KOLOSE 3:14 - Lacid Common Language Bible

¹⁴ Hau" yoem: so' dangain" da" atho' moo joeb, byeung" da" nheigloem: shikain" shoin" khyoo: bue" loo sho'-houg: dangain" tho' moo ziyoo jo, moo jo, ri yo" myeug deung: da" jhed' khyeing: kang: khyeing: ri pug void ci: ge'.

KOLOSE 3:14 교차 참조

YOHAN 13:34

Nanu" nyang: cang" nyang: jheddab goo" ge" ein: da" tarha" aseig ri nanu" ri ngoo byid: bye. Ngoo nanu" ri jheddab yhangti"- nanu" we' nyang: cang" nyang: jhed' dab, go" nyid ge'.

YOHAN 15:12

Nga" da" amyeing" gi hid: nghoid ngoo gi nanu" ri jheddab yhangti"- nanu" nyang: cang" nyang: jheddab goo" ge,.

YOHAN 17:23

Nyangnu" gi joeb byeung" khyo" daloem: za: bui" baja"- ngoo gi nyangnu" moo nyid nyid wigi nang gi ngoo moo nyid nyid. Houg: yoo mo nang ngoori nhang: kaid ziyo' - ngoori jheddab ziyo' dakhyoo" ti" nyangnu" ri jheddab khyoo: mougmyid byu yi se lo boem wa zi nghoid.

Roma 13:8

Nanu" nyang: cang" jheddab go" da" jhen: mo lid lho: ce: jhen: we' adab goo" goo. Subi" ri se jheddab su: gi tarha" ri bain cang pyeing bye su: nghoid.

Ephesu 1:4

Nyhang" nu" gi nya: da" shid khoin" moo gyeungshang: lho: yooboo adab loo: baja" ga: ngoonu" gi Khristu yo' dadeing: daloem: za: bue" lo khyo" wigi moug: phain" myid aphain" shi" mo lang" Mangsoo gi ngoonu" ri khyen: yu too" bye- nyang: gi nya: da" jheddab nheigloem: khyo" wigi Mangsoo gi Yesu Khristu khyo" wigi ngoonu" ri nya: zooyi ga: yhen: yu wa shid mo myid phyed too" bye.

Ephesu 4:3

Nanu" ri myeug deung: to" ngei pyo: myenjham" khyoo: yo' hau: Venyi: wigi byid: lo da" nheigloem: shikain" shoin" zheung" shoin" deung: foem: khyoo: ri zoem: too" wa shid re" yoem: so' thang sho' kaid' nyid ge'.

Ephesu 5:2

Khritstu gi nanu" ri jheddab ziyo' nanu" da" shid re" nya: da" gung ri Mangsoo vho: ngei da" nam, pyo: xoin" to' pyam wigi ab, nung" byid: pyam yhang: ti"- nanu" da kangso' khyoo: ri jheddab da" nheigloem: yo' vhoeb khang" nyid ge'.

KOLOSE 2:2

Hougsu" ngoo yoem: kaid' voin yu, da" khyoo: gi nyangnu" dangain" tho' moo myo, yang" da" nheigloem: yo' joeb, byeung" wigi dayug yo' dayoung da" jheddab da" emyid moo-tei" xo' go" lo" ziyo' nyangnu" gi deingmain" da" lasi, phajhi" mo myo: tham: da" nheig shid: nheig deig khyoo: ri nyangnu" yo" yu wa shid re" nghoid- hougsu" wi nyangnu" gi-he: khyo" wigi Mangso zau" yheom" to" da" no, thang phajhi" ri se' gyo: lo boem wa nghoid hau: phajhi" gi Khritstu nyang: nghoid bye.

1THESALONI 4:9

Nanu" da" loem" jeung" mang nhung" phoo ri jheddab wa da" khyoo: yo' sen: lho: wigi ngoo nanu" jhang khyoo: lhid" kaid' anoo" loo- nyang: cang" nyang: jheddab go" nyid wa shid re" Mangso wigi jhau" mhoo, byid: nyid ziri nanu' shau" kham: yu boem bye.

1 TIMOTHI 1:5

Hidsu" pyeung: to" da" myid soin', khyoo: gi gyeungshang: nheigloem: khoug: mo thu' lo da" phug soo" lheig se' myid yu" da" e" myed, yo' akug ase' void loem" jeung" khyoo: mo thu' lo da" jheddab da" nheigloem: ri nhau" to' kaid' wa shid re" nghoid nyid.

HEBRE 6:1

Houg: su" nghoid nyid yoomo nanu" gi Khristain yi da" loem" jeung" khyoo: apoem: ayang: lhid" cab, myhi, yi ri to" pyam' kho boem lho: loem, khau: khyoo: moo nheig bo- gyi: deung loo bye: mo, yo' young" du, joeb byeung" gyi: sheung: da" jhau" mho' khyoo: khyoo:- byi, ce" yhe: lo" boem loo: shang.

1PETERU 4:8

Je" wigi nyang: cang" nyang:- gyeung" da" jheddab myid' yo' jheddab go" nyid ge, khasu" wim ga: ri jheddab da" nheigloem: gi yooboo myoo" sho' ri yo" nghoeb, pyam byid.

2PETRU 1:7

Tarha" phau" cang jang" moo mang: nhung" ri jheddab zi mang: nhung" ri jheddab tho' moo" - athang agoin zi dakaid loung: nyid ge'.

1YOHAN 3:10

Hau: khyoo: gi Mangso da" nya: myid: nya: zoo: yi yo' yu satan da" nya: myid: nya: zoo: yi gi gyi" sho' shai" go" da" khyoo: ri bang bang nyang: myang se' da" khyoo: nghoid. Hang" nghoid loug we' deing byeung" da" moo" ri azei: ziyo' houg: su" anghoid lang" gi - nya: mang: nya: nhung" yi ri ajheddab bang: gi Mangsoo da" nya: zoo: yi anghoid.

1YOHAN 3:23

Nyang: ngoonu" ri byid: to" da" amyeing" tarha" khyoo: gi ngoonu" gi nya: zoo: Yesu Khristu ri loem" jeung" wigi Khristu gi ngoonu" ri byid: to" da" amyeing" tarha" yo' dakhyoo" ti"- nyang: cang" nyang: jheddab goo" ca" khyoo: nghoid.