KOLOSE 3:17 - Lacid Common Language Bible

¹⁷ Houg: yoomo nanu" ce" moo" thu' nghoid loug we' mung main: khyoo: moo we' moozoo" jid: zo" khyoo: moo we' Aseing Yesu myeing ri lang: lho: dangain" ziri dakoid nyid wigi nya: khoug: khyo" phoo mangsoo ri jeju" daboin: so" nyid ge'.

KOLOSE 3:17 교차 참조

1 KHOKHAM 18:32

He: lug boem joem yo' nyang: gi Aseing ri noku wa shid re" phoin: doem koid bye:. Nyang: gi houg moo gyid myid: galain yo" teing too" sho' da" toeb khyoo" ri loem: lheing khab' du: bye:.

DANG: ZHOEM 3:6

Nang koid da" khyoo: khaid gu: khang" moo" moo hau: Aseing ri boin: so" nyid we' hougsu" nghoid lang" nyang: gi deingmain" da" khyoo: nang ri toin" shed byid: wa nghoid.

MIKHA 4:5

Byumyu" yi ja: khang" moo" gi nyang: nya: da" yu phara" joem ri coung" pid boem wigi tam" gyo: nyid ago". Nghoid loug we' ngoonu" koem' gi ngoonu" da" Aseing Mangsoo ri apyaid atoo: moo coung" pid lho: nya: ji dang: ri tam" gyo: nyid boem wa nghoid.

MATHE 28:19

Houg: su" nghoid yoomo Nanu" thu' lo" wigi khyi khang" moo" mo byumyu" bain sho' mo ri nga" cangzoo: bue" loo nhang: ge'. Nyangnu" ri nya: phoo nya: zoo: gyeungshang: Venyi: da" myeing khyang" mo baptisma ri kham: byid: lho:

ACTS 19:17

Ephesu voogung moo nyid da" Yuda byumyu" yi yo' Tungbau byumyu" yi dangain" bang: gi hau: ludang: ri zheung: shaug" gyoo: lang" gyoug lo lho: Aseing Yesu myeing ri je" wigi coung" nghei nyid boem.

ACTS 4:30

Noo gi byid: wa shid re re" da" lo, ri yhoin" kaid' byid: we'. Re" da" gyeungshang: dei zoo: Yesu da" myeing khyo"-mau" pho" alhoo: again bue" thu' loo nhang: we' ga: mho' nyid ago".

Roma 1:8

Yesu Khristu ri nanu" Loem jeung" da" khyoo: gi Moug myid gyab goin" fu" nheing loo" yoomo - ngoo gi nanu" dangain" shid' re" - Yesu Khristu khyoo: ngoo gi nga" Mangsoo: ri xang: shid" coung" nghei" nyid.

1Korinthians 10:31

Houg: yoomo nanu" zoo: nghoid loug we' shug nghoid loug we'- Mangso da" myonhoo: phung" yoeb, ri yo" thoin" pang byid: wa shid re" dangain" ziri: zei: so' nyid ge'.

Ephesu 1:17

Nanu" Mangsoo ri je" se' loo goo" baja"- nanu" ri phajhi" boo nhang: lho: Mangsoo khyo" yo" pang shug da" Venyi nanu" ri byid: wa shid re" phung" yoeb, bo da" phoo- nanu" da" Aseing Yesu Khristu da" Mangsoo moo ngoo mho' nyid.

Ephesu 5:20

Nanu" da" Aseing Yesu Khristu da" myeing ri lang: lho: khyoo: khaid gu: khang" moo" moo phoo Mangsoo gi khanham we' jeju" boin: coung" nghei nyid ge'.

PHILIPI 1:11

Nanu" da" kangso' dei khyoo: moo Yesu Khristu za: date: yo" byid: da" ge, da" aved asam" ein: da" ashi" yo' joeb byeung" lo wigi mangsoo da" myonhoo: phung" yoeb, ri coung" nghei tu: to' zi shau" wa nghoid.

PHILIPI 2:11

Phoo, Mangso da" myo, nhoo" phung" yoeb shid re" Khristu gi Aseing: nghoid nyid" ga: wigi yhoo: dab, moo dab, gi tid fu" yhen: yu nyid boem wa nghoid.

KOLOSE 1:12

Hau: tho' moo gootu- bidbang da" mungdain khoug: moo bo jo, da" nya: da" gyeungshang: bang: shid re" Mangsoo nyheung soin' to" da" agyid asoo: joem ri nanu" ri shau" kham: zhoung" yu moin: bang: bue" lho:

KOLOSE 2:7

Jhau" mho' ziri kham: yu bye: ziyo' dakhyoo" ti"- nyang: moo agyi: no" no, cen, lho: nyang: moo yha" da" kangso' dei khyoo: qei" to" wigi nanu" da" loem" jeung" khyoo: ri je" geung: teung jo, nhang: ge'. jeju" ri coung" nghei myid' nanu" moo byeung" jo, baja".

KOLOSE 3:15

Khristu byid: da" ngei pyo: khyoo: gi nanu' da" nheigloem: ung: khoug: moo davhoeb, khang" nyid wigi houg: gi nanu" myid phyed' pharan da" khyoo: moo khyoo: shed' vhu" she: nyid baja"- khasu" wim ga: ri hau: ngei pyo: da" khyoo: ri shau" kham: zoo wa shid re" Mangsoo gi nanu" ri gung du: daloem: za: khyo" khe: yu bye: yoomo jeju" ri boin: so" nyid ge'.

KOLOSE 3:23

Nanu" gi ce" ja: koid nghoid loug we' byu shid' re" koid ti" anghoid loo: za: Aseing: shid re" koid yahg: ti"- nanu" da" nheigloem: emyid dangain" yo' yoem: kaid' nyid ge'.

1THESALONI 1:1

Polu- Sila (Silas) Sivanu (Silvanus) he: da" myeing eig ja: gi Greek mying: mo nghoid wigi dakhyoo" ti" nghoid. Kha: ja: ci: nghoid loug we' ashoid da- Polu yo' Timothi mo wigi Phoo, Mangsoo yo' Aseing Yesu nghoid da" Thesaloni voogung mo phung: byu yi jhang khyoo: mougsoug" lhid" foin: kaid. Jeju" yo' ngeo pyo da" khyoo: gi nanu" moo dajo, jo, baja" o".

1THESALONI 5:18

Khyoo khaid gu khang" moo" moo jeju" boin: lho: coung" nghei nyid ge' hau: zigi Khristu moo nanu" da" kangso' dei da" khyoo: yo' sen: lho: Mangso d" myid vho: khyoo: nghoid nyid.

2 THESALONI 2:17

Nanu" ri we' ge, lho, da" khyoo:- khanham we' koid nyid wa ziyo' tid sang: wa shid re" yoem: teing byid: nyid boem.

HEBRE 1:5

Khasu" wim gari Mangsoo tid zigi nang gi nga" zoo: nghoid nyid da- akhid" nyid" ngoo gi re" phoo bue" loo bye- ga: Mangsoo gi kha: moug: lagyoo: ri we' khanham we' atid yu".

HEBRE 13:15

Houg: su" nghoid yoomo ngoonu" gi nyang: ri ngoonu" da" Aseing: nghoid ein: yhen: yu da' nhoid joem yo' jeju" ri coung" byid: da" ngoonu" xoin" joem ri Aseing Yesu khyo" wigi Mangso jhang khyoo: khanham we' dangei" byid: nyid boem shang.

1PETERU 2:5

Nanu" gi kangso' dei nyid da" lug moo" boem' khyoo" Mangso jang" moo re" lho: Venyi yhoem: moo" zhoug to" jang" moo akyu bo da" lug loem: bue" loo nhang: ge'. hau: da" venyi Noku yhoem: moo" moo nanu" gi Mangsoo vho: ngei da" venyi xoin" ri Yesu Khristu khyo" wigi-xoin" to' byid: da" gyeungshang: khainjung yi bue" loo wa nghoid.

1PETERU 2:9

Nghoid loug we' nyangnu" koem gi moug: coid' khoug: mo wigi nya: da" mau" pho" bidbang khyoo:- nanu' ri khe: yu su: Mangso da" mau" pho moozoo" ri tid fu" loo" wa shid re" khyen: yu to" da" byumyu"- Khokham" da" khain: jung yi gyeungshang: da" byumyu" yo'

1PETERU 4:11

Kho" kyo" nyid su: hang" we' Mangso da" mungdang: ri kho" kyo" nyid ca"- sube" dei zoo: koid nyid su: gi Mangsoo byid: to" da" yoem: so' yo' dakhyoo" ti"- deizoo: koid nyid ge'- houg: su" nghoid lang" she' zei: so' da" moo" zoo' dangain" jang" moo Aseing Yesu Khristu khyo" wigi phoo Mangsoo ge' wi coung" nghei tu: to' kaid' zi shau" wa nghoid. Yesu Khristu moo myonhoo: phung yoeb, bug thu' sheing" jhu" khyoo: gi pyaid didu moo dabo jo, baja" o" - Amen.

1YOHAN 2:23

Hau: nya: zoo: ri ngeug pya, su: hang" nghoid loug we' hau: nya: phoo ri we' bo ngeug pyam su: nghoid bye. Nya: zoo: ri lhoem: kham: yu su: gi nya: phoo ri we' lhoem: kham: yu zi nghoid bye.

1YOHAN 3:18

Nga" zoo: yi we"- ngoonu" jheddab da" khyoo gi nhoid' yhoo: khoin" thui: yo' za: anghoid- moozoo" yo' yo" toin" shid da" jheddab nheigloem: nghoid ca.