KOLOSE 1:12 - Lacid Common Language Bible

¹² Hau: tho' moo gootu- bidbang da" mungdain khoug: moo bo jo, da" nya: da" gyeungshang: bang: shid re" Mangsoo nyheung soin' to" da" agyid asoo: joem ri nanu" ri shau" kham: zhoung" yu moin: bang: bue" lho:

KOLOSE 1:12 교차 참조

1 KHOKHAM 6:7

Noku Yhoem: Moo" ri koid wa da" lug joem gi lug baid jang: moo: baid young" pyam bye: yoomo hougmoo: du- voozung: anghoid lang" gootu: joto' jonu" thui: Noku Yhoem: Moo" koid uri ashau" gyoo: nghoid da:.

1 KHOKHAM MHOOMYID: 29:20

Hau: thang: David gi byumyu" yiri "Nanu" Aseing Mangsoo ri coung" ge' ” ga: amyeing" byid: da:. Houg: lho: Shava phung: dangain" gi nyangnu" phoug" phyid" yi da" Aseing Mangsoo ri coung" boem ago". Nyangnu" gi goeb pid lho: Aseing ri ngi: shab byid: da:. Khokham phoo ri we' ngi: shab byid: da:.

COUNG" NGHEI 116:7

Nga" da" emyed we' Aseing gi nga" da" atho' moo ge da" jeju" ri toin" shed byid: bye: yoomo loem khed" nheugshid: nyid we'.

COUNG" NGHEI 36:9

Nang ri gi kangso' dangain" da- ajhung: nyang: nghoid bye: Re" bidbang yoomo ngoonu" bidbang ri shau" myang boem bye:.

COUNG" NGHEI 79:13

Houg: lang" gi re" mung" byu yi ein: da" re" yang phung: mo yang joem ngoonu" gi nang ri apyaid atoo: moo jeju" daboin: nyid boem wa ziyo' doem ju" loo wa bidnyid ayo, dangain" moo: we' nang ri coung" byid: nyid boem wam: bye: o".

COUNG" NGHEI 97:11

Deingmain" su: da" tho' moo bidbang bang nyid wigi nheigloem: gi mo, da" atho' moo gau yi ngei bu: khyoo: jo, jo.

DANG: ZHOEM 16:1

Ngoonu" gi ngoonu" nya: moo" zoo" soin nyheung too" nghoid loug- lo" thang moo: gi Mangso wigi za: dayo" ze" bui" byid: nyid.

DANG: ZHOEM 4:18

Deing: byeung" bang: da" kangso' gyung: khyoo: koem gi bidxain" so' su" nghoid nyid hau: zigi bidnyid" gung tu: lo yo, ti" je" je bang young" ju" lo nyid.

DANIELA 2:23

Phoug" phyid" yi da" Mangsoo we"- ngoo gi nang ri coung" lho: ngi shab byid: da:. Nang gi ngoo ri phajhi" yo' yoem: byid: da:. Nang gi nga" akyu" mho' dang: ri tam" gyoo: byid: da:. Houg: lho: khokham phoo ri citid kyo" wa ein: ziri ci: shug abye:.

MATHE 25:34

Hau: thang: ri khokham" gi lo, yo shoid moo nyid mo, ri ri" ge' nga" phoo da" mainkaid Jeju" ri shau" kham: zo: mo we"- Moug: aphain" myid aphain" shi" re, nanu" da" shid re" nyheing to" da" Mungdain: ri re" seing: loo ge' ga: tid wa.

YOHAN 14:6

Aseing Yesu tid zigi khyoo: gi ngoo nghoid- deung main" ziyo' kangso' we' ngoo nghoid. Ngoo moo anghe: khoug: loo: za: hang" we' Nga" phoo jang" moo ayo" ju" loo.

YOHAN 20:17

Yesu gi ngoori azei: ci:- ngoo gi nga" pho jhang khyoo: ashau" do, loo" shi"- nghoid loug we' nga" mang nhung" be jhang khyoo: yhe: lho: nga" phoo ga: da" Nanu" da" nya: phoo- Nga" Mangsoo ga: da" nanu" da" Mangso jhang khyoo:- ngoo doem tau" loo" loo: wa da" khyoo: ri tid kyoo" ge' ga: tid.

YOHAN 4:23

Noku loem: khoug: mo, gi Phoo Mangsoo ri Venyi: yoem: vhoo" yo"- deingmain" khyo" noku wa ayo, gi ju" loo wa. Akhid" lang" hid: moo ju" nyid bye. Houg: su" loem" jeing" noku mo, ri Mangsoo vho: ngei nyid.

ACTS 20:32

"Akhid" ngoo gi nanu" ri Mangso goin, coung: nyid da" geung: teung mungdang: moo we' - hau: jeju" mungdang: gi nanu" ri yo" gyi: sheung: loo nhang: lho: Mangsoo gi nya: byumyu" dangain" bang ri byid: wa ga: young to" da" - main, kaid' jeju" joem gi nanu" ri byid: wa zi nghoid nyid.

ACTS 26:18

Nang gi nyangnu" da" myojid" ri bang" loo nhang: lho: nyangnu" ri moug: coid' khoug: mo zi bidbang khoug: khyoo: Satan da" yoem: so' khoug: mo wigi Mangso yoem: so' khoug: khyoo: phoug loo nhang: wa nghoid. Hougsu" nyangnu" gi ngoori loem" jeung" lo boem khyo" wigi nyangnu" da" youg: noo yooboo joem ri khyoid pyam byid: zi shau" lho: Mangsoo khyen: yu to" da" mo, phung: moo yo" boo mo, bue" loo goo" wa zi nghoid.

Roma 11:17

Byu yi gi zhain lun: gi akung: yi dayham" ri cu: khyo' pyam' lho: deing jo da" angoid' moo zhainlun: lam" akung: ri deom xo lho: sho" too" se' nyid boem. Hau: zhainlun: lam" gi agam gyid: ri jhoeb' yu yhang: ti" Tungbau byumyu" nghoid mo nanu" gi Yuda byumyu" yi jang" mo akyu" jeju" myoo" sho' shau" kham: yu boem.

Roma 15:27

Nyanu" hougsu" pang" thoug go" da" khyoo: gi - gootu: yoomo anghoid. Nyang: nheig myen: khyo" yoomo za: danghoid. Gyeing" nyang: ein: rigi hau: sho" jhen: mo ri pang" thoug wa zi gi Nyanu" moo yoovoin bo zi nghoid. Yuda byumyu" yi gi tungbau byumyu" yi yo" dage" Venyi: mainkaid jeju" joem' ri nyanu" ri gam byid: rigi tungbau byumyu" yi we' Yuda byumyu" yi ri zoo: wa void wa moozoo" moo pang" thoug eung: nyid.

Roma 8:17

Ngoonu" gi Mangso: da" nya: zoo yi nghoid yoomo nya: da" byumyu" shid' re" nyheing to" da" mainkaid jeju joem ri ngoonu" shau" kham: zo: boem wa. Khristu da shid' re" Mangsoo: nyheing to" zi ri we' bo shau" kham: zo: boem wa. Khasu" wim ga: ri ngoonu" gi Khristu yo" dage" yaukhe" kyi" khyeug noo bo kham: nghoid ri - nyang: yo" dage" nya: myo nhoo: phung" yoeb bo shau" vang kham: zoo: wa nghoid.

Roma 9:23

Hau tho' mo gootu: Mangsoo: gi nyang: nheig khyeug nyid mo ri nya: da" joeb byeung" myonhoo: phung" yoeb ri shau" myang nhang: wa shid' re" vho: ngei nyid. Houg: bang: gi Mangso: da myo nhoo: phung" yoeb yo" bo vang kham: zoo: nhang: wa da" shid' re" - Mangsoo: nyang: nyheing too" mo, nyang: nghoid bye.

1Korinthians 8:6

Nghoid loug we' ngoonu" shid re" gi phoo, ga: da" Mangsoo dayug za: danyid. Nyang: gi jo, moo: jo, ri phain" too" su: nghoid yoomo- nya: shid re" ngoonu" kangso dadei nyid boem. Aseing Yesu Khristu ga: da" khyoid yu su: we' dayug za: nghoid wigi- nyang: yoomo jo, moo: jo, bue" lo ziyo'- nyang: yoomo ngoonu" kangso dadei nyid boem.

1Korinthians 9:23

Hau: ngei bu: lu dang: yoomo- mainkaid jeju" ri nanu" yo' dage" yo" kham: yu sho'- ein: he: khyoo: ri ngoo cang zei: lo zi nghoid.

2~KORINTHU 11:14

Hidsu" koid da" khyoo: gi mau" pho khyoo: anghoid. satan joem lang" gi bidbang mo moug: lagyoo: yi da" alhoo: se' shab, ci: ashi" go.

2~KORINTHU 5:5

Hougsu" thed loo" ca" da" khyoo: ri ngoonu" shid re" nyheung too" byid: su: gi Mangsoo nyang: nghoid. Nyang: gi ngoonu" shau: kham: yu wa da" jeju" dangain" da" shid mo jhoeb byeung" tung" koid byid: khyo" wigi nya: da" Venyi gi ngoonu" ri byid: bye.

Ephesu 1:11

Jo, moo jo, koem gi Mangso da" myid soin nyheung lo" da" khyoo: yo' myid phyed' to" khyo" bue" loo bye- hau: lho: xang: shid" mo myid soin to" da" khyoo: moo ayang: qei" lho: Khristu moo dadeing: daloem: za: nghoid nyid khyo" wigi nyang: myid soin to" khyo" nyangnu" ri nya: da" byumyu" yi bue" loo wa shid mo khyen: nyheung too" bye.

Ephesu 1:18

Hau: lho: wigi Aseing: nanu" ri nheig byu khyoo: moo khe: yu too" bye: ziri we' Aseing: gi nya: byumyu" yi ri byid: wa ga: da" mau" pho" jeju" agyid asoo: joem gi -

Ephesu 2:18

Tungbau byumyu" yi yo' Yuda byumyu" yi zheung: nghoid da" ngoonu" dangain" bang: gi Khristu da" gung moo hau: venyi daloem: za: yo' Pho, da" shid khoin" khyoo: yo" vang lo" beom bye.

Ephesu 3:6

Hau: no, thang da" khyoo: gi ngei bu: lu dang: yoomo nghi: zain' byumyu" yi gi Mangso da" mainkaid jeju" joem ri Yuda byumyu" yi yo" kham: yu da" akhang" ri yo" yu loo bye: khyoo: nghoid. Nyang: nu" yo' Yuda byumyu" yi gi gung shoo" daloem: za: mo akung: ako'' nghoid nyid wigi Khristu Yesu khyo" wigi Mangsoo byid: to" da" dang: soo" khoin" mo akyu" ri kham: yu da" akhang" yo" boem bye.

Ephesu 4:6

Byumyu" bain' sho' bang: da" nya: phoo yo' Mangsoo we' dayug za: nghoid- nyang: gi dangain" da" Aseing: nghoid wigi dangain" bang: da" atho' moo we' dangain" bang: da" akhoug: moo we' yo" bo nyid

Ephesu 5:11

Byu yi koid nyid da" moug: coid yo' sen: da" akyu" abo ce" ja: moozoo" moo we' dajhi' lang" abo zei: loo: za: houg: yhang: te" da" moozoo" ri bidbang moo pang shug nyid ge'.

Ephesu 5:20

Nanu" da" Aseing Yesu Khristu da" myeing ri lang: lho: khyoo: khaid gu: khang" moo" moo phoo Mangsoo gi khanham we' jeju" boin: coung" nghei nyid ge'.

Ephesu 5:4

Aved avhu: da" khoin" co' dang- anyhoin: athoung" da" dang: co, joem- kyang: da" dang: ri tid wa shid re" we' nanu" shid re" adu nghoid da- hau: gung khoo: nanu" gi Mangsoo ri jeju" daboin: nyid ge'.

Ephesu 5:8

Shid' phyang" gi nanu" we' moug: coid' khoug: moo nyid lid lo yu" boem bye- Nghoid loug we' akhid" gi Aseing: da" byumyu" yi bue" lo boem bye: yoomo bidbang khoug: moo ju" vang lo boem bye- hougsu" nghoid yoomo nanu" gi bidbang da" nya: zooyi yhang: ti" zei: so' nyid yab, loo: ge'.

KOLOSE 2:2

Hougsu" ngoo yoem: kaid' voin yu, da" khyoo: gi nyangnu" dangain" tho' moo myo, yang" da" nheigloem: yo' joeb, byeung" wigi dayug yo' dayoung da" jheddab da" emyid moo-tei" xo' go" lo" ziyo' nyangnu" gi deingmain" da" lasi, phajhi" mo myo: tham: da" nheig shid: nheig deig khyoo: ri nyangnu" yo" yu wa shid re" nghoid- hougsu" wi nyangnu" gi-he: khyo" wigi Mangso zau" yheom" to" da" no, thang phajhi" ri se' gyo: lo boem wa nghoid hau: phajhi" gi Khritstu nyang: nghoid bye.

KOLOSE 3:15

Khristu byid: da" ngei pyo: khyoo: gi nanu' da" nheigloem: ung: khoug: moo davhoeb, khang" nyid wigi houg: gi nanu" myid phyed' pharan da" khyoo: moo khyoo: shed' vhu" she: nyid baja"- khasu" wim ga: ri hau: ngei pyo: da" khyoo: ri shau" kham: zoo wa shid re" Mangsoo gi nanu" ri gung du: daloem: za: khyo" khe: yu bye: yoomo jeju" ri boin: so" nyid ge'.

KOLOSE 3:17

Houg: yoomo nanu" ce" moo" thu' nghoid loug we' mung main: khyoo: moo we' moozoo" jid: zo" khyoo: moo we' Aseing Yesu myeing ri lang: lho: dangain" ziri dakoid nyid wigi nya: khoug: khyo" phoo mangsoo ri jeju" daboin: so" nyid ge'.

TITU 2:14

Ngoonu" ri tarha" do, rhue, da" akhyeing" ashoeb yooboo dangain" jang" mo-khyoid khyi: yu wa shid re" ngoonu" gi nheigloem: e" myed gyeungshang: wigi nyang: yo' za: te: sen: da" byumyu" bue" lo lho-ge, lho da" moozoo" ri zei: soo, wa nheigloem: vho: ngei byumyu" bui" wa shid re" Khristu gi ngoonu" da" shid mo nya: gung du: nyang: ab byid: pyam' bye.

HEBRE 12:23

Nanu" gi moug: khung: mo zhayen" moo bo da" - Mangsoo yi da" gau yi phung foem: moo we' byumyu" yi dangain" da" dang: kho' su: ein: da" Mangso jang" moo we' joeb, byeung" nhang: zi shug bye: da" deing: byeung" mo, da" venyi joem jhang khyoo: we' ju" nyid boem abye: go.

HEBRE 3:1

Mangso khyen: khe: yu zishau" da" nga" Khristan mang: nhung" yi we"- ngoonu" yhen: kham: yu bye: da" noku thung" laloem lakhau: da" khainjung moo" zeung bue" loo wa shid re" Mangsoo nhang: kaid da" Yesu ri myid yu" ge'.

HEBRE 3:14

Khasu" wim gari Khristain xang: shed" bue" lo da" uri yhang: te"- nheig shid: nheig deug da" loem, khau: khyoo: moo lo" thang bidnyid ju" sho' geing: geing: loem khau: nyid nghoid rigi nyhang" dangain" mo, gi Khristu yo' dage" dadeing: daloem: za: moo" voin, mo, nghoid nyid boem.

YAKU 3:9

Ngoonu" gi phoo Mangso: myeung ri coung" ngei nyid da" jang" moo yhoo: ri ci: boem, Mangso: da" aved alhoo: yo' dakhyoo" ti"- phain" so: to" da" byu xang: su: yi ri nheing" jang" moo we' hau: yhoo: ri ci nyid.

1PETERU 5:1

Ngoo gi phung ludaid' dayug khyo" nanu" mo phung ludaid' yi ri mho' tung" pain: kaid. Ngoo gi Khristu kham' zo: da" kyi" khyeug khyoo: ri bo myang se' da" sag si: dayug khyo" thang: phyang" toin" shid' byid: loo wa da" myonhoo: phung" yoeb, ri-bo shau" kham: yu wa su: nghoid nanu" gi nanu" nyang: riab, byid: too" bye: da".

1YOHAN 1:3

Ngoonu" gi nya: phoo Mangsoo yo' we' nya: zoo: Yesu Khristu yo' we' zoem" khau: nyid boem zi nghoid boem zi nghoid wigi nanu" we' ngoonu" yo' dage" shau" zoem" khau: nyid boem goo" baja" ein:- ngoonu" myang yu" gyo: yu" bye: da" khyoo: nanu" ri tid fu" kyo" zi nghoid.

Pang Shug 21:23

Hau" voo gung moo doug bang wa shid re" bid we' lham" moo" we' aca" loo. Khasu" wim gari Mangso da" myonhoo: phung" yoeb, gi hau: voogung ri thoin" pang byid: nyid lho: Yang nu" gi houg: mo myibung: nghoid.

Pang Shug 22:14

Kangso' shi" gam, mo ashi" ri zoo: wa amyeing" yo" lho: voogung khoug: khyoo: khoem" moo" duang: khyo" yo" vang loo" sho' nyang: nya: da" byisheing: joem ri ced" phyu: pyam mo, gi ngi lho, nyid.

Pang Shug 22:5

Hau: voogung moo myen" khanham we' ajo, yoomo nyangnu" gi myiboung: da" bidbang we' bid da" boo" bang we' aca" loo: wa Khasu" wim gari Aseing: Mangsoo gi nyangnu" da" bidbang bue" lo wigi nyangnu" gi apyaid atoo: moo Khokham" yi yhang: ti" vhoeb khang" lo" boem wa.