:4

Hougsu" nghoid yoomo ngoonu" gi Mangso byu phung: shid re" Mangsoo nyang: shoung: too" byid: bye: da" agyid asoo: ri yo" kham: zoo: wa ziri nheig byu lang" nyid boem. Mangsoo gi hau: da" agyid asoo: ri nanu" shid re" moug: khung: moug di moo young: too" byid: bye- houg: yoomo hau" agyid asoo: gi abyo, abei ashoem: apyang: lo: da" zi nghoid.

2PETRU 1:1

Yesu Khristu da" join yo' lagyoo: nghoid su:- Ngoo Simun Petru gi Ngoonu" da" Mangsoo yo' khyoid yu da" Asing: Yesu Khristu da" deung byeung" khyoo: moo ngoonu" yhang: ti"- phoug" dab da" loem" jeung" khyoo: yo" yu bye: bang: jhang khyoo:- dang: pyeung: kaid.

YUDA 1:1

Phoo, Mangsoo jheddab da" ziyo' Mangsoo khe: yu to" lho: Aseing Yesu lhoug zung" nyid mo, Mangsoo khe: yu shau" mo, dangain" bang: jhang khyoo:- Aseing Yesu da" dei zoo: yo' Yaku da" nya: no, Ngoo Yuda mo wigi-moug soug" lhid" foin: kaid'.

RUTHA 2:12

Re" lo, moo" yoomo Aseing gi nang ri mainkaid byid: baja". Coung: goem byid: wa shid re" nang nghe: khoug: vang lo da" Israela Mangsoo gi nang ri myo: tham: da" aphoug" shang" byid: nyid baja" o"» ga: nyang: ri tid.