KOLOSE 2:13 - Lacid Common Language Bible

¹³ Nanu" gi shid' phyang" venyi moo shid: mang nghoid nyid ago- khasu" wim gari nanu" gi yooboo koid da" tung: to" tarha" ayo" da" tung: bau byumyu" yi nghoid ago- nghoid loug we' akhid" Mangsoo gi Khristu yo, dage" dei da" khyoo: khyoo: shu" loo" bye-

KOLOSE 2:13 교차 참조

COUNG" NGHEI 119:50

Re" da" dangsoo" khoin" gi ngoo ri: kang so, dei nyid nhang: yoomo kyi" khyeug yau: khi" uri lang"- nheig teing ung: teung ziri: ngoo shoug bye:.

COUNG" NGHEI 32:1

Nyang: nya: da" yooboo mo lhoid pyoin kaid zi shoug" lho: shoid vhang: jang" mo loid byoin zi shoug mo, gi ngilho' nyid.

COUNG" NGHEI 71:20

Nang gi yau: khi" phu" zo: khyoo: yo' gyoug nain" khyoo: ri nga" tho' moo: thoung" shoug" nhang: nghoid loug we' Loeb duang: khoug: mo we' nang ngoo ri khyoid yu wa zi nghoid.

ESAIA 1:18

Aseing gi «Akhid" hau: moo" ri sho' pyam boem ge'. Nanu" yooboo gi suid" su" ne dab jo, nghoid loug we' ngoo gi nanu" ri gyu: yhang: ti" phyu: sho' cid" pyam byid: wa. Nanu" byang: byang: ni sho' dab nghoid loug we' yang moug" yhang: ti" phyu: loo goo" wa.

ESAIA 55:7

Akhyeing" da" byu yigi nyangnu" akhyeing" da" kangso' dei khyoo: ri to" pyam wigi Nyangnu" myid da" khyoo: ri thid pyam boem goo" baja". Ngoonu" Aseing Mangso jhang khyoo: nyangnu" ri lheing: loo nhang: ge'. Nyang: gi nheig khyeug ziyo' yooboo khyoid byid: wa myab nyid su: nghoid.

YEREMIA 31:34

Nyangnu" mo hang" dayug we' nyangnu" da" yhoem: kyoo" cang" yiri Aseing ri si' wa shid re" jhau" shid byid: aca" loo wa. Ciwim gari: nge thang yug mo gyi: thang yug ju" sho' dangain" bang: ngoo ri se' loo goo" wa. Nyangnu" yooboo joem ri ngoo khyoid pyam byid: wigi nyangnu" shoid da" lo, moo" joem ri khanham ngoo amyid boin: loo wa. Ngoo Aseing tid too" bye:.

LUKA 15:24

Nga" zoo: gi shid: byug bye:- nghoid loug we' akhid" doem dei bye. Nyang: gi byug byug bye:- nghoid loug we akhid" doem shau" myang" bye ga: wigi zo: shug pui" koid: nyid ago".

LUKA 15:32

Re" no, koem gi shid: byug bye- nghoid loug we' akhid" doem dei loo bye. Nyang: byug byug bye: nghoid loug- akhuid' doem shau" nyang bye: yoomo nyhang" phi" yi zo: shug pui" koid: shang- ngei pyo: nyid shang.

LUKA 9:60

Yesu gi «byushid: yi gi nyangnu" da" byushid: nyang: cang" myhoeb, shung: goo" baja"- nang gi MangSo mungdain khyoo: riyhe: kho" kyoo" byid: we'» ga: tid.

YOHAN 5:21

Nya: phoo gi byu shid: ri doem dei loo nhang: lho: kangso' byid: yhangti"- Nya: zoo: we' nyang: vho: ngei bang: ri kangso' byid: wa zi nghoid.

YOHAN 6:63

Mangso da" Venyi: wi za: Kangso' ri dayo" dei nyid nhang. Byu yi da" yoem: so' gi ci: we' ayo" bui. Nanu" ri ngoo tid da" dang: gi kangso' yo" dei loo nhang: da" Venyi: yo" sen: da" dang: nghoid nyid.

Roma 4:17

Ngoo gi nang ri byumyu" myoo" sho' mo da" nya: phoo bui" nhang: bye: ga: jhoem: mungdang: moo tid to" ziyo' dakhyoo" ti" nghoid.Hougsu" Mangsoo: dang: soo" khoin" too" yoomo - Hauda dang: soo" khoin" gi deing nyid. Mangsoo: gi Abraham loem" jeung" da" Mangsoo: shid' mo doem dei loo nhang: da" Mangsoo yo' xang: shid" ri ci: ajo, jang" moo jo, loo nhang: wa shid' re" amyeing" byid da" Mangsoo: nghoid.

Roma 6:13

Nanu" da gungdu akung: ako'' joem ri we' Khanham we' yooboo akoid' nhang: loogoo. Houg: yooboo koid wa tho' rigi nanu" gi shid: jang" mo doem dei loo mo agyeing" khyo" we' deingbyeing" moozoo" dagung goin" ci: yhung: nyid khyo" we' nyang: tu: nyang: gung ri Mangso: jang" moo xoin" to' pyam' ge'.

Roma 8:11

Aseing Yesu shid: jang" mo doem dei to'' loo nhang: da Mangso: venyi gi nanu" da akhoug: moo bo nyid rigi Yesu Khristu ri shid: jang" mo doem dei to'' loo nhang: da" Aseing gi nya: da" venyi khyo" wigi nanu" da" xangshid" gungdoem: joem ri we' doem dei to'' loo nhang: wa zi nghoid.

1Korinthians 15:36

Koo" pyoid' we" nang gi myid jang: moo: gug myoug: cab, ri sho" kaid ri- hau: myoug: shi" cab, gi ayoin" lo" rigi: yug thu' loo wa zi nghoid.

1Korinthians 15:45

Jhoem: mungdang: moo: tid to" ziyo' dakhyoo" ti" xang: shid" mo Adam: gi kangso dei da" xangsu: byu khyo" phain" so: too" bye- nghoid loug we' thang: mo da" Adam gi khang: so' dei loo: nhang: da Venyi: nghoid nyid.

2~KORINTHU 3:6

Ngoonu" gi dang: theung thang" cab, da" shid re" moozoo" yo" voin vu, boem baja"- ngoonu" ri yoem: vhoo" byid: su: gi hau: aseig: nyang: nghoid nyid hau: dang: theung da" thang" cab aseig gi lhid" to" da" mougsoug" moo bo zi anghoid loo za: Venyi jang" mo nghoid nyid. Khasumvimgari lhid" cab, yo' lhid" to" da" tarha" gi kangso ri said pyam nyid lho: Hau: Venyi koem gi kangso' ri dei loo nhang: nyid.

2~KORINTHU 5:19

Ngoonu" kho" kyo" da" mungdang: gi Mangsoo gi Khristu mo byu nyid moo nyid bang: ri nya: bidnoem bue" loo nhang: da" mungdang:" nghoid nyid. Mangso da" byu yi yooboo joem ri axoem" too" byid: tho' moo agoo"- nyangnu" ri nya: bidnoem yi bue" loo sho' kha" yhi' koid bye: khyoo: ri tid sho kyo" da" mungdang: ngoonu" ri byid: too" bye.

Ephesu 2:1

Lai loo" bye: da" ayo, moo nanu" gi nanu" nyang: atam" gyoo: wigi shoid vhang: lo" da" moozoo" yo' youg: noo yooboo yoomo venyi: khyoo: moo shid: mang danghoid loo: ago".

Ephesu 2:11

Nyang: nya: da" gung ri athang: yham" mo, ga: tid nyid da-Yuda byu yi wigi Athang: ayham" mo, ga: wigi myheung too" shau" mo, gung sho" shoid khyo" tungbau byumyu" bue" nyid mo, nanu" we' nanu" nya: da" lid loo bye: ayo, mo, bue" loo bye: da" khyoo: joem ri boin: so" nyid ge'.

Ephesu 5:14

Khasu" wimg gari bidbang gi dangain" ziri pang shug byid: nyid houg: yoomo jhoeom: mungdang: moo tid to" ziri Yhoeb, jo, su: we" too, re'- shid: jo, jang" mo too, re'- houg: lang" Khirstu gi re" tho' moo thoin" pang byid: wa nghoid. ga: wigi tid to.

KOLOSE 2:12

Nanu" gi Babtisma kham: yu da" bidnyid ri nyang: yo' dage" myhoeb, pyam' zi shau" wigi Khristu ri shid: jang" mo doem dei to' loo nhang: Mangso da"-yoem: moo" ri loem" jeung da" laloem, lakhoug: yoomo Khristu yo' dage" dei to'' loo nhang: zi shau" boem bye.

1 TIMOTHI 5:6

Nghoid loug we' akyang" byo, yoin" lho: mougmyid' mo pyo: khyoo: riza: sho: nyid da" cougmoo" myhi, gi nyang: dei nyid shi" re lang" shid: mang danghoid nyid.

1 TIMOTHI 6:13

Jo, moo jo, ri kangso' yo" kaid' byid: da" phoo Mangso shid' khoin" moo we' Pilaid' da" shid' khoin" moo we' nyang: loem" jeung da" khyoo: ri geing: geing: teing teing yhen: yu bye: da"Khristu da" shid' khoin" moo we' He: da" moozoo" yoovoin, ri voin, vu, wa shid mo ngoo nang ri amyeing" byid: kaid.

HEBRE 6:1

Houg: su" nghoid nyid yoomo nanu" gi Khristain yi da" loem" jeung" khyoo: apoem: ayang: lhid" cab, myhi, yi ri to" pyam' kho boem lho: loem, khau: khyoo: moo nheig bo- gyi: deung loo bye: mo, yo' young" du, joeb byeung" gyi: sheung: da" jhau" mho' khyoo: khyoo:- byi, ce" yhe: lo" boem loo: shang.

HEBRE 9:14

Khristu da" suid" gi hau: tho' mo je" wigi yo" ced" yung" ced" lho, byid: zi anghoid goo" la". Khristu gi hau: apyaid' atoo: mo venyi yo' nya: da" gung du: ri ce" noo abo da" xoin" khyo" wigi Mangsoo ri ngei" byid: pyam bye. Dadei nyid da" Mangsoo ri ngoonu" yo" noku coung" nghei sho' Khristu da" suid" gi ngoonu" da" nheigloem: e" myed ri akyu" abo da" noku loem, khau: khyoo: moo cang lo" jang" mo yo" ced" yung" ced" shang: yu byid: bye.

YAKU 2:17

Loem jeing" khyoo: we' houg: yo' dakhyoo" ti" nghoid. Moozoo" abo da" loem" jeung" khyoo" gi shid: mang nghoid nyid.

YAKU 2:20

Hau: tho' moo gootu: hang: su: we"- moozoo" abo da" loem" jeung" khyoo: gi akoem: za: danghoid ziri si' nau la".

YAKU 2:26

Houg: yo' dakhyoo" ti"- gungdu: mookang: so' aboo lang" gi shid: mang nghoid nyid yhang: ti"- moozoo" abo da" loem" jeung" khyoo: we' shid: mang nghoid nyid.

1YOHAN 2:12

Nga" zoo: yi we"- Khristu yoomo nanu" da" youg: noo: yooboo ri khyoid khyu: pyam' byid: bye: zi shau" boem bye: yoomo ngoo nanu" jhang lhid" foin: kaid zi nghoid.