KOLOSE 1:22 - Lacid Common Language Bible

²² Nghoid loug we' akhid" Mangsoo gi nya: zo: da" xangsu: gung shoo" shid: lo" khyo" wigi nanu" ri nya: bidnoem, yi doem, koid pyam bye- Hougsu" koid da" khyoo: gi nanu" gi gyeungshang: lho: aco' ajhoid zi adab wa ziyo' yooboo aboo loo: za: nya: shid khoin" moo nanu" ri yo" fang yu wa shid re" nghoid nyid.

KOLOSE 1:22 교차 참조

2 SAMUELA 22:24

Ngoo ce: yooboo ayoo" su: nghoid ziri we' yooboo joem ri jang" pyam' nyid su: nghoid ziri we' nyang: se' nyid.

YOBA 15:15

Mangsoo gi ciwim wigi nya: moug: lagyoo: yiri lang" aloem lha". Nyangnu" lang" nya: myo, jang moo atho' gyeung" shang: nghoid da:.

YOBA 25:5

Nya: da" myojid" moo lhammoo" lang" abang. Kyi: joem lang" agyeungshang: nghoid ago".

COUNG" NGHEI 51:7

Nga" yooboo ri yu pyam byid: we'- houg: lang" ngoo gyeung" shang: loo wa. Ngoo ri: ced" shang: yu we'- houg: lang" ngoo gi gyu: tho' je phyu: loo wa nghoid.

LUKA 1:75

Houg: su" nghoid yoomo ngoonu" dangain mo, gi nya: shid' khoin" moo gyeungshang: deungmain" nyid ca".

Roma 7:4

Nga: mang: nhung" yi we" - he: da" khyoo: gi nanu" yo" we' sen: nyid. Nanu" gi Khristu da" gung doem nghoid wigi Moshe tarha" khoug: moo nyid da" pyaid she: lhei" pyam' phyed' boem bye. Mangsoo: moozoo" moo- akyu" bo da" dei zoo: yi bui" loo wa shid' re" nanu" gi shid: jang" mo doem dei to'' lo da" nya: byu yi nghoid boem bye.

2~KORINTHU 11:2

Mangsoo gi nanu" da" atho' moo aloem" athoo: myid bo nyid ziyo' dakhyoo" ti"- ngoo we' nanu" da" atho' moo aloem" athoo: myid bo nyid. Nanu" gi Khristu nyang: yo' loxo' ikoin deungkhu: de wa shid re" ngoo dang: myid: to" da" zoomyi: zoo: yo' du nyid.

2~KORINTHU 4:14

Aseing Yesu ri - shid: jang" mo doem dei to'' loo nhang" da" Mangsoo gi ngoonu" ri we' Aseing: yesu yo' dage" doem dei to'' loo nhang: wa zi nghoid yoomo nanu" yo' dage" nya: shid khoin" moo shu" yu wa zi nghoid ziri ngoonu" se' nyid boem.

2~KORINTHU 5:18

Hau: khyoo: dangain" ri koem gi Mangsoo zei: bye: zi nghoid. Mangsoo gi ngoonu" ri nya: gyivoo bue" nyid jang" mo nya: bidnoem yi bue" loo wa shid re" Khristu Yesu da" khoug: khyo" thed, shai" loo" nhang: bye: ziyo' byu gootu: bang: ri we' nya: bidnoem yi bue" loo wa shid mo ngoonu" ri moo" zo" yoo voin, ab byid: too" bye.

Ephesu 1:4

Nyhang" nu" gi nya: da" shid khoin" moo gyeungshang: lho: yooboo adab loo: baja" ga: ngoonu" gi Khristu yo' dadeing: daloem: za: bue" lo khyo" wigi moug: phain" myid aphain" shi" mo lang" Mangsoo gi ngoonu" ri khyen: yu too" bye- nyang: gi nya: da" jheddab nheigloem: khyo" wigi Mangsoo gi Yesu Khristu khyo" wigi ngoonu" ri nya: zooyi ga: yhen: yu wa shid mo myid phyed too" bye.

Ephesu 5:27

Hougsu" nyang: gi hau" phung: ri yung" lho' gyeungshang: nhang: ziyo' ca" yo da" khyoo: ci" we' aboo- atug atuang akoin: ajoeb, zi anghoid loo: za: joeb byeung" ce" yoo, aboo loo: sho' nya: shid re" ced" young" kyeung shang: yu da" khyoo: nghoid.

KOLOSE 1:28

Hougsu" nghoid yoomo ngoonu" gi byu yug khang" moo" ri Khristu da" khyoo: ri kho" kyo" boem bye- byu yug khang" moo" ri Khristu moo nheig bo myheung yang" da" Khristain byu yug khang" moo" bue" lo wigi Mangso shid moo yo" vang lo" boem baja"- ngoonu" gi phajhi" byen-ya boo moo boo yo' nyangnu" ri zed" lhid' nhang: khyoo: jhau mhoo, byid: nyid boem.

1THESALONI 4:7

Mangsoo gi nyangnu" ri agyeing" ashang: da" -kangso' dei khyoo: moo kangso' dei nyid wa shid re" khe: yu to" zi anghoid- gyeungshang: da" kangso' dei khyoo: moo lhid wa shid re" dakhe: yu to.

TITU 2:14

Ngoonu" ri tarha" do, rhue, da" akhyeing" ashoeb yooboo dangain" jang" mo-khyoid khyi: yu wa shid re" ngoonu" gi nheigloem: e" myed gyeungshang: wigi nyang: yo' za: te: sen: da" byumyu" bue" lo lho-ge, lho da" moozoo" ri zei: soo, wa nheigloem: vho: ngei byumyu" bui" wa shid re" Khristu gi ngoonu" da" shid mo nya: gung du: nyang: ab byid: pyam' bye.

HEBRE 10:10

Yesu Khristu gi Mangsoo myid vho: lho: koid nhang: ziyo' dakhyoo" ti"- nya: gung du: ri pyaid mo too: mo shid re" dalheing: za: yo' bain' sho' xoin" ri to' pyam byid: bye: yoomo nyang: nu: dangain" bang: gi youg: noo yoo boo mo yo" ced" kyeing ced" shang: yu zi shau" boem bye.

HEBRE 10:20

Nyang: gi nya: gung du: ga: da" Mangso yhoem: moo" khoug: mo pain" xiyam, ri lid vang lo" wigi Mangso da" shid' khoin" khyoo: khyang: lo" da" kang: so' khyoo: seig dakhaid ngoonu" shid re" phang too" byid: bye.

1PETERU 3:18

Khasu" wim gari Khristu gi yooboo yoo" mo, gung thid' -dalheing: dam, bain' sho' shid: kham: pyam bye- nanu" ri Mangso jang" moo shu" ju" loo wa da" shid' re" yooboo yoo" mo, shid' mo byu gi dayug gi shid: bye-nyang: gi moug: myed, gung shoo" ri said' pyam zi shau" bye- nghoid loug we' venyi khyo" doem dei loo nhang: zi shau" bye.

2PETRU 3:14

Hougsu" nghoid yoomo nga" byen, cang" yi we' nanu" hau: bidnyid ri lang" nyid da: ayo, moo Mangso shid moo nanu" da" nheigloem: yung" lho' lho: wigi yooboo adab boem baja"- nyang: moo ngei pyo: myenjham" nyid boem wa shid re" yoem: goin' sho' shakoid yoem: kaid nyid ge'.

YUDA 1:24

Nanu" ri ajhoid leung nhang: sho' zung" lhug byid: su: yo' ce: yooboo we' aboo nhang: loo: za: gau, yi ngei pyo: ziyo' myonhoo: phung: yoeb, doug bang da" Aseung: shid' khoin" khyoo: - yo" shu" vang yi su.