KOLOSE 3:19 - Lacid Common Language Bible

¹⁹ Yhoem: seing: pho, we' nanu" da" yhoem: seing: myhi' ri jheddab nyid wigi nyangnu" ri anoug akhyoid' pyi: sho: da" dang: ri atid nyid goo.

KOLOSE 3:19 교차 참조

APOEM AYANG: 24:67

Hau: thang: ri Isag gi Rebekha ri nya: myhi' Sara nyid khare" da" zoem" khoug: khyoo: shu" fang yu wigi hau: myiyi: gi nya: yhoem: seing: myhi' bue" loo bye:. Isag gi Rebekha jheddab wigi nya: myhi' anyid byug nghoid loug gye" nyid pho: nyid bye:.

PHAJHI" DANG: 9:9

He: mougmyid dang moo Mangso wigi nang ri byid: to" da" Kangso' gyung: khyoo: akoem: moo nang jheddab da" myiyi: myhi' yo' pyoo: pyoo: nyid we'. Hougmoo ce: akyu" abo da" akoem: bidnyid khang" moo" ri pyoo: pyoo: nyid we'. Ciwim gari hau: gu: gi re" yau: khe" kyi" khyeug dangain" da" gang mo nang yo" yu wa gu: dangain" nghoid abye:.

LUKA 14:26

Nga" thang: cang loo nghoid loug we' Nya: myhi' nya: phoo- nya: myi: nya: zoo:- nya: mang: nya: nhung" yi yo"- nyang: nya: gung ri te: je jheddab mo, gi nga" cangzoo: ayo" bui.

Roma 3:14

Nyanu" da nhoid' khoug: gi - gye" kho" ziyo' nheing" myeing" nheing" thui: yo" byeung" jo.

Ephesu 4:31

Houg: yoomo nheigloem: moo no khyoo: nheig khoo" yo: khyoo: nyho: yoid phau: nheung" ziyo' aphoug" akhyoid koid zi anoug angei da" nheigloem: aja: ja: yo' houg: yo' du go" da" khyoo: joem dangain" ziri shoem" shoung: pyam ge'.

Ephesu 5:25

Yhoem: seing: pho, we"- Khristu gi hau: phung: ri jheddab yoomo hau: shid re" kangso' ab, noung" pyam byid: yhang: ti"- nanu" da" yhoem: seing: myhi' yi ri hougsu" jheddab nyid ge'.

Ephesu 5:33

Nghoid loug we' hau: zigi nanu" yo' we' sen: nyid yhoem: seing: pho, yug khang" moo" gi nya: yheom: seing: myhi, ri nya: gung ri yhang: ti" jheddab nyid ca" wigi yhoem: seing: myhi' yi yug khang" moo" we' nya: yheom: seing: phoo ri gyoug phau" nyid ca".

KOLOSE 3:21

Myhi, phoo yi we"- nanu" da" nya: zoo: yi ri nheigloem: aze" sho" nyid goo"- houg: su" koid lang" nyangnu" gi nheig nge yoem: gyau: lo" byug boem wa zi nghoid.

YAKU 3:14

Nghoid loug we' gyeing" nyang: ga: rigi nanu" da" nheigloem: khoug: moo no" zo nheigloem:- nheig yo: da" nheigloem: yo' nya: akyu" za: shoo: nau ziyo' nghoid boin: phau: khuang khyoo: yo' za: byeung" jo, nghoid rigi hau: deungmain" da" khyoo: ri shoid vhang: khyo" koid nyid zi nghoid.

1PETERU 3:7

Houg: yo' dakhyoo" ti"- yhoem: seing: pho we"- nanu" da" yhoem: seing: myhi' yi gi nanu" tho' moo yoem: neing: mo, nghoid ziri se' lho: nyangnu" yo' zoem" khau: nyid ge'- nyangnu" gi apyaid' ato: kangso yo' sen: da" jeju" ri nanu" yo' da khyoo" ti" yo" yu wa mo, nghoid yoomo nanu" gi nyangnu" ri phoug" phoug" myang myang zoem" khau: nyid ge'- hougsu" nghoid lang" she' nanu" da" akyu" mho' thui: gi khanham we' dakhyoo" ti"- yo' mho' nyid boem wa zi nghoid.