KOLOSE 1:17 - Lacid Common Language Bible

¹⁷ Nyang: gi dangain" da" shid' mo nyid nyid wigi jo, moo jo, gi nyang: nya: joyoo yo' joyoo moo geung: jo, ago".

KOLOSE 1:17 교차 참조

COUNG" NGHEI 75:3

Mougmyid yoosoo" yo' hougmoo: nyid da" dei noem loeb noem dangain" nain" nyid nghoid loug we' hau: da" apoem: ayang: ri ngoo geung: teing nhang: wa nghoid.

ESAIA 44:6

Israela ri vhoebkhang" wigi goem loem byid: da" Aseing myhang: thang Aseing tid zigi «Ngoo gi xang: shi" su: yo' lo" thang mo su: dayug kyeing" da" Mangsoo- ngoo mo lid wigi yu phara" gootu: anyid.

MIKHA 5:2

Aseing tid zigi «Bedlehem Ephrad we"- nang gi Yuda voogung joem mo nge thang voogung daloem: nghoid loug we' goonham' gooco' byuyoug gyung: gyo" loo su: Israela khokham dayug ri nang mo khu: thu loo nhang: wa nghoid.

YOHAN 17:5

O" nga" phoo we"- he: mougmyid ajo, aboo shi" re- phoo yo" ngoo dage" kham: yu nyid da" myonhoo: phung" yoeb ri akhid" uri pho da" shid' khoin" moo ngoori byid: we'.

YOHAN 8:58

Yesu doem phougtu" zigi Deing" deing nanu" ri ngoo tid ba- Abraham akhu: ri" shi" mo ngoo nyid nyid bye: ga: tid.

ACTS 17:28

Nghoid loug we' Mangsoo gi ngoonu" hang" yo" we" ve: nyid zi anghoid. Byu dayug tid ziyo' dakhyoo" ti" ngoonu" gi nyang: moo kang: so dei nyid lho: so" yen" do: yen" boem. Nanu" da" dang: zhoem, ludaid' yi lhoung tid ziyo' dakhyoo" ti" - ngoonu" we' nya: zoo: du yi nghoid- ga: dang: zhoem, tid to.

1Korinthians 8:6

Nghoid loug we' ngoonu" shid re" gi phoo, ga: da" Mangsoo dayug za: danyid. Nyang: gi jo, moo: jo, ri phain" too" su: nghoid yoomo- nya: shid re" ngoonu" kangso dadei nyid boem. Aseing Yesu Khristu ga: da" khyoid yu su: we' dayug za: nghoid wigi- nyang: yoomo jo, moo: jo, bue" lo ziyo'- nyang: yoomo ngoonu" kangso dadei nyid boem.

KOLOSE 1:15

Khristu gi myo, jed" ze ayo" myang da" Mangso ved, voin, su:- ngoonu" myo, jed" ze shau" myang da" phain" so: to" zi yoo dangain" da" atho' moo je" tho' xeig zoo: shid" nyang: nghoid bye.

HEBRE 1:3

Nyang: gi Mangso myo, nhoo: phung" yoeb, ri thoin" pang shug wigi Mangsoo nya: da' gung du: azuang ri void ci: lho: wigi moug: myid yoosoo" yo' moug: khung moug: di bid kyi: lham" moo" dangain" ri nya: da" phung" yoeb, yoem: moo" bo da" mungdang: yo' zung" lhug goem coung: too" bye. Nyang: gi xang: su: byu yi da" youg: noo yooboo ri bain khyoid khyu: ced" yung" ced" lho, yu thang: ri moug: khung: moug: di tho' moo phung" yoeb, yoem: moo" bo Mangsoo da" lo, yo shoid moo zhoung: jo, bye.

HEBRE 13:8

Yesu Khristu gi anyi nab, akhid" nyid"- thang: phyang" apyaid atoo: moo we' - dakhyoo" ti" danyid nyid.

Pang Shug 1:11

Hau: da" thui: gi nang yo" myang yu bye: da" khyoo: joem ri mougsoug" bug moo lhid" kaid to" lho: Ephesu voo- Samurna voo Pegamu Thuatira Sardi Philadephia yo' Ladoki voo moo zheung: nyid da" phung nyhed loem: bang: jhang khyoo: foin: kaid' we' ga: tid.

Pang Shug 1:17

Hau: yug ri myang lang" nya: da" khyid: yang: moo shid: su: yhang: ti" ngoo leung lo- nyang: gi nya: lo, yo lo, nga" tho' moo ki" byid: lho: Agyug- ngoo gi xang: shed" mo su: we' - lo" thang mo su: we' nghoid- ga: tid.

Pang Shug 1:8

Goo nham pyaid he: da" pyaid thang: phyang" apyaid moo ju" sho' danyid nyid da" athang agoin yoem: moo" bo Aseing: Mangsoo gi da tid nyid. Ngoo gi xang: shed" su: we' lo" thang mo su: we' nghoid- ga: tid nyid.

Pang Shug 2:8

Samurna phung da" moug: lagyoo: jhang khyoo:- hid: su" ein: lhid" kaid we' He: da" dang: gi xang: shed' su: yo' lo" thang su:- shid: lo" lho: kangso' doem dei loo su: youg jang" mo mungdang: nghoid.

1 SAMUELA 2:8

Sho" jhen: bang: ri zhoo" phei" boem khoug: moo lang: tu: to' yu wigi yau: khi" shoug" bang: ri nyang: gi myiyab boem mo lang: tu: to' yu nyid da:. Nyang: gi nyangnu" ri khokham zooshang: yug gi zoo: yi yo' byencang" bui" nhang: nyid wigi nyangnu" ri myonhoo: ngilang: boo tung" to" to". Mougmyid da" apoem: ayang: ri Aseing nyang: seung: nyid wigi hau: atho' moo mougmyid gyab ri nyang: zhoug too" bye:.