HOSEA 9:8 - Lacid Common Language Bible

⁸ Mangsoo gi nya: da" byumyu" Israela ri tid poin" wa shid re" ngoo ri nhang: kaid bye:. Nghoid loug we' khakhyoo: loo" khakhyoo: nanu" gi ngho' yo' dakhyo" ngoo ri lhid thung: wa soin' ago". Mangso da" Noku Yhoem: Moo" moo lang" hau: byumyu" yigi lapi: pho da" gyivoo joem bue" ago".

HOSEA 9:8 교차 참조

1 KHOKHAM 17:1

Gilead mung" Tishbe voogung mo Elia ga: da" lapi: dayug gi khokham Ahab ri «Ngoo dei byid: nyid da" Kangso' Aseing Israela Mangso da" myeing khyo" wigi ngoo nang ri tid wa. Ngoo hid: su: doem tid da" ayo, thang: eig soem" zain ju" sho' nghain: jhu" agyoo" moug: avoo wa zi nghoid» ga: tid.

1 KHOKHAM 18:1

Moug: kyug myid kyug zi soem" zain ein: zain ri Aseing gi Elia ri «Nang nyang: khokham Ahab' jang" moo yhe: thu shug we'. Ngoo moug: voo nhang: wa» ga: tid.

1 KHOKHAM 18:19

Kharmela boem moo ngoo yo' shoug" wa shid re" Israela byumyu" dangain" ri akhid" nyang: amyeing" byid: kaid we'. Bala lapi: 450 yug yo' dage" khokham myhi' Yezebela pang" thoug to" da" Ashera yu phara" myhi' da" lapi: 400 yug ri we' shu" ri" we'» ga: tid bye:.

1 KHOKHAM 22:11

Nyangnu" mo Khenana da" nya: yuggi zoo: Zedekia gi joto' khyoug: joem koid wigi Ahab ri «He: zigi Aseing tid zi nghoid. ‹He: joto' khyoug: joem yo' Suri byumyu" yiri zain: ge'. Houg: lang" nyangnu" ri gyeing" oung: wa zi nghoid›» ga: tid.

1 KHOKHAM 22:22

Aseing gi ‹Khasu" mhoid" jhoem" wa› ga: myid: bye:. Venyi: gi ‹Ngoo yhe: wigi Ahab da" lapi: yi dangain" ri yhe: mhoug wa› ga: tid. Aseing gi ‹Nyang: ri yhe: mhoid" jhoem" we'. Nang oung: doid wa›» ga: tid.

1 KHOKHAM 22:28

Mikhaia gi «Nang gau: nyu: ziyo' doem tau" lo nghoid rigi Aseing gi ngoo khyo" wigi dang: atid wa» ga: nyho: tid bye:. Xo' lho: nyang: gi «Ngoo citid ziri yugkhang" moo" tam" gyoo: ge'» ga: tid.

1 KHOKHAM 22:6

Houg: yoomo Ahab Lapi: yi jang" mo myid: shoo: koo: ri khe: yu wigi «Ngoo gi Ramod ri yhe: zain: ri gi wa la" agi wa la"» ga: myid: bye:. Nyangnu" gi «Hau: ziri yhe: zain: we' Aseing gi nang ri oung: doid nhang: wa nghoid» ga: tid.

2 KHOKHAM 13:21

Dalheing: ri byu shid: pui: moo hau: Moba mo mung" zain: jhen" yen" bang: da phung: ri myang lho: byu yigi shid: mang ri Elisha da" loeb moo she: pyam to" kho' lho: tang" phang: lo" ago". Shid: mang gi Elisha da" shoo youg: yo' zang" tain" yo' byu hau: yug gi doem dei re" lho: to' yab re" da:.

2 KHOKHAM 2:14

Nyang: gi Elia da" byi: yo' gyid lang ri baid wigi «Elia da" Aseing Mangsoo gi khamoo: la"» ga: tid da:. Hau: thang: nyang: gi gyid lang ri doem baid kaid da:. Gyid gi go, loo" khare" wigi thei: tab khyoo: so" dab lo" da:.

2 KHOKHAM 2:21

Houg: lho: nyang: gi gyid bug khyoo: yhe: lho: hau: xoo" ri gyid moo: yhe: pyam zei kaid wigi «Aseing gi hid su" ga: tid ‹Ngoo gi he: gyid ri gyeing: young" nhang: bye: wigi he: gyid gi shid: zi anghoid lang" noem bya: bya: zi khanham we' abui" nhang: loo: wa›» ga: tid da:.

2 KHOKHAM 4:41

Elisha gi zoo: noem dajhi' ri mho' lho: oug" khoug: khyoo: pyam zei kaid da:. Houg: lho: nyangnu" ri «Xoin" yeing doem khu" byid: ge'» ga: tid da:.

2 KHOKHAM 4:43

Nghoid loug we' nyang: gi «Byu dashoo: yug shid re" he: zi tham: wa ein: nang jho: rhe"» ga: tid da:. Elisha gi «Hau: ziri nyangnu" ri byid: zhoo" we'. Ciwim gari nyangnu" zo: lho: dayham" lang" we' deing shi" wa ga: Aseing tid da» ga: phug tid da:.

2 KHOKHAM 5:14

Houg: yoomo Naman gi Yodan gyid lang khyoo: gyoo" yhe: lho: Elisha tid ziyo' dakhyo" nya: gung ri nyhed lheing: yhe: joem da:. Houg: lang" nyang: gi bain sho' ge lo" byug da:. Nya: shoo" gi teing re" wigi zooshang: dayug yhang: ti" yang" zain: re" da:.

2 KHOKHAM 5:27

Akhid" Naman da" dam gi re" gung moo bue" loo wa. Nang yo' re" amyed shen" yi moo hau: zi apyaid atoo: bue" ri" wa» ga: tid da:. Gehazi to' thu loo" yo' nyang: gi manggam dab re" lho: nya: shooyid gi gyu: yhang: ti" phyu: lo" byug da:.

2 KHOKHAM 7:19

hau: zoug: phoo gi «Aseing nyang: houg jang: nyang: shivoo: ri khyoo' byid: rilang" hau: zi age bui" ga: tid da:. Houg: yoomo Elisha gi ‹Nang gi hougsu" bue" ziri shau" myang wa nghoid loug we nang gi hau: zoo: noem ciri we' ashau" zoo: wa» ga: phug tid bye:.

2 KHOKHAM 7:2

Khokham pho da" lagyoo: phoo gi Elisha ri «Aseing nyang: houg jang: nyang: shivoo: ri khyo' byid: rilang" hau: zi age bui" wa» ga: tid da:. Elisha gi «Nang gi hau: zi bue" ziri shau" myang wa. Nghoid loug we' nang gi hau: zoo: noem ciri we' shoug" zoo: wa zi anghoid» ga: phug tid da:.

COUNG" NGHEI 124:7

Shoo" kuang su: da" tei" mo loid lo" ngho' yhang: ti" ngoonu" we' loid byoin lo boem bye:- tei" byed byoug lho: nyangnu" gi loid byoin lo" boem bye:.

PHAJHI" DANG: 9:12

Re" da" ayo, ju" lo nyid ziri nang khanham we' asi nghoid da:. Ngho' joem gi lhid' moo nyeigdain tung" myi" boem ziyo' dakhyo"- goin moo wimdo, myi" ziyo' dakhyo"-ngoonu dajhi we' ajho: da" uri akhyeing" da" ayo, moo ngoonu" zang" myi" boem bye:.

SHOLUMON JIKHOIN" 3:3

Voomoo" zung" bang: ri myang wigi ngoo gi nyangnu" ri nanu" nga" jhed ri abo myang goo" la" ein: myid: bye:.

ESAIA 62:6

Yerusalem we"- re" vang joem adang moo gyi zung" bang: ri ngoo to" too" bye:. Nyangnu" gi myen" ri nyid" ri khanham we' sam: zoo: age nyid boem wa. Nyangnu" gi Aseing nya: da" dangsoo" joem ri tid poin" ca" goo" wa nghoid. Nyangnu" ri nyang: wigi khanham we' ato" myhid nhang: wa.

YEREMIA 11:19

Ngoo gi said pyam wa shid re" shu" thu yhe: zi shau" da" nu" nham' yang nu" dadu: yo' du da:. Houg: lho: nyangnu" akhyeing" da" byen phyoo" sham: nyid boem zigi nga" shid re" nghoid nhung: ziri ngoo asi'. Nyangnu" gi «Seiggam joem mung" nyid shi" uri thug lheing: pyam boem shang. Nyang: ri hang" amyid boin: sho' nyang: ri said pyam boem shang» ga: tid ago".

YEREMIA 14:13

Hau: thang: ngoo gi «Gyi: sheung: thang Aseing we"- Lapi: yigi nang dangsoo" byid: too" bye: ziyo' dayhang: ti" meing: zain: khyoo: anghoid lang" zooyoid khyoo: ajo, wa ga: myid loem nyid boem yoomo ngoonu" da" mougmyid moo yug yo myenjham" zi za: dajo, wa ga: mung" byu yiri tid kyo" nyid ago" ein: tid bye:.

YEREMIA 23:13

Samari da" Lapi: yi yooboo ri ngoo shau" myang bye:. Nyangnu" gi Bala myeing ri lang: lho: dang: tid wigi Nga" byumyu" yiri khyoodam: shu" dam: pyam abye:.

YEREMIA 31:6

Nghoid bye:- zung" bang: gi Ephrim bouggung joem mo ‹Ziun khyoo: do, yhi: shang- ngoonu" Aseing Mangso jhang do, yhi: shang› ga: yoid tid kaid da" ayo, ju" loo wa» ga: tid da:.

YEREMIA 6:14

Nyangnu" gi nya: byumyu" yi dam joid ri shoo" yoem" yid" zi za: danghoid yhang: ti" koid boem. Dangain" age ziri nyangnu" gi ‹Dangain" ge› ga: tid.

YEREMIA 6:17

Hau: thang: Aseing gi laboo" wigi tid poin" da" thui: ri tam" gyoo: wa shid re" lhoug zung" byu yiri khyen: nyid: to" da:. Nghoid loug we' nyangnu" gi «Ngoonu" atam" gyoo wa» ga: tid ago".

NGOUG JI: 2:14

Re" da" lapi: yigi nang ri mhau' tid wa tho' moo jain" lho: tid kyoo" wa zi ci: we' ayoo" loo: nghoid ago". Nyangnu" da" tarha" kho" dang: gi re" yooboo ri khanham we' apau: thu' loo: nang ri mhau' pyam nyid ago". Nyangnu" gi nang ri nheigloem: thid aca" ga: myid nhang: nyid.

NGOUG JI: 4:13

Nghoid loug we' nya: lapi: yigi yooboo shoid nyid boem ziyo' nya: khainjung yigi ce: yooboo we' ayoo" mo, ri shid: shoug" nhang: da" gang mo hougsu" bue" lo" boem bye:.

EZEKIEL 3:17

Nyang: tid zigi «Shid: se' da" byu we"- Ngoo gi nang ri Israela byumyu" yi da" lhoug zung" su: bui" nhang: wa. Ngoo nang ri byid: to" da" tid poin" dang: ri nang nyangnu" ri tid kyoo" ca".

EZEKIEL 33:7

«Shid: se' da" byu we"- akhid" ngoo gi nang ri Israela byumyu" mungdain: da" lhoug zung" su: khyo" yoovoin foin: too" wa. Nang gi ngo wigi nang ri byid: da" tid poin" dang: joem ri nyangnu" jhang lhid: byid: ca" da:.

HOSEA 5:1

Khainjung nanu" we" tam" gyoo: ge'. Israela byumyu" yi we" tam" gyoo: ge'. Khokham ikoin deungkhu: moo bo da" nanu" we"- tam" gyoo: we'. Nanu" gi tarha" deing byeung" zi ge' dang: phyed pyam ca" eung: da:. Nanu" gi Mizpa mo lhid' bue" lo abye: da:. Tabora boem moo kham: to" da" goin bue" byug bye:.

HOSEA 9:7

Yooboo dam byid: wa ayo, gi ju" loo bye:. Hau: byumyu" yi nyangnu" shoug" kham zoo: wa moin: yi" zi yo" yu wa ayo, ju" bye:. Hau: zi bue" lo uri Israela byumyu" yi hau: khyoo: ri si' goo" wa. Nanu" gi «He: Lapi: phoo gi koo" su: nghoid da:. He: Venyi yoem boo su: gi suid" byo, da» ga: tid ago". Byu nanu" gi nanu" da" yooboo sung gyi: yoomo ngoo ri ngheing" ago".

HOSEA 9:9

Nyangnu" gi Gibea moo yo' dakhyo" nyangnu" koid moo" moo myid byu jang: aboo loo: sho' akhyeing" ashoeb nghoid ago". Mangsoo gi nyangnu" da" yooboo xoem" ci: wigi hau: gang mo nyangnu" ri yooboo dam byid: loo wa.

MIKHA 7:4

Nyangnu" mo ge thang mo, yo' deing byeung" thang mo, lang" vu, fu" myo, joem yo' dakhyoo" ti" ce: phoug" adab boem nghoid ago". Hau: byumyu" yiri Mangsoo gi dam byid: wa da" bidnyid gi nyangnu" ri zung" yu" nyid da" lapi: yi khyo" tid poin" lid lo ziyo' dakhyoo" ti" bain ju" lo nyid abye:. Akhid" nyangnu" gi anhung akhoid zheung: bue" nyid boem bye:.

YOHAN 15:24

Gyeing" nyang: ngoo gi goo" ji hang" we' akoid; da" moo" joem ri nyangnu" da" shid' moo akoid; shug loo: nyid rigi nyangnu" moo yooboo aboo wa zi nghoid. Akhid" koem gi nyangnu" gi ngoo koid; shug da" moo" ri myang boem bye. yoomo ngoori we' nga" phoo ri we' ngheing" boem bye.

Roma 3:7

Gyeing" nyang: Mangso: deingmain" khyoo: ri ngoo adeung amain" nghoid loug we' nya: deingmain" khyoo: ri je bang myang nhang: khyo" wigi mang" so: da" myonhoo: phung" yoeb ri je doug bang nhang: la". Ciwim gari ngoo yooboo shoid' vhang: su dayug khyo" yooboo dam kaid' zi shau" kham ca" wa la".

HEBRE 13:17

Nanu" ri khyoo: shed' vhu" shu" she: nyid mo, da" dang: ri tam" gyo: nyid lho: wigi nyangnu" tid to" da" dang: khoin" joem ri cang yhe: loo" ge'. Nyangnu" ginyang: nu" zei: byid: loo bye: da" moo" zo" zhayen" joem ri Mangsoo ri toin" shid boem wa zi nghoid wigi nyangnu" gi nanu" da" nheigloem: ri anoo: ayab, loo: zung" lhug nyid. Nyangnu" dang: ri nanu" tam" gyo: nyid boem nghoid rigi nyangnu" zei: da" moozoo" ri-gau, yi ziyo' zei: boem wa zi nghoid. Houg: su" anghoid rigi nyangnu" nheig koug ziyo' zei: boem wa nghoid wigi nanu" shid' re" ce" akyu" we' yo" ze" bui" goo" wa zi anghoid.