KOLOSE 1:10 - Lacid Common Language Bible

¹⁰ Hougsu" nghoid lang" gi nanu" gi Mangsoo myid vho: khyo" kangso dei nyid wigi nya: da" vho: ngei khyoo: moo khanham we' nanu" yo" cang zei: loo" wa zi nghoid- houg: lang" nanu" da" kangso dei khyoo: gi ge da" moozoo" ja" khang" moo" moo ashi" zei: lo wigi Mangsoo ri se' lo da" khyoo: moo gyi: sheung: loung: lo boem wa zi nghoid.

KOLOSE 1:10 교차 참조

DANG: ZHOEM 16:7

Aseing ri nang nheugshid: nheugdeug nhang: ri nang gi re: gyivoo joem ri bidnoem yo" koid yu wa zi nghoid.

ESAIA 53:11

Yau: khi" kyi" khyeug kham zo: zi bain thang: ri nyang: gi ngei pyo: zi doem shau" loo wa. Nyang: agoin: ajain" moo yau: khe" kyi" khyeug kham zo: zi anghoid da" khyoo: ri nyang: se' loo wa. Nga" deingmain" da" dei zoo:- ngoo vho: ngei da" su: gi byu myoo: sho' da" yooboo dam ri voin pyam byid: wa. Nya: gang mo ngoo gi nyangnu" ri yooboo khyoid pyam byid: wa.

DANIELA 12:4

Nyang: gi ngoo ri «Daniela we" akhid" gi hau: mougsoug" pug ri myid" pyam lho: mougmyid thang yo, ju" sho' hau: ziri dazid thung" too" we'. Hau: agyoo: moo bue" nyid da" ziri se' gyoo: noug yoomo byu myoo: sho' bang: gi nyangnu" da" yoem: ri amyed afoo" ze" thang pyam ri" goo" wa» ga: tid da:.

MIKHA 4:5

Byumyu" yi ja: khang" moo" gi nyang: nya: da" yu phara" joem ri coung" pid boem wigi tam" gyo: nyid ago". Nghoid loug we' ngoonu" koem' gi ngoonu" da" Aseing Mangsoo ri apyaid atoo: moo coung" pid lho: nya: ji dang: ri tam" gyo: nyid boem wa nghoid.

HABAKU 2:14

Nghoid loug we' panglai moo gyid yo' byeung" jo, ziyo' dakhyoo" ti" myid jang gi Aseing da" myonhoo: phung" yoeb ri se' da" lasi laleug yo' byeung" shoin: loo" wa nghoid.

YOHAN 15:16

Nanu" gi ngoori khyen: yu zi anghoid ngoo she nanu" rida khyen: yu- nanu gi thu lo" lho: geng teing ashi myoo" sho' zei: wa zi yo"- nga" myeng mo, nanu" mho' moo mho'- phoo nanu" ri byid baja" ngoo nanu" ri nyheung to".

YOHAN 15:8

Nanu" gi ashi" myoo" sho' zei loo yoomo Mangso da" myonhoo: phung: yoeb' ri thu' loo nhang. Hid: khyo" nanu" gi nga" cangzoo: yi bue" lo boem.

YOHAN 17:3

Apyaid ato: kangso' ga: zigi dayug kyeing" da" Mangsoo ri we' nang nhang: kaid da" Yesu Khristu ri we' se' da" khyoo nghoid.

Roma 1:13

Nga" mang nhung" yi we" - Yuda byumyu" anghoid da" tungbau byumyu" yi jang" moo Mangsoo: moo" zei: ri oung: doid lo" yhang: ti" nanu" jang" moo we' oung: doid loo" wa shid' re" - ngoo gi nanu" jhang re" wa shid' re" alheing: lheing: myid soin' bye. Nghoidloug we' akhyoo" aeung: shi" yoomo ayo" ri" shi" da" khyoo: nanu" myid boin: nyid ge'.

Roma 4:12

Nyang: gi shooyid' thang: yham" mo da" nya: phoo we' nghoid. Dakhyo" ein: rigi nyang: gi shooyid thang: yham" zi kham: yu su: za: anghoid ngoonu" phoo Abraham: sho" yid thang: ayham" shi" mo Mangsoo: ri loem" jeung" lho: - kangso' dei so" yen" su: nghoid.

Roma 6:4

Houg: yoomo nyangnu" gi Babtisma kham khyo" wigi Khristu yo" dage" shid: kham: lho: - nyang: yo" dage" myhoeb pyam' zi shau" boem bye. Aseing yo" dage" shid: kham: da" khyoo: gi pho da phung" yoeb yoem: so' yo" Khristu ri shid: da" jang" mo doem dei to'' loo nhang: zi yo" dakhyoo" - ngoonu" gi kangso' Aseing moo doem yo" dei nyid wa shid' re" nghoid.

2~KORINTHU 2:14

Nghoid loug we' Mangso jeju" gi gye" gyi: jo, da- Khasu" wim gari nyang: gi ngoonu" ri Khristu yo' dadeung: daloem: za: bui nhang: wigi Khristu da" oung: doid lo pui" moo oung: yain: lo" da" thung: byu yi yhang: ti"- Mangsoo gi ngoonu" ri shu" vho" shi: bye. Khristu se' lo da" lasi, laleug gi nam, pyo: da" shoem: yhang: ti"- joyoo khyi khang" moo myoo- byo loo" nhang: wa shid re" Mangsoo gi ngoonu" ri ci: yhoung" nyid bye.

2~KORINTHU 4:6

Yesu khrsitu da" myonhoo: mo bang lo da" - Myo nhoo: phung" yoeb khyoo: nanu" se' loo baja"- yha" da" nheig loem: moo bidbang zhoo: byid: da" Mangsoo: gi Moug coid mo bidbang bang loo wa ga: wigi tid da" Mangsoo nyang: nghoid bye.

2~KORINTHU 5:9

Hougsu" nghoid yoomo ngoonu" gi hid: moo nyid jo, da" gungshoo" yhoem: moo nghe: khau: nyid shi" ri nghoid loug we' foo: moo nghe: khau: nyid ri nghoid loug we' Nyang: ri vho ngei nhang: wa zigi tootu: dangain" tho moo je" yhoug: gyen: da" moo" nghoid.

2~KORINTHU 9:8

Mangsoo: gi nanu" vho" nyid tho' moo jain" sho' yo" byid: nyid.Houg: yoomo nanu" gi nyang: tu: nya: shid re" vho' ca" nyid gu: dangain" ri yo" yu boem va zi nghoid. Hou: tho' moo ge da" moo" zo" ja: khang" mo" shid mo ca" nyid hto' moo jan" sho' yo" yu wa.

Ephesu 1:17

Nanu" Mangsoo ri je" se' loo goo" baja"- nanu" ri phajhi" boo nhang: lho: Mangsoo khyo" yo" pang shug da" Venyi nanu" ri byid: wa shid re" phung" yoeb, bo da" phoo- nanu" da" Aseing Yesu Khristu da" Mangsoo moo ngoo mho' nyid.

Ephesu 2:10

Ngoonu" gi Mangsoo nyang: myid vho ziyo' dakhyoo" ti"- phain" so: to" zi shau" mo, nghoid nyid wigi Khristu Yesu yo' ngoonu" deung: shoin" to" khyoo: yoomo nyang: gi ngoonu" ri ge da" moozoo" joem shid re" phain" so: too" bye- hau: ge, da" moozoo" joem ri ngoonu" zei: soo, wa shid re" soin' nyheung too" byid: bye.

Ephesu 4:1

Hougsu" nghoid yoomo hau: Aseing: da" moo" voin vu, da" gang mo thung: oung" jo, su: ngo Polu gi Mangso wigi nanu" ri nyang: khe: yu da" bidnyid moo nyang: ke' too" byid: da" laleig laki, azhang myhi: da" kangso dei khyoo: moo kangso dei so" loo" wa shid re" ngoo nanu" ri joug jhoin" nyid.

Ephesu 4:13

Hougsu" nghoid yoomo ngoonu" da" loem" jeung" khyoo: khyo" we' hau: Mangso nya: zoo: ri se' loo bye: khyo" we' ngoonu" nyid, moo nyid bang: dangain" gi dagung dashoo" za: bue" lo wigi ngoonu" gi Khristu da" joeb, byeung"- myhang: thang da" gung du: laki, moo myhi: sho' nheig boo ung: gyeung: gyi: myhang: loo mo, bue" lo" boem bye.

Ephesu 5:10

Aseing: vho: ngei nyid zigi ce: noem nghoid nyid ziri yoem: kaid' lho: jhau" kham: yu nyid ge'.

Ephesu 5:15

Hougsu" nghoid yoomo nanu" gi khasu" koid lho: kangso' dei so" yen" boem zigi jid" jid" myid yu" nyid ge'- phajhi" abo da" koo" fang: joem yhang: ti" akoid loo: za: phajhi" bo da" byu yi yhang: ti" daso" yen" ge'.

Ephesu 5:2

Khritstu gi nanu" ri jheddab ziyo' nanu" da" shid re" nya: da" gung ri Mangsoo vho: ngei da" nam, pyo: xoin" to' pyam wigi ab, nung" byid: pyam yhang: ti"- nanu" da kangso' khyoo: ri jheddab da" nheigloem: yo' vhoeb khang" nyid ge'.

PHILIPI 1:11

Nanu" da" kangso' dei khyoo: moo Yesu Khristu za: date: yo" byid: da" ge, da" aved asam" ein: da" ashi" yo' joeb byeung" lo wigi mangsoo da" myonhoo: phung" yoeb, ri coung" nghei tu: to' zi shau" wa nghoid.

PHILIPI 1:27

Akhid" uri nanu" shid re" je" ca" thang da" khyoo; gi Khristu Yesu da" ngei bu: lu dang: yo' du veung" moin: yi" khyo" kangso' dei nyid boem ca"- hougsu" nghoid lang" gi ngoo nanu" jang" moo ju" re" uri nghoid loug we' aju" re" uringhoid loug we' nanu" gi nheigloem: sham: shoin" go" lho: theung shang" yab, jo, wigi myid to" khyoo; dakhaid za: yo,- hau" ngei bu: lu dang: da" loem" jeung" khyoo: shid re" dage" za: zain: shi" go" nyid da" khyoo: ri ngoo shaug" gyoo: wa zi nghoid.

PHILIPI 4:18

Hid: the' nanu" byid: bye: da" zi dangain" ri ngoo yo" yu bye- zhayen" sagsi: gi he: zi nghoid bye- hau: zigi ca" tho' moo jain" sho' lang" nghoid bye- akhid" gi nanu" da" jhung: shug ri Epaphrodi ci: ri" byid: yoomo ngoo moo ca" moo ca" dangain" ri yo" yu bye- he: da" zi joem gi Mangso jang" moo xoin" to' byid: da" nam, pyo: shoem: yhang: tri" we' Mangsoo vho: ngei ziyo' lhoem: yu moin: da" xoin" du: yhang: ti" we' nghoid bye.

KOLOSE 2:19

Gung du: da" vhuloem nghoid nyid Khristu moo xo' nhei: khau: nghe: jang" mo phoug pyeug loo" mo, nghoid ago- Khristu vhoeb, khang" da" akhoug: moo dagung goin" gi hau: da" youg: xeig youg: myo, yo' shoo" gyi: youg: khyang: joem wigi myheug shoin" to" lho: khu: gyi: kaid' ziyo' Mangsoo myid vho: khyo" gyi: sheung: loo wa nghoid.

KOLOSE 2:6

Nanu' gi Khristu Yesu ri Aseing: ga: wigi lhoem: yu bye ziyo' dakhyoo" ti" -nyang: yo' dage" deung: shoin" lho: kangso' dei nyid ge'.

KOLOSE 3:20

Zoo: shang: mi" we"- ce" ja: khyoo: moo we"- re" myhi, yo' re" pho, da" dang: ri khanham we' datam" gyo: nyid ge'- hau: khyoo: gi Khristain yi cang zei: loo" eung: da" moo" nghoid - Khasu" wim gari hau: khyoo: gi Mangsoo vho: da" khyoo: nghoid.

KOLOSE 4:5

Nanu" yo" yu da" amyeing" akhang" ri goolhoo: zoo: ci: yhoung: lho: aloem" ajeung" bang: yo' zoem" khau: uri-phajhi" bo nyid ge'.

1THESALONI 2:12

Ngoonu" gi nanu" ri yoem: byid: khyoo: yo' nheig teing byid: khyoo: koid lid lo yu" boem bye- nya: da" mungdain moo yo" bo vang zoo: wa ziyo' myonhoo: phung yoeb, yo" bo kham: yu goo" baja" ga- nanu' ri khe: yu da" Mangsoo ri vho: ngei nhang: da" kangso' dei khyoo: moo daso" lo" nyid wa shid re" ngoonu" gi xo loo: xo' jhoug" byid: nyid boem bye.

1THESALONI 4:1

Lo" thang jang" moo gi-mang nhung yi we"- mangsoo vho: ngei wa shid re" nanu" gi kha: khyo" kangso' dei nyid ca" da" khyoo: ngoonu" jang" mo nanu" jhau" yu abye: go- nanu" gi hau: khyoo: khyo" nyang: kangso dei nyid boem bye- hau: tho' moo je" yo" zei: soo, wa shid re" Yesu Khristu da" myeing khyang" khoug: moo nau" ri ngoonu" mho' tung" pain: joug jhoin" kaid' boem.

2 TIMOTHI 2:4

Gyimoo" voin, vu, nyid da" gyizoo: nu" dayug gi nya; atho' mo da" gyi zoug: phoo nheig shid: nheig deig sho' zei: noug yoomo gyizoo: yo" asen: da" mung" byu yi khyoo: moo-ayo" bo cang vang lhu: koung" keug yen" loo.

TITU 3:1

Mung" dain ri vhoeb khang" nyid bang: yo' amyeing" akhang ci: bang: da" vhoo: moo tam' gyo: nyid wa ziyo' ge da" moozoo" jid: zoo: jo, moo jo, ri zei: soo, wa jen" jen" nghoid nyid wa shid re" re" da" byu yi ri tid poin" nyid we'.

TITU 3:14

Akhid" nyang: ca" yo nyid akhyoo: joem, ri-yo" joeb, byeung" nhang: sho' yha: da" byu yi nyang" nu" da" ayo, joem ri ge da" moozoo" ri ci: yhung: wa shid re" jhau" yu goo" baja". Nyangnu" da" kangso dei lo" khyoo: moo ce: phoug" adab kangso' age dei nyid.

HEBRE 11:5

Loem" jeing" yoomo Enug gi ashid: loo: za: Mangso wigi shu" to' yu ziri shau" abye:. Houg: yoomo nyang: ri hang" we' amyang loo- Mangso wigi shu" to' yu zi ashug" shi" da" uri Enug gi Mangsoo vho: ngei nyid su: nghoid, ga: wigi jhoem: mungdang: moo bo nyid.

HEBRE 13:16

Ge, da" moozoo" moo nanu" nyang: cang" nyang: pang" thoug goo" wa da" khyoo: ri ato" myhed pyam goo. Khasu" wim gari houg: yhang: te" da" xoin" gi Mangsoo vho: ngei nyid xoin" nghoid.

2PETRU 1:8

He gu: gi nanu" moo aboo age da" yoem: so' joem nghoid. He: gu: gi nanu" moo athang agoin dabo jo, nghoid rigi ngoonu" da" Aseing Yesu Khristu ri nanu" se' lo ziyo' kangso' dei da" khyoo: moo zhang" zhang" yang yang nghoid wigi akyu" bo thu' loo nhang: wa zi nghoid.

2PETRU 3:18

Nanu" gi; ngoo nu" da" khyoid yu Aseing Yesu Khristu da" jeju" yo' nyang: ri se' lo khyoo: moo je wigi gyi: xo' lho geung: teung loo goo" baja"- akhid" nghoid loug we' apyaid atoo: moo ju" sho' nghoid loug we' Yesu Khristu jang" moo myonhoo: phung" yoeb gi dajo, jo, baja" o". A men

1YOHAN 3:22

Ngoonu" gi Mangso amyeing" tarha" ri tam" gyo: lho wigi nyang vho ngei da" moozoo" ri zei: nyid boem bye: yoomo ngoonu" mho' nyid da" khyoo: dangain" ri ngoonu" yo" yu boem wa zi nghoid.

1YOHAN 5:20

Mangso nya: zoo: gi ju" re" nyid wigi deingmain" da" Mangsoo ri yo" se' yu wa da" nheigloem:- nyang nyhang" ri byid: too" bye: ziri nyhang se' nyid. Ngoonu" gi nya: zoo: Yesu Khristu yo' dadeing: daloem: za: koid lho: wigi dei nyid boem yoomo deingmain" da" Mangsoo yo' we' dadeing: daloem: za: bue" lho: dei nyid boem. Nyang: gi Mangsoo gyeing" nyang: nghoid nyid ziyo' athang agoin kangso' we' nghoid nyid.

3 Yohan 1:6

Nyang: nu" gi re" da" jheddab nheigloem: yo' zei: so' khyoo: ri hid: moo re" tid fu" sag si: kham, nyid boem ago". Mangsoo nheig shid: nheig deug khyo" nyangnu" da" gyung: khyoo: moo yo" xo' so" loo" goo" baja"- jeju" yo' nyangnu" ri pang thoug kaid' shi' ge'.