KOLOSE 1:23 - Lacid Common Language Bible

²³ Nanu" gi geung: teung da" ayang: moo nheigloem: zung" ziyo' agyi: zug wigi geung: teung jo, ge'. hau: lho: nanu" gi hau" ngei bu: lu dang: shau" gyo: da" uri nanu" yo" yu ci: da" nheig byu khyoo: ri moo" yoin da" dei zoo: dayug bue" loo bye- hau: ngei bu: lu dang: koem gi moug: gyab, goin" jang" mo byu yug khang" moo" ri kho" kyoo" bye: da" mungdang: nghoid nyid.

KOLOSE 1:23 교차 참조

COUNG" NGHEI 125:5

Nghoid loug we' akhyeing" ashoeb bang: ri nang dam kaid byid: nyid da" uri re" khyoo: mo vhang: loo" mo, ri we' dam bo kaid we'. Ngei pyo: myenjham" khyoo: gi Israela yo' dage" dajo, jo, baja" o".

NGOUG JI: 3:66

Nyangnu" ri shoo" su" kuang pyam wigi mougmyid tho' mo jhoid said toem" pyam byid: we».

EZEKIEL 18:26

Tarha" deingmain" su: dayug ge zi akoid loo: theing: pyam wigi akhyeing" moo" koid wigi shid: lo" uri nyang: gi nyang: koid lid: loo bye: da" akhyeing" moo" gang mo shid: lo" zi nghoid.

ZEPHANI 1:6

Ngoo gi nga" jang" moo acang loo: doem tau" loo" bang: ngoo ri acang shoo: bang: anghoid lang" nyangnu" ri khyoo: shid wa shid re" akyu" amho' bang: dangain" ri phyo' shoin' pyam wa nghoid.

MARKU 16:15

Houg: lang" Yesu gi nyangnu" ri- nanu" moug: myid goin" goem: sho' yhe: lo" wigi myu" cang: joeb sho' mo, ri hau: ngei bu: lu dang: kho" khyoo" ge'.

LUKA 22:32

Houg: yoomo Simun e" re" da" loem" jeing" nheigloem: emyid geing: teing wa shid' re" ngoo akyu" mho' byid: bye. Nang doem boin: gyeing: lo da" uri re" mang: nhung" yi ri yoem: doem lung: byid: ca" wa"- ga: tid kyo.

LUKA 6:48

Hau: yug gi myidjang: ri no" no, du: lho: Lug boem tho' moo ayang: qei" wigi yhoem: ri zhug too" su: yo" du nyid. Gyid je: lo uri gyid gi hau: yhoem: ri lo thoung"- nghoid loug we' gyid gi hau: yhoem: ri ayo" doin: lheing. Khasu" wim gari hau: yhoem: gi Lung: moo" boem tho' moo geing" geing: zhoug too" yoomo nghoid.

YOHAN 15:6

Ngoo yo" axo' to" su: gi nghi: zain khyoo: cu: khyo, pyam wigi kyoug main lo" da" seig kung: yo" du wa. Byu yi gi hau akung ako joem ri cang sho: zheing" yu lho: myi: moo du kaid wigi nyang: gi nghe" joem: pyam wa..

ACTS 1:17

Khasu" wimgari- Yuda gi ngoonu" yo' dage" moo" zei: wa shid re" khyen: too" su: nghoid yoomo nyang: gi ngoonu" phung moo boo su: nghoid nyid. (

ACTS 1:25

Too" kho' da" nya: jo yoo moo lagyoo: dayug khyo" moo" voin vu, wa shid mo-he: eig yug mo kha: yug ri nang khyen: yu bye: khyoo: ri ngoonu" ri toin" shid' byid: we-ga: mho' nyid ago".

ACTS 1:8

Nghoid loug we' nanu" da" a tho' moo gyeungshang: Venyi ju" gyoo" loo lang" gi-nanu" gi yoem vhoo" pyeung byid: zi shau" wigi Yerusalem voomoo" mo zi Yuda meing: goin- Samari meing: yo' moug: myed thang sho' moo nga" sagsi: yi bue" loo" goo" wa-ga: tid.

ACTS 11:23

Barnaba gi Antioki voogung khyoo: ju" yhe: lho: mung" byu yi ri Mangsoo gi khasu" ga: mainkaid byid: to" da" khyoo: ri yhe: myang lang" yu" gau, lho: wigi Aseing: ri nyangnu" da" nheigloem: khoug: moo teing" teing zei: ci: lho: wigi voin: tang: za: phau" cang nyid boem wa shid mo nyangnu" dangain" mo, ri yoem: byid: joug jhoin"

ACTS 14:22

Nya: eig yug gi loem" jeung" loo bang: ri yoem: byid: lho: loem" jeung" da" khyoo: moo- dain: dain: dayab, jo, boem wa shid re we' - nyangnu" ri tid poin" tid kyeing" byid: wigi Ngoonu" gi Mangso mungdain khyoo: vang loo" wa shid re" yau: khe" da" khyoo: myoo" sho' ri yo" lid phyed' loo" ca" - ga: kho" kyo" ago".

ACTS 2:5

Moug: myed tho' moo dajo, da" mungdain loem khang" moo" mo ju" re" boem da- Mangsoo ri gyoug phau" da" Yuda byu yi gi Yerusalem voomoo" moo nyid nyid ago".

ACTS 20:24

Nghoid loug we' nga" kang: so' ri ngoo ce: vhoo" abyid- ngoo gi deung jo" da" moo" ri zei: pain wa ziyo' - Aseing Yesu wigi ngoori byid: to" da" moozoo" nghoid da- Mangso nheing khyeug khyoo: ludang: gi ri tid fu" kyo" da" moozoo" ri kyoeb, sho' zei: wa da" khyoo: riza: kang: lung bu nyid.

ACTS 26:16

Nghoid loug we' to' lho: so" yhe: loo" we' nang ri nga" dei, zoo: khyo" nyheung too" wa shid re" nga" gung nang ri toin" shid' bye. Akhid" nyid" ngoo nang ri ce: noem toin" shid' bye: da" khyoo: yo' Thang: phyang" ngoo nang ri toin" shid' shi" wa khyoo: ri Nang gi subi" gooji yi ri sagsi: kham, byid: ca" wa zi nghoid da.

ACTS 4:12

Khyoid yu khyoo: gi nyang: mo za: yo" kham: yu nyid ngoonu" ri yo" khyoid yu da" Mangsoo byid: khyoid khyi: yu su: gi moug: myed gyab, goin" jang" moo gootu: dayug we' aboo loo.

Roma 10:18

Hougsu" nghoid loug byu yi gi - hau da" mungdang: shaug" gyoo: wa akhang" ajo la" ein: ngoo myid nau. Byu yi gi shaug" gyoo: wa da" akhang" gyeing" gyeing" yo" boem. Jhoem: mungdang: moo Mungdang: tarha" ri kho" khyoo" su: da" thui: gi - mougmyid, dagyab goin" moo fu" nheing" loo" bye. Nyanu" da" tarha" dang: yi gi moug myid ayam loem: kheing goem: sho' ngam' loo" bye.- ga: tid zi yo" dakhyoo" nyang: nghoid bye.

Roma 15:16

Hau: da" amyeing" zeing gi nghizain byumyu" yi jang" moo moo" voin wa shid' re" Khristu Yesu da" dei zoo: yo" bue" da" khyoo: nyang: nghoid bye. Gyeungshang: Venyi: khyo" tungbau byumyu" yi Mangsoo: vhoo: ngei da" xoin" du: bue" loo wa shid' re" ngoo gi khainjung dayug yhang: ti" - Mangso: ngei bu: lu dang: ri kho" kyo" moo" voin vu nyid.

Roma 2:7

Ge da" moozoo" ri xo' zei lho: myonho: phung" yoeb ri we' ayo" shid: lo" da" pyaid ri we' -sho: nyid da" byu yi rigi - Mangsoo: gi - aphaid' ato: kangso' ri byid wa nghoid.

Roma 5:5

Hidsu" nheig deig nheig byu khyoo: gi - ngoonu" ri neig loem: byo yoin" nhang: wa zi anghoid - Khasu" wim ga ri Mangsoo: gi ngoonu" ri nyang: byid: da jeju" gyeungshang: venyi: dang khyo" nyang khayhi' jheddab khyoo: ri toin" shid' too" yoomo nghoid.

1Korinthians 15:58

Hougsu" nghoid yoomo- ngoo jheddab da" mang: nhung" yi we"- geing: geing: teing teing theung shang" yab, jo, ge'- hau: Aseing da" moozoo" moo- nanu" zei: lo" khyoo: gi amyid' aji anghoid ziri se' nyid boem yoomo- hau: Aseing shid re" zei: so' da" moozoo" moo- nanu" khanham we' yoem: phain" thoug shang" voin, vu, nyid ge' o".

1Korinthians 3:5

Tid shang ein: rigi- Apolo gi hang" nghoid la" Polu gi hang" nghoid la" Ngoonu" gi Mangso dei zoo: yi za: danghoid nyid boem ziyo' nyang: tu: nyang: ri byid: to" da" moo" ri zei: nyid mo, za: nghoid. ngoonu" khyo" wigi- nanu" Mangsoo ri shau" loem" jeung" loo goo" baja"- khyoo: shid' shu" vhu" shi: bang: za: da nghoid. Hougsu" nghoid yoomo ngoonu" dayug yo' dayug gi Aseing wigi: nyang: tu: nyang: ri byid: to" da" moo" voin mo, nghoid.

2~KORINTHU 10:1

Nanu" da" shid khoin" moo sam" dab nu: nham wigi nheigloem: khyo' nyhoem: khyoo: toin" shid' wigi nanu" yo' we: gang: loo" lang" asho, agyug nheigloem: toin" shid" su: nghoid ga: juang" yi shau" su: ngoo Polu nyang:- nanu" ri mho' tid kaid.

2~KORINTHU 11:23

Nyangnu" gi Khristu da" deizoo: yi nghoid go" la". koo" su: da" dang: yhang: te" zi gi nghoid. Nghoid loug we' ngoo gi-nyangnu" tho' moo je ge da: deizoo nghoid. Ngoo gi nyangnu" tho' moo moozoo" ri je" zei: su nghoid. Nyangnu" tho' moo je"`wigi myoo" sho' lheung: thung: loung" yu bye. nyangnu" tho' moo voosi" je" shau" kham, zoo: bye: shid: gyoin' noogyoin, myoo" sho' lheung: ngoo shau" yu" bye.

2~KORINTHU 3:6

Ngoonu" gi dang: theung thang" cab, da" shid re" moozoo" yo" voin vu, boem baja"- ngoonu" ri yoem: vhoo" byid: su: gi hau: aseig: nyang: nghoid nyid hau: dang: theung da" thang" cab aseig gi lhid" to" da" mougsoug" moo bo zi anghoid loo za: Venyi jang" mo nghoid nyid. Khasumvimgari lhid" cab, yo' lhid" to" da" tarha" gi kangso ri said pyam nyid lho: Hau: Venyi koem gi kangso' ri dei loo nhang: nyid.

2~KORINTHU 4:1

Mangsoo gi nya: nyeig khyeig shoo" go: da" nheigloem: yoomo ngoonu ri he: da: moozoo" voin wa moo" ab byid: bye: yoomo ngoonu" moo nheigloem: gyau: -yoem: shoin: wa khyoo: aboo.

2~KORINTHU 6:1

Nanu" gi Mangsoo da" jeju" yo" kham: yu mo, nghoid ziyo' dakhyoo" ti"- hau: jeju" ri amyib afoo" akoid pyam baja"- ngoonu" gi Mangso da" moozoo" bo pang" zei nyid mo, khyo" wigi nanu" ri mho' sang kaid zi nghoid.

GALATI 4:11

Ngoo nanu" jang" moo moo" zei: lo zigi akoem: danghoid byug la! ein: wigi nanu" khyoo: ngoo gung you, yau nyid.

GALATI 5:5

Ngoonu" koem gi Mangso da" venyi yoem: vhoo" yo' Khristu ri loem" jeung" da" khoug: mo Mangso da" shid khoin" moo deing byeung" ga: soin: yu byid: wa shid' re" myid byu lho: dalang" nyid boem.

GALATI 5:7

Shid phyang" nanu" gi gye" yhoug: gyen: khyo" zei: so' yoem: kaid lo yu" boem bye- hau: deungmain" khyoo: ri atam" gyoo: goo" baja" ga: nanu" ri hang" toem, too" go"

GALATI 6:9

Hougsu" yoomo ge da" moozoo" ri zei wa shid re" ngoonu" myung: soo" doug asoo" loo: koid nyid boem shang- Khasu" wim gari ngoonu" yoem: a shoin: rigi ayo, akhyeing: ju" lang" shau" yham" yu boem wa zi nghoid.

Ephesu 1:18

Hau: lho: wigi Aseing: nanu" ri nheig byu khyoo: moo khe: yu too" bye: ziri we' Aseing: gi nya: byumyu" yi ri byid: wa ga: da" mau" pho" jeju" agyid asoo: joem gi -

Ephesu 2:21

Nyang: gi he: noku yhoem: goin" ri geing; teing gyi: sheing; nhang: su; nghoid yoomo hau: zigi Aseing: ri ab noung" da" noku yhoem: bue" loo bye.

Ephesu 3:17

Hau: lho: loem" jeung" khyoo: khyo" Khristu gi nanu" da" nheigloem: ung: khoug: joem moo nyang: nyid nyid' wa ziyo' jheddab da" emyid moo agyi: zug lho: ayang: ri zhoug too" wa shid mo ngoo akyu" mho' nyid.

Ephesu 4:16

Hau" vhuloem da" vhoeb, khang" lo" da" akhoug: moo nyang: cang" adu go" da" gung shoo" akung: ako'' joem gi daloem: yo' daloem: tei" xo' go" ziyo' gung du: goin" ziri youg: xeig youg: myo, mo wigi tei" xo' go" to"- hougsu" nghoid yoomo adu go" da" akung: ako'' gi nyang: tu: nya: da" moozoo" ri voin vu, nyid nghoid rigi jheddab da" nheigloem: yo' dagung goin" ziri zhoug to' gyi: sheung: loo" nhang: nyid.

TARHA" TID POIN" 2:25

Akhid" nyid" mo zi ngoo gi nanu" ri khyi' khang" moo" mo byu yi gyoug da" byumyu" bui" nhang: wa. Nanu" myeing ri tid thui: gyoo: lang" yugkhang" moo" ko' ko' gyoug nain" ri" goo" wa› ga: tid da:.

TARHA" TID POIN" 4:19

Mougkhung: mo nanu" myang boem da" bid- lhammoo"- kyi: joem ri no' lho: coung" byid: wa jhu' phyo' zi ashoug" nhang: goo". Gootu: byumyu" yigi hau: ziri no' wa shid re" nanu" Aseing Mangsoo gi hau: joem ri byid: too" bye:.

KOLOSE 1:25

Nanu" shid re" ge, da" khyoo: ri koid baja"- Mangsoo gi phoung: da" moo" voin, su: dayug khyo" wigi ngoori soin' nyheung to" zi shau" bye- ngoori ab, byid: to" da" yoovoin, gi hau: ngei bu: lu dang: ri myhed' to" zi aboo loo: sho' kho" kyoo" wa shid re" nghoid nyid.

KOLOSE 2:7

Jhau" mho' ziri kham: yu bye: ziyo' dakhyoo" ti"- nyang: moo agyi: no" no, cen, lho: nyang: moo yha" da" kangso' dei khyoo: qei" to" wigi nanu" da" loem" jeung" khyoo: ri je" geung: teung jo, nhang: ge'. jeju" ri coung" nghei myid' nanu" moo byeung" jo, baja".

1THESALONI 3:3

Nanu" mo hang" nghoid loug we' hid: akhid" thoung shau" nyid da" shen" yhen jam, jau khyoo: yoomo loem" jeung" khyoo: moo adei aloeb, goo" baja"- nanu" ri nheig teing ung: teung yoem: byid: wa shid re" nanu" jhang khyoo: nyang: ri nhang: kaid' boem- hid: su" shen" yhen nyid da" khyoo: joem ri ngoonu" thoung" shau" nyid boem zigi yha" shid' re" Mangsoo nyang: myid' soin: to" da" khyoo:- dakhyam" dayam, nghoid nyid ein: wigi nanu" nyang: se' nyid boem bye.

1THESALONI 3:5

Ngoo gi xo' lho: atho' lang" nyid loo: yoomo nanu" da" loem" jeung" khyoo: khasu" bue" nyid da" khyoo: ri se' yu wa shid re" Timothi ri ngoo nhang: kaid' bye- gyeing" nyang: nanu" gi yu zhadain gung" lau" jang" moo bo cang lo" byug boem wigi ngoonu" da" yoem: kaid' loo bye: khyoo: joem gi akoem: be: be: abue" loo" nhang: noug.

1THESALONI 5:8

Nghoid loug we' nyhang" nu" gi bidbang mo nya: zoo: nya: myid: yi nghoid nyid boem yoomo-boin: gyeung: ziyo' zed" lhed' nyid boem ca"- Ngoonu" gi loem" jeung" khyoo: yo' jheddab ein: da" yang gang nghoeb ri nghoeb, ci: lho: wigi ngoonu" da" khyoid yu khyoo: ri nheig byu nyid ein: da" joto' mug ri zhoung" ci: shang.

2 THESALONI 2:16

Yha" da" Aseing Yesu Khristu nyang: yo' ngoonu" jheddab nyid da" phoo Mangsoo gi nya: jeju yo' ngoonu" ri geung: teung da" yoem: vhoo" khyo" ge, lho, da" nheig byu joyoo byid: too" bye.

1 TIMOTHI 1:12

Ngoo zei: voin, vu, nyid da" moo" zo" shid mo ngoori yoem: so' lung: byid: nyid da" yha" da" Aseing Yesu Khristu ri jeju" boin: coung" ngei nyid. Nyang: gi ngoori moin: yi" su: nghoid ga: soin: yu wigi nyang: ri noku coung" ngei wa khyen: nyheung to" zi shau" yoomo we' nya: jeju" ri boin: coung" nghei nyid.

1 TIMOTHI 2:7

Hougsu" nghoid yoomo Aseing: gi ngori lagyoo: dayug khyo" we' tung: bau byu yi da" jhoug" byid: sara: dayug khyo" we' hau: loem" jeung" da" khyoo: yo' deingmain" da" mungdang: ri kho" kyoo" wa shid re" nhang: kaid' zi shau" bye. Ngoo mhau' tid zi anghoid- deingmain" da" dang: ri tid nyid.

1 TIMOTHI 3:16

Yha" noku thung" mo loem" jeung" da" no, thang khyoo: gi kha: yhi' gyi: lam: jo, ziri hang" we' ngeug gyang: joyoo abo zigi vhoo: moo lhid" to" ziyo' dakhyoo" ti" nghoid nyid. xang: su byu da" gung du: khyo" thu' yab, loo bye: ziyo' deing su: nghoid da" khyoo:- hau: gyeungshang: da" venyi gi toin" shid nyid Mouglagyoo: yi we' nyang: ri shau: myang boem bye- nya: khyoo: gi byumyu" bain sho' mo, ri kho" kyo" tid fu" boem abye: go. Moug: myid byu dangain" gi nyang: ri loem" jeung" boem abye: go- houg: su" nyang: ri moug: khung: tho' khyoo: shu" to' yu zi shau" abye:.

TITU 3:7

Houg su" nghoid nyid da" khyoo: gi ngoonu" gi nya: da" jeju" yo' Mangsoo vho: ngei lho: lheom: kham: yu mo, yo" bue" lo wigi ngoonu" myid byu to" da" apyaid ato: kangso ri yo" shau" myang kham: yu wa shid re" nghoid.

HEBRE 10:38

Nga" da" deing byeung" byu yi koem gi loem" jeung" ziyo' dei nyid boem wa zi nghoid. Nghoid loug we' nyangnu" mo dayug yug- thang: khyoo: doem tau" thu' byam, lo" nghoid rigi ngoo gi nyang: ri vho: ngei loo: wa zi anghoid- ga: wigi tid nyid.

HEBRE 3:14

Khasu" wim gari Khristain xang: shed" bue" lo da" uri yhang: te"- nheig shid: nheig deug da" loem, khau: khyoo: moo lo" thang bidnyid ju" sho' geing: geing: loem khau: nyid nghoid rigi nyhang" dangain" mo, gi Khristu yo' dage" dadeing: daloem: za: moo" voin, mo, nghoid nyid boem.

HEBRE 3:6

Khristu gi Mangso yhoem: ri zung" da" nya: zoo: deung byeung" su: yo' kyed' su: nghoid nyid. Ngoonu" gi yoem: boo so' bo ziyo' nyhang" nya: da" gau yi nheig byu joyoo ri lo" thang moo ju" sho' nheig shid: nheig deug ziyo' geing: geing: teing teing nghe: khau: nyid boem nghoid rigi Mangso yhoem: byu yi nghoid boem wa.

HEBRE 4:14

Hougsu" nghoid nyid yoomo ngoonu" yhen: yu lho: loem" jeing" bye: da" loem khau: khyoo: moo nheigloem: zug jo, shang- Khasu" wim gari Mangso da" shid khoin" moo khyang: vang loo" bye: Mangsoo da" nya: zoo:- Yesu ga: da" Khainjung zeing dayug- ngoonu" yoo" nyid bye.

HEBRE 6:19

Ngoonu" gi hau nheig byu joyoo ri ngoonu" da" kangso' dei khyoo: moo joto' nghui" zeing daloem: yhang: ti"- yo" kham: yu boem bye. Hau: zigigoem, loem, khyoo: yo' geung: teung khyoo:- nghoid wigi moug: khung: tho' mo noku yhoem: yo' pain" yam, akhau: shoid mo yab, khyoo: yo" kyang lid vang lo" boem bye.

1PETERU 1:3

Ngoonu" gi ngoonu" Aseing Yesu da" nya: phoo Mangsoo ri jeju" boin: nyid boem shang- khasu" wim gari Mangsoo gi atho' tid da" nheig khyeig shoo" myen: si su: nghoid yoomo Aseing Yesu Khristu ri shid: jang" mo doem dei to'' loo nhang: khyo" wigi ngoonu" ri kangso' aseig byid: bye- houg: yoomo ngoonu" moo dei nyid wa da" nheig byu joyoo ri yo" yu boem bye.

1PETERU 1:5

Hau: agyid asoo: gi nanu" shid' re" nghoid- nanu" gi loem, khau loem" jeung" yoomo Mangso yoem: so' yo' lo" thang bidnyid moo yo" toin' shed' wa jen" bye: da" khyoid yu khyoo: yoo" sho' zung" lhug zi shau" mo, nghoid ago".

1YOHAN 2:27

Nghoid loug we' nanu" koem gi Khristu da" Venyi ri nanu" da" atho' moo foid shoin" byid: ziri shau" kham: yu boem bye: yoomo nanu" moo hau" Venyi danyid nyid gi hang" we' nanu" ri jhoug" byid: mhoo, byid: aca" loo. Khasu" wim gari nya: da" Venyi gi nanu" ri khyoo: khaid khang" moo" moo jhau" mhoo, byid: nyid bye: yoomo nyang: jhoug" byid: da" khyoo: gi deingmain" da" khyoo: nghoid bye- mhau' fain" vo khyoo: gi ci" we' aboo loo:- houg: su" nghoid yoomo nanu" gi hau: Venyi wigi jhoug" byid: bye: ziyo' dakhyoo" ti"- tam" gyo: cang lo" lho: Khirstu yo' dadeing: daloem: za: bue" nyid ge'.

Pang Shug 2:10

Nang shau" kham, zoo: wa da" sho" jhen: jamjau shid re" agyug nyid. yu satan gi nanu" mo dayham" bang: ri thung: moo lhoung to" lho: jham" ca: yu da" sho" jhen: shen" yhen zi shau" goo" wa nghoid loug we' nheigloem: geung: zug jo, we' houg: lang" ngoo nang ri oung: lo" da" kangso' bidmug byid: wa nghoid.