KOLOSE 1:20 - Lacid Common Language Bible

²⁰ Hougsu" nghoid yoomo Mangsoo gi-nyid moo nyid jo, moo jo, dangain" gu: gi nyang: yo' doem veing" go" loo baja" ga- myid phyed' to" abye:- Mangsoo gi pyang" zing tho' moo-ab, noung" shid: kham: bye: da" nya: zo: suid" yo' doem nyeung veung" go" da" myenjham" ngei pyo: khyoo: koid wigi moug: khung: moug: di yo' mougmyid' yoosoo" moo jo, moo jo, nyid moo nyid ri nya: jhang khyoo: shu" yu bye.

KOLOSE 1:20 교차 참조

XOIN" NGEI" 6:30

Nghoid loug we' yooboo khyoid xoin" mo suid" ri zoem" khoug: khyoo: ci: vang yhe: lho: yooboo ri yu pyam byid: wa shid re" thung" khyo" ci: nghoid rigi hau: gougnyhoug shoo" ri age zoo: wa nghoid. Hau: ziri nghe' pyam ca" da:.

MIKHA 5:2

Aseing tid zigi «Bedlehem Ephrad we"- nang gi Yuda voogung joem mo nge thang voogung daloem: nghoid loug we' goonham' gooco' byuyoug gyung: gyo" loo su: Israela khokham dayug ri nang mo khu: thu loo nhang: wa nghoid.

MIKHA 5:5

Nyang: gi myenjham" khyoo: ri byid: loo wa zi nghoid. Asuri byumyu" yigi ngoonu" da" mung" ri zain: ce" vang lo lho: ngoonu" da" gyi khoug: goo zung joem phyo' sain" boem uri ngoonu" yo' ngoonu" da" yoem: bo thang da" vhujhung: yiri zain: wa shid re" nhang: kaid wa zi nghoid.

MATHE 1:21

Nyang: gi yuggi zoo: khu: loo wa zi nghoid. Nang nya: myeing ri Yesu ein: myheing byid: ca" wa. Khasu" wim gari nya: da" Byumyu" ri nyang: nya: youg: noo yooboo mo khyoid' yu wa su: nyang: nghoid nyid».

LUKA 2:14

Mougkhung: moug: di moo Mangsoo gi myonhoo: phung" yoeb bo nyid baja"- Myidjang: tho' moo we' nyang: vho: ngei da" byu yi moo myen, jham" ngei pyo: khyoo: gi dajo, jo, baja" o"- ga: Mangso da" myeing khyang" ri coung" nghei boem ago".

ACTS 10:30

Houg: lang" Koneli gi lid lo" da" soem" nyid" koo: moo myenthang: soem" nayi: yo, ri ngoo gi yhoem: khoug: moo akyu" mho' nyid uri nyid' dain' tung" lo, lo, bang da" byimi, void, ci: da" - byu dayug gi nga" shid moo re" yab, jo, lho:

Roma 5:1

Ngoonu" gi loem" jeung" khyoo: khyo" wigi Mangsoo: da" shid' khoin" moo deingbyeing" mo yo" bue" loo bye: yoomo ngoonu" da" Aseing Yesu Khristu khyo" Mangso: da shid' khoin" moo ngei pyoo: myenjham" khyoo: ri ngoonu" yo" kham zo: boem bye.

Ephesu 1:10

Ayo, bidnyid byeung" loo lang" gi Mangso wigi joeb byeung" loo nhang: wa da" hau: soin nyheung lo" da" khyoo: gi moug: khung: moug: di mo we' myid' jang: tho' moo we' phain" too" moo too" dangain" ri Khristu moo dadeing: daloem: za: bui" wa khyoo: nghoid.

PHILIPI 2:10

Houg: yoomo moug: khung: moug di tho' mo mougmyid' gyab, yo' vho: pyam: mo da" poind' lug dangain" gi Yesu da" voolang myeing yung" khyang" ri tu: to' tu: coung" phau" myang vhu" pid' pid' zoore"- poid thug thoug nyid boem wa nghoid.

KOLOSE 1:16

Khasu" wim gari moug: khung: moug: di yo' mougmyid yooso" da" tho' moo yoem: moo" so' moo" bo da" yu join: soobyoo: joem seing: nyid mo, vhoeb khang" nyid mo, - amyeing" akhang" yoo" bang: yo' dage" myo, jed" yo' shau" myang zi ashau" myang gu: ri we' hau: nya: zo: khoug: khyo" phain" so: too" bye.

HEBRE 2:17

Hougsu" nghoid yoomo nyang: gi byu yi da" yooboo ri yo" khyoid pyam byid: wa shid re" nheig se' khyeug deung byeung" da" khainjung moo" bue" lo khyo" Mangsoo moozoo" ri yo" voin, vu, baja"- khyoo: khaid zoo: khang" moo" moo Nya: mang: nya: nhung" yi thoung" shau" zo: nyid da" khyoo: ri nyangnu" yo' dage" bo shau" kham zoo: bye.