KOLOSE 1:3 - Lacid Common Language Bible

³ Ngoonu" gi nanu" da" shid re" akyu" mho' da" ayo, khang" moo"- ngoonu" da" Aseing Yesu Khristu da" nya: phoo - Mangsoo ri jeju" boin: coung" nghei nyid boem.

KOLOSE 1:3 교차 참조

Roma 15:6

Houg: lang" she' nanu" gi dadeing: daveing" za zi yo" ngoonu" da" Aseing Yesu Khristu da" nya: phoo Mangsoo: ri damyeing" dathui: yo' za: yo" coung" nghei" nyid boem wa.

1Korinthians 1:4

Ngoo gi nanu" ri Khristu khoug: khyo" Mangsoo nanu" ri byid: da- main, kaid jeju" shid re" nga" Mangsoo ri: khanham we' jeju" boin: coung" ngei nyid.

2~KORINTHU 1:3

Nheig khyeug nheigloem: yo' byeung" wigi pang" thoug khyoo: aja: ja: byid: nyid da" Aseing: Yesu Khristu da" nya: phoo mangsoo ri nyhang: nu" jeju" boin: coung" nghei nyid boem shang.

Ephesu 1:15

Hougsu" nghoid yoomo nanu" gi Aseing Yesu ri loem" jeung nyid bye: ziri we' Mangso da" byu yi ri jheddab nyid bye: da" khyoo: ri we' ngoonu" shau" gyo: jang" mo wigi

Ephesu 6:18

Mangso jang" mo pang" thoug khyoo: yo" yu baja"- goeb khyo' akyu" mho' ziyo' he: khyoo: dangain" gu: ri zei: so' nyid ge'- gyeungshang: da" venyi vhu" she: ziyo' dakhyoo" ti"- ayo, khang" moo" moo akyu" mho' nyid ge'- he: gang mo nheigloem: soozoo: lheung: nyid ziyo' khanham we' asoem" akham' goo" Mangso byu yi shid re" khanham we' akyu" mho' nyid ge'.

PHILIPI 4:6

Ce" khyoo: moo we' myid' amyo: nyid goo" nanu" da" akyu" mho' dang: khoin" khang" moo" moo-khanham we' jeju" boin: so" nheigloem: yo' nanu" ca" vho: khyoo: dangain" Mangso jhang mho' nyid ge'.

KOLOSE 1:13

Mangsoo jeju" ri gau, yi ngei bu: coung" nghei nyid baja" o". Nyang: gi nyhang" ri akhyeing" ashoeb da" moug: coid' yoem: so' khoug: mo khyoid khyi: yu lho: nya: da" jheddab nya: zo: da" mungdain khyoo: fang kaid' bye.

KOLOSE 1:9

Houg: yoomo nanu" da" khyoo: ri shau" gyo: yu da" bidnyid mo wigi ngoonu" gi nanu" shid re" anoo: ayab, loo: za: akyu" mho' nyid boem bye- nanu" gi hau: gyeungshang: Venyi wigi byid: da" phajhi" byen- ya dangain" yo' Mangsoo myid vho: khyoo: ri yo" se' loo wa lasi, nanu" moo joeb, byeung" loo wa shid re" Mangso jang" moo ngoonu" akyu" mho' nyid boem.

1THESALONI 1:2

Ngoonu" gi nanu" dangain" bang: shid mo khanham we' jeju" ri dacoung" nghei nyid boem ziyo' ngoonu" da" akyu" mho' dang: moo nanu" da" myeing ri dabo kaid' mho' nyid boem.

2 TIMOTHI 1:3

Nga" phoug" phyid" yi koid yhang: ti" gyeungshang: da" e" myed yo' ngoo loemkhau: nyid da" Mangsoo ri ngoo coung" byid: nyid ngoo gi nyid" ri myen" ri akyu' mho' da" jang" moo nang ri ajang" daboin: so" nyid ziyo' Mangso jeju" ri boin: coung" nyid.