KOLOSE 3:15 - Lacid Common Language Bible

¹⁵ Khristu byid: da" ngei pyo: khyoo: gi nanu' da" nheigloem: ung: khoug: moo davhoeb, khang" nyid wigi houg: gi nanu" myid phyed' pharan da" khyoo: moo khyoo: shed' vhu" she: nyid baja"- khasu" wim ga: ri hau: ngei pyo: da" khyoo: ri shau" kham: zoo wa shid re" Mangsoo gi nanu" ri gung du: daloem: za: khyo" khe: yu bye: yoomo jeju" ri boin: so" nyid ge'.

KOLOSE 3:15 교차 참조

COUNG" NGHEI 100:4

Nya: Noku Yhoem: Moo" vang khyam: khyoo: jeju" boin: ziyo' vang yhi: we'. Nya: da" khoem" duang: khyoo: coung" nghei zoore vang yhi we'. Nyang: ri jeju" boin: ge'- nyang: ri coung" nghei byid: we'.

COUNG" NGHEI 107:22

Nyangnu" gi xoin" du: joem yo' nyang: ri jeju" boin: coung" nghei boem wa zi nghoid. Gau, yi da" jikhoin" dang: yo' nyang: koid shug bye: khyoo: dangain" ri tid kyo" boem wa nghoid.

COUNG" NGHEI 116:17

Jeju" boin: da" xoin" yo' ngoo nang ri shug byid: wa nghoid. Nga" akyu" mho' da" dang: thui: yo' nang byid: wa nghoid.

COUNG" NGHEI 29:11

Aseing gi nya: byuphung: yiri geung" teing nhang: to" lho: Nyangnu" ri myenjham" ngei pyo: ziyo' mainkaid byid: nyid.

ESAIA 26:3

Nang Aseing gi nyangnu" da" myid too" jang: ri teing teing koid wigi nang ri khau: nghi: bang: ri joeb byeung" da" ngei pyo: yug yo khyoo: byid: da:.

ESAIA 27:5

Nghoid loug we nga" byumyu" yi da" gyivoo yigi nga" goem loem khyoo: ri vho: nghoid rigi ngoo yo' meing: dam khyoo: ri nyangnu" koid nhang: wa. Nghoid bye:. Nyangnu" ri ngoo yo' meing: dam khyoo: ri koid nhang: ge'» ga: tid da:.

ESAIA 57:15

«Ngoo gi myhang: wigi apyaid atoo: moo dei nyid da" gyeung" shang: Mangsoo nghoid. Ngoo gi myhang: da" joyoo yo' gyeung" shang: da" joyoo moo nyid su: nghoid. Nghoid loug we nyangnu" myid loem ziyo' myid byu ziri ngoo yo" doem nyeing kaid byid: wa shid re" nheigloem: nyhoem: khyo' wigi myid thid da" byu yi yo' we' dage" nyid da:.

ESAIA 57:19

Ngoo gi jang" moo vi: moo nyid bang: dangain" ri ngei pyo: yug yoo: khyoo: byid:. Nga" byu yiri ngoo byang" gi byid: wa.

YONA 2:9

Nghoid loug we' ngoo gi nang ri coung" nghei lid jhoem" kaid wa. Ngoo nang ri xoin" too byid: wa. Ngoo tid to" da" dangsoo" ri ngoo zei: pyeing: byid: wa zi nghoid. Khyoid yu khyoo: gi Aseing jang" mo ju" re" da» ga: tid.

YOHAN 14:27

Ngoo gi myenjham" khyoo: nanu" ri byid: khoo bye:- hau: da" ngei pyo: myenjham" da" khyoo: gi nanu" ri moug myid byu yi byid: te" da" zi anghoid. Nanu" nheigloem: myid amyoo: goo. Nheugloem: athang goo"- gyoug we' agyug goo.

YOHAN 16:33

Nanu" gi ngoo yo" dadeing: daloem: za: khyo" myen, jham" khyoo: yo" yu wa da" shid' re" he: dang: ri ngoo tid bye. Nanu" gi mougmyid moo nyid shi" da" uri shojhen: kyi" khyeug zi shau" zoo: goo" wa. Nghoidloug we' geing: geing: teing teing shang" yab jo, ge' ngoo gi he: mougmyid ri oung: pyam bye:- ga: tid.

Roma 1:21

Nyanu" gi Mangsoo: ri se' boem nghoid loug we' - Mangsoo: da" phung" yoeb yo" jeju" coung" nghei moin: loug we' - acoung" anghei' byid: boem nghoid ago". Coung" nghei wa gung thid' - akyu" abo da" moo" ri za: myid soin: yu" nyid ago". Nyanu" da" asi ayeig da nheigloem: ung: khoug: moo- moug: coid' wigi nghoeb' to"

Roma 14:17

Ngoonu" ri Mangso: mungdain: ein: da" zi gi zoo: zoo: shug shug koid' khyoo: anghoid loo za: gyeungshang: Venyi: khyo" byid: da: deingbyeing" khyoo: - myenjham" yug yo khyoo: yo" gau yi ngei pyo: khyoo: nghoid nyid.

Roma 15:13

Gyeungshang: da" Venyi: phung" yoeb gi nanu" da" loem" jeung" nheig shid: nheig deig da" khyoo: ri geing: teing tho' moo geing: teing loo wa shid' re" loem" jeung" nheig shid: neig deig nhang: da" Mangsoo: gi nanu" da" loem" jeung" yoomo nanu" ri gau yi ngei pyo: joeb byeung" nhang: zi yo" myenjham" khyoo: ri byid: baja" o".

Roma 5:1

Ngoonu" gi loem" jeung" khyoo: khyo" wigi Mangsoo: da" shid' khoin" moo deingbyeing" mo yo" bue" loo bye: yoomo ngoonu" da" Aseing Yesu Khristu khyo" Mangso: da shid' khoin" moo ngei pyoo: myenjham" khyoo: ri ngoonu" yo" kham zo: boem bye.

1Korinthians 10:17

Khasu" wim gari- zooyho, dakhi, kyeing" za: dajo, ngoonu" myoo" sho' nghoid nyid boem loug we' gung doem: daloem: za: danghoid nyid boem.

1Korinthians 7:15

Nghoid loug we' hau: aloem" jeung" da"- yhoem: seing: myhi' hougsu" anghoid lang" yhoem: seing: phoo gi gang: go" loo" nau ri gang: go" loo" baja" Houg: yhang: te" da" moozoo" moo- Khristain nghoid da" yhoem: seing: myhi' anghoid lang" yhoem: seing: phoo, gi nanu" ri ngei pyoo: myenjham" tung" nyid wa shid re" khe: yu to" zi nghoid bye.

2~KORINTHU 4:15

He: da" khyoo" dangain" gi nanu" moo akyu" ara: bo loo wa shid mo nghoid bye. Mangso da" jeju" ri kham: yu da" byu yi we' je" je myo: lo ziyo' dakhyoo" ti"- Aseing: da" myonhoo: phung" yoeb ri jeju" boin: coung" nghei - akyu" mho' da" khyoo: joem moo we' je" wigi myo, tham: loo wa zi nghoid.

2~KORINTHU 9:11

Nanu" da" lo, mo nyangnu" shau: kham yu da- nanu" byid: kaid da" alu jhung: shug joem yoomo Byu myoo" sho' bang: gi Mangso da" jeju" ri coung" nghei byid: boem wa nghoid. Nanu" ayo, loem: khang" moo" - Alu jhung: shug agoin ayu: yo" byid: sho' Aseing: gi nanu' ri khanham we' yo" loo jo, loo nhang: wa zi nghoid.

Ephesu 4:16

Hau" vhuloem da" vhoeb, khang" lo" da" akhoug: moo nyang: cang" adu go" da" gung shoo" akung: ako'' joem gi daloem: yo' daloem: tei" xo' go" ziyo' gung du: goin" ziri youg: xeig youg: myo, mo wigi tei" xo' go" to"- hougsu" nghoid yoomo adu go" da" akung: ako'' gi nyang: tu: nya: da" moozoo" ri voin vu, nyid nghoid rigi jheddab da" nheigloem: yo' dagung goin" ziri zhoug to' gyi: sheung: loo" nhang: nyid.

Ephesu 4:4

Mangsoo nanu" ri khe: yu da" khyoo: gi nheig byu khyoo: dakhaid moo za: nghoid nyid ziyo' dakhyoo" ti"- gung du: daloem: za: yo' venyi we' daloem: za: nghoid nyid.

Ephesu 5:1

Nanu" gi Mangso da" jheddab nya: zooyi nghoid boem bye: yoomo nyang: yo' du goo" sho' yoem: kaid' loo" ca" nyid boem bye.

Ephesu 5:20

Nanu" da" Aseing Yesu Khristu da" myeing ri lang: lho: khyoo: khaid gu: khang" moo" moo phoo Mangsoo gi khanham we' jeju" boin: coung" nghei nyid ge'.

KOLOSE 1:12

Hau: tho' moo gootu- bidbang da" mungdain khoug: moo bo jo, da" nya: da" gyeungshang: bang: shid re" Mangsoo nyheung soin' to" da" agyid asoo: joem ri nanu" ri shau" kham: zhoung" yu moin: bang: bue" lho:

KOLOSE 2:7

Jhau" mho' ziri kham: yu bye: ziyo' dakhyoo" ti"- nyang: moo agyi: no" no, cen, lho: nyang: moo yha" da" kangso' dei khyoo: qei" to" wigi nanu" da" loem" jeung" khyoo: ri je" geung: teung jo, nhang: ge'. jeju" ri coung" nghei myid' nanu" moo byeung" jo, baja".

KOLOSE 3:17

Houg: yoomo nanu" ce" moo" thu' nghoid loug we' mung main: khyoo: moo we' moozoo" jid: zo" khyoo: moo we' Aseing Yesu myeing ri lang: lho: dangain" ziri dakoid nyid wigi nya: khoug: khyo" phoo mangsoo ri jeju" daboin: so" nyid ge'.

1THESALONI 5:18

Khyoo khaid gu khang" moo" moo jeju" boin: lho: coung" nghei nyid ge' hau: zigi Khristu moo nanu" da" kangso' dei da" khyoo: yo' sen: lho: Mangso d" myid vho: khyoo: nghoid nyid.

1 TIMOTHI 2:1

Hougsu" nghoid yoomo dangain" mo, da" shid' moo-byu bain' sho' bang: da" shid' re" Mangso jang" moo akyu" mho' xo' byid: da" khyoo:- mho' tung" bain: byid: da" khyoo: joem yo' jeju" ri coung" byid: da" khyoo: dakoid nyid boem wa shid re" doin: nyheun" yoem: byid: kaid.

1 TIMOTHI 6:12

Loem" jeung khyoo: yo" sen: da" tang" shi, go" pui" moo yoem: bain' sho' kaid' lho: gei lo" wigi apyaid' ato: da" kangso' ein: da" jhung: shug yo" yu sho' tang" we'. Khasu" wim ga: ri hau: kangso' dei nyid da" khyoo: moo nang ri mangsoo khe: yu da" uri nang gi sagsi: myo" sho' bang: da" shid' moo yhen: yu abye:.

HEBRE 13:15

Houg: su" nghoid yoomo ngoonu" gi nyang: ri ngoonu" da" Aseing: nghoid ein: yhen: yu da' nhoid joem yo' jeju" ri coung" byid: da" ngoonu" xoin" joem ri Aseing Yesu khyo" wigi Mangso jhang khyoo: khanham we' dangei" byid: nyid boem shang.

Pang Shug 7:12

Amen Ngoonu' da" Mangsoo ri apyaid atoo: moo coung" nghei tu: to' nyid boem wa"- Mangsoo gi myonhoo: phung" yoeb, phajhi" juyhi: bug thu sheing" jhu"- myonhoo: ngeilang: phoug" tab ngi shab, byid: zi nya: da" jeju" ricoung" nghei nyid boem baja"- Amen, ga: nyho: coung" nyid boem.