HOSEA 9:7 - Lacid Common Language Bible

⁷ Yooboo dam byid: wa ayo, gi ju" loo bye:. Hau: byumyu" yi nyangnu" shoug" kham zoo: wa moin: yi" zi yo" yu wa ayo, ju" bye:. Hau: zi bue" lo uri Israela byumyu" yi hau: khyoo: ri si' goo" wa. Nanu" gi «He: Lapi: phoo gi koo" su: nghoid da:. He: Venyi yoem boo su: gi suid" byo, da» ga: tid ago". Byu nanu" gi nanu" da" yooboo sung gyi: yoomo ngoo ri ngheing" ago".

HOSEA 9:7 교차 참조

2 KHOKHAM 9:11

Yehu gi nya: gyizoug: byencang" yi jhang tau" lo" wigi «Ci: aca" rhe"- hau: foin" su: nang: ri ciga: lha"» ga: lhoem: myid: ago". Yehu gi «Nyang: civho: ziri nanu" se' ago"» ga: phug tid da:.

ESAIA 10:3

Mangsoo nanu" ri yooboo dam byid: uri nanu" khasu" koid goo" wa la". Ve: da" mung" mo kyi" khyeug zi nanu" adang moo nyang: ci: loo byid: lang" nanu" khasu" koid goo" wa la". Pang" thug khyoo: ri nanu" khamo yhe: tang" sho: yu wa la". Nanu" da" jonu" ri khamoo: yhe: shoung: too" goo" wa la".

ESAIA 26:11

Nang wigi nyangnu" ri yooboo dam byid: wa ziri re" gyivoo yi asi nghoid ago". Aseing we"- nyangnu" ri sho' phu" nhang: wigi kyi" khyeug kham zoo: nhang: we' nang soin' to" da" yooboo dam nyangnu" ri kyi" khyeug kham zoo: nhang: wa. Re" byumyu" yiri nang khayhi' jheddab ziri nyangnu" ri ci: shug byid: we'.

ESAIA 34:8

He: ayo, gi Aseing wigi Ziun ri khyoid yu lho: nya: gyivoo yiri latoo: phug byid: wa ayo, nghoid.

ESAIA 44:25

Ngoo gi boid phyed bang: ri koodoug: bui" nhang: wigi lo, kyo' yu" wigi lapi: pe: bang: ri nheigloem: thang nhang: pyam bye:. Phajhi" boo bang: da" dang: khoin" ri ngoo wigi ajoo ein: tid pyam lho: nyangnu" da" phajhi" gi adu: adam: nghoid ziri toin' shid bye:.

YEREMIA 10:15

Hau: joem gi ce: aphoug" adab wigi co' ngheing" pyam ca" da:. Nyangnu" ri Aseing wigi dang: phyed wa ga: re" uri phyo' shoin' pyam zi shoug" goo" wa.

YEREMIA 11:23

Ngoo gi Anathod voobyu yi dang moo byo, yoin" zi ci: loo byid: wa bidnyid so" too" bye:. Houg: lho: hau: ayo, ju" loo lang" nyangnu" mo dayug we' anyid deing loo goo" wa.

YEREMIA 16:18

Ngoo gi nyangnu" ri nyangnu" da" yooboo joem yo' nheigloem: goid" da" moo" shid re" eig zhang xab nhang: wa. Ciwim gari nyangnu" gi byu shid: mang yhang: ti" kangso' abo da" soolhoo: joem khyo" wigi nga" da" mougmyid ri aco' ajhoid koid pyam wigi nyangnu" da" yu phara" joem yo' byeung" jo, nhang: bye:» ga: tid.

YEREMIA 23:13

Samari da" Lapi: yi yooboo ri ngoo shau" myang bye:. Nyangnu" gi Bala myeing ri lang: lho: dang: tid wigi Nga" byumyu" yiri khyoodam: shu" dam: pyam abye:.

YEREMIA 25:14

Ngoo gi Babelon ri nyangnu" koid lo da" moo" yoomo aphoug" doem tau" byid: wa. Byumyu" myoo" sho' yo' yoem: bo da" khokham yigi nyangnu" ri join koid pyam loo wa ga: tid da:.

YEREMIA 29:26

«Aseing gi Yehoiada da" khoo: moo nang ri khainjung koid nhang: wigi akhid" nang gi Noku Yhoem: Moo" mo vhujhung: moo" nghoid abye:. Lapi: nghoid goin koid wigi nya: leung zeung: moo jangcoo" yo' joto' leung kui" kaid wigi nyid da" byukoo" yugkhang" moo" ri yu" wa shid re" gi: re" moo" nghoid da:.

YEREMIA 46:21

Nyang: wigi lhung: to" da" gyizoo: yi lang" gi yoem: abo da" nu: nu" joem yhang: ti" bue" jo, da:. Nyangnu" to' yab wigi gyi: azain: nghoid ago". Nyangnu" dangain" bang: tau" wigi tang" phang: loo" goo" wa. Nyangnu" joem: loo" wa bidnyid yo' nyangnu" byo, yoin" wa ayo, ju" lo abye:.

YEREMIA 6:14

Nyangnu" gi nya: byumyu" yi dam joid ri shoo" yoem" yid" zi za: danghoid yhang: ti" koid boem. Dangain" age ziri nyangnu" gi ‹Dangain" ge› ga: tid.

YEREMIA 8:11

Nyangnu" gi nga" byumyu" yi da" dam joid joem ri agoin: khyeing" te: yu" ago". Dangain" age ziri dangain" ge ga: nyangnu" tid ago".

NGOUG JI: 2:14

Re" da" lapi: yigi nang ri mhau' tid wa tho' moo jain" lho: tid kyoo" wa zi ci: we' ayoo" loo: nghoid ago". Nyangnu" da" tarha" kho" dang: gi re" yooboo ri khanham we' apau: thu' loo: nang ri mhau' pyam nyid ago". Nyangnu" gi nang ri nheigloem: thid aca" ga: myid nhang: nyid.

EZEKIEL 13:10

«Lapi: yigi dangain" ge ga: tid wigi nga" byumyu" yiri khyoo: vhang: shu" vhang: da:. Dangain" gi gyeing" age zi nghoid da:. Nga" byumyu" yigi ateing da" lugboem yo' vang khyam: zhug lho: lapi: yi re" wigi shafuid" re" xoug" to" da:.

EZEKIEL 13:3

He: zigi yoem moo" bo Aseing tid zi nghoid. «He: nheig agyeing: da" lapi: yigi joem: lo" byug ago". Nyangnu" gi nyangnu" nya: myid thu ziri coem' yoem: byid: wigi nyangnu" nya: yoeb myang joem ri myid thu yu ago".

EZEKIEL 25:17

Ngoo gi nyangnu" ri dam xoo: sho' yooboo dam byid: wigi nyangnu" ri bain sho' latoo: phug wa. Nyangnu" gi nga" nheig yo: khyoo: ri kham zo: loo goo" wa. Houg: lang" ngoo Aseing nghoid ziri nyangnu" se' loo goo" wa.

EZEKIEL 38:23

Hid: su" khyo" wigi ngoo gi gyi: sheung: ziyo' gyeung" shang: yug nghoid ziri byumyu" dangain" ri ngoo ci: shug wa. Houg: lang" nyangnu" gi ngoo Aseing nghoid ziri se' loo goo" wa.

EZEKIEL 9:10

Nghoid loug we' ngoo gi nyangnu" ri nheig akhyeug wa. Nyangnu" subi" ri koid yhang: ti" ngoo nyangnu" ri koid wa» ga: tid.

HOSEA 14:1

Israela byumyu" yi we" nanu" Aseing Mangso jhang khyoo: doem tau" loo ge'. Nanu" yooboo gi nanu" ri khyid: vhu" thung" wigi lheing nhang: bye:.

HOSEA 5:9

Yooboo dam byid: wa bidnyid gi ju" lo nyid abye:. Houg: lho: Israela gi byo, yoin" loo" wa. Israela byumyu" yi we"- he: zigi gyeing" gyeing" nyang: bue" wa.

HOSEA 8:13

Nyangnu" gi ngoo ri xoin" ngei" byid: lho: hau: xoin" joem mo shoo" ri zo: ago". Nghoid loug we' ngoo Aseing gi hau: ziri angei byid: wigi akhid" ngoo gi nyangnu" da" yooboo ri xoem" ci: ziyo' hau: gang mo nyangnu" ri yooboo dam byid: wa. Ngoo gi nyangnu" ri Egutu khyoo: doem tau" nhang: kaid wa.

HOSEA 9:8

Mangsoo gi nya: da" byumyu" Israela ri tid poin" wa shid re" ngoo ri nhang: kaid bye:. Nghoid loug we' khakhyoo: loo" khakhyoo: nanu" gi ngho' yo' dakhyo" ngoo ri lhid thung: wa soin' ago". Mangso da" Noku Yhoem: Moo" moo lang" hau: byumyu" yigi lapi: pho da" gyivoo joem bue" ago".

AMO 8:2

Aseing gi «Amo we" nang ce: noem myang lha"» ga: myid:. Ngoo gi «Shi" dagyoin ri myang» ein: phoug tid. Houg: lang" Aseing gi ngoo ri nga" byumyu" Israela yi da" lo" thang ayo, ju" loo bye:. Nyangnu" ri yooboo dam byid: wa ein: ngoo myidyung to" khyoo: ri doem lhid: loo: wa zi anghoid.

MIKHA 2:11

«He: da" byumyu" yigi mhau' fain" ziyo' nanu" shid re" zabyid yhid: yo' yhid: yau thu ri" wa ein: da" lapi: pi: byid: ga: tid lho: mhui" jhoem" yen" da" lapi: yiri vho: nyid boem ago".

MIKHA 7:4

Nyangnu" mo ge thang mo, yo' deing byeung" thang mo, lang" vu, fu" myo, joem yo' dakhyoo" ti" ce: phoug" adab boem nghoid ago". Hau: byumyu" yiri Mangsoo gi dam byid: wa da" bidnyid gi nyangnu" ri zung" yu" nyid da" lapi: yi khyo" tid poin" lid lo ziyo' dakhyoo" ti" bain ju" lo nyid abye:. Akhid" nyangnu" gi anhung akhoid zheung: bue" nyid boem bye:.

ZEPHANI 3:4

Lapi: yi we' loem agi mo, yo' fain" mo, kyeing" za: danghoid boem. Nya: khainjung yi we' gyeung" shang: da" noku joyoo ri avoid avhu: bue" lo" nhang: ziyo' Mangso tarha" ri we' nyangnu" da" akyu" koid wa shid re" za: te: phoug pyam nyid boem.

MARKU 3:21

Hau: khyoo: ri nya: yhoem: byu yi shaug" gyoo: lang" nyangnu" gi nyang ri myheug yu wa ga: thu' yhe: lo" ago". Khasu" wim ga: ri mung" byu yi gi nyang: ri foin" abye:" ga: tid nyid boem ago".

LUKA 21:22

Khasu" wim gari hau: bidnyid gi jhoem: mungdang: moo tid to" ziyo' dakhyoo ti"- joeb byeung" lo da" yooboo dam kaid da" bidnyid nghoid.

2~KORINTHU 5:13

Ngoonu" gi gyeung" nyang: agyeung: loo: mo, nghoid boem bye: la". agyeung: loo: nghoid rigi Mangso shid re" agyeung: zi nghoid. Hougsu" anghoid lang" gi ngoonu" gyeung: nyid boem la". gyeung: nyid nghoid rigi nanu" shid re" gyeung: nyid zi nghoid.

Pang Shug 16:19

Babelon voomoo" zeing gi soem" gang go, gyam: gyo" pyam' bye- moug: myid tho' moo voomoo" joem dangain" we' byo, yoin" lo" pyam' bye. Mangsoo gi Babelon voomoo" ri myid boin: nyid zoore"- nya: da" goem, mo nheig gyed" ein: da" so' thain: thang da" zabyid yhid" ri shug nhang: abye:.