HOSEA 9:6 - Lacid Common Language Bible

⁶ Yau: khi" yoem" ju" wigi hau: byumyu" yi phang: sain" lo" da" uri Egutu byu yi ge' nyangnu" ri shoem" zheing" yu loo goo" wa. Nyangnu" ri Memphi moo myhoeb pyam wa shid re" shoem" zheing" yu loo goo" wa. Nyangnu" da" ngei ziyoo joem yo' nyangnu" yhoem: jo lid lo da" joyoo yhoem: yoo joem gi mhain" joem yo' se: nghoeb pyam lho: myo, yo' zu: kyen: joem wigi yug nghoeb pyam loo wa.

HOSEA 9:6 교차 참조

2 KHOKHAM 13:7

Yehoahaza gi myang: zhung: gyizoo: wim: xi: yug- gyi myang: rheing" daxi: loem:- gyizoo: damoin yug mo lid wigi gyi yoem: gootu: ayoo" nghoid da:. Ciwim gari Suri khokham gi deing da" gu: ri said pyam wigi pheilhoug: ri yhang: ti" houg bang: ri nang: nhe" pyam da:.

COUNG" NGHEI 107:34

Akhyeing" da" byu yi nyid da- myid, xu: yo' byeung" joyoo joem ri xoo" mougmyid bue" lo" nhang: pyam bye:.

DANG: ZHOEM 24:31

Nya: yoo joem gi myo, se: lho: zu: gyoem" wigi se: nghoeb to" abye:.khyam: kyam, to" da" lug cuang joem we' byo, gyo" jo, bye:.

ESAIA 11:11

Hau: bidnyid ju" loo lang" Aseing gi nya: yoem so' ri dalheing: doem ci wigi Asuri- Egutu- Pathro mung" joem Etiopi- Elam- Babelon- Hamad yo' gyid yam cang mo mungdain: joem panglai: gugyoo: kang joem moo nyid deing jo, boem da" nya: byumyu" yiri yhoem: khyoo: doem shu" tau" yu wa.

ESAIA 19:13

Zoan yo' Memphi mo vhujhung: yigi koo" bang: nghoid ago". Nyangnu" gi byumyu" yiri vhu" yo" she: ri yo" shi: goo" wa. Nghoid loug we' nyangnu" gi khyoo: vhang: shu" vhang: pyam ago".

ESAIA 27:12

Hau: bidnyid moo Aseing gi Uphrad lang mo zi Egutu mougkyoo" ju" sho' moo nyid da" nya: byumyu" yiri sungsoo: soem: yo' mo ziri khyen: kho' yu ziyo' dakhyo" dayug thang: dayug zheing" yu loo wa.

ESAIA 32:13

Zu: bang yo' zukyen: gam joem gi nga" byumyu" yi da" mougmyid moo yug jo, da:. Byu joem ngei pyo: nyid boem da" yhoem: joem dangain" shid re" yo' dei noem byeung" sho' nyid da" voomoo" shid re" ngoug byid gyoo" ge'.

ESAIA 34:13

Zu: bang yo' phyoopaid gam joem gi khokham kho" dangain" moo yo' vang khyam: bo da" voomoo" dangain" ri yug se: nghoeb pyam loo wa. Hau: akhau: moo khuidkoo" yo' khung" boeb joem nyid loo goo" wa.

ESAIA 5:6

Ngoo gi hau joem ri myo, se: nhe' pyam nhang: pyam wa. Zabyid nei ri acu: shang: wa. Hau: ziri akhoeb nu" byid: wa. Hau: gungthid hau: jang" moo myo, lam" yo' zu: kyin: joem nghoeb nhang: wa. Hau: adang moo moug: voo byid: wa ziri lang" jhoemmoug" ri toem' pyam byid: wa.

ESAIA 7:23

«Hau: ayo, ju" loo lang" zabyid nei dakhyeing" yug da" zabyid khyam: dakhyam: ri ngei dakhyeing" byid: da" zabyid khyam: gi joem gi zu: gam yo' zu: kyen: pung joem yug se: nghoeb jo, wa.

YEREMIA 2:16

Nghoid- Memphi yo' Tephan mo byumyu" yigi nya: vhukhang" ri gyoeb nhang: abye:.

YEREMIA 42:22

Houg: yoomo he: ziri myid boin: we'. Nanu" gi nanu" yhe: nyid nau da" mungdain: moo gyipui"- zooyoid moo noo phyoo" bue" jang" moo shid: boem goo" wa» ga: tid da:.

YEREMIA 44:1

Aseing gi Egutu mung" mo Migdola- Taphan- Memphi voomoo" joem yo' mungdain: da" mougpyi: shoid moo nyid boem da" Israela byu yi dangain" yo' sen: wigi ngoo ri dang: ji da:.

YEREMIA 44:12

Yuda mung" mo thu lo" da" Yuda byu yi yo' Egutu mung" khyoo: yhe: nyid wa myid phyed boem da" bang: koem' gi dangain" bang: phyo' shoin' pyam shau" boem goo" wa. Gyi: zoo: nge zoo: nyangnu" dangain" gi gyipui" anghoid lang" zooyoid ziyo' Egutu moo shid: byug goo" wa. Nyangnu" da" myo, shid ti: moo yu" gyoug yu" lhung: sho' da" zi bue" loo wa. Byu joem gi nyangnu" ri juang" yi pyam lho: nyangnu" myeing ri nheing" khoin" khyo" ci: loo goo" wa.

YEREMIA 44:13

Yerusalem ri ngoo yooboo dam byid: yhang: ti" Egutu mung" moo nyid bang: ri ngoo gyipui"- zooyoid- noo bue" ziyo' yooboo dam byid: wa.

YEREMIA 46:14

«He: ziri Egutu mung" mo voogung joem nghoid da" Migdola- Memphi- Taphan ri tid kyoo" we'. Hau: zigi ‹Nanu" nya: gung ri goem loem wa jen" jen" koid nyid we'. Nanu" moo: jo, da" dangain" gi gyipui" moo said pyam zi shoug" loo goo" wa.

YEREMIA 46:19

Egutu byu yi we"- thung: byu khyo" shu" loo" shoug" wa ziri jen" jen" koid too" ge'. Memphi ri hang" anyid byo, yoin" jo, da" dain" pyoid yoo koid pyam zi shau" loo wa.

EZEKIEL 30:13

Yoem: moo" bo Aseing tid zigi «Ngoo gi Memphi mo yu phara" soolhoo: joem yo' agyeing" anghoid da" Mangsoo joem ri phyo' shoin' pyam wa. Egutu moo vhoeb zoo: wa byu dayug we' anyid wa. Ngoo gi byu dangain" bang: ri kyug nhain' wa.

EZEKIEL 30:16

Ngoo gi Egutu ri myi: nghe' kaid wigi Pelusium gi kougshu: loo wa. Thebe vang khyam: joem gi byo, gyo" lo" byug wa. Voomoo" gi gyid je: nhoeb pyam wa.

HOSEA 10:8

Israela byumyu" yi soolhoo: ri no' byid: da" joyoo- Aven mo bouggung tho' mo jo, da" phoin: yhoem: joem gi phyo' shoin' pyam zi shoug" goo" wa. Nyangnu" da" phoin: tho' moo zu: kyen: yo' myo, yug nghoeb pyam byid: loo goo" wa. Byu yigi boem joem ri «Ngoonu" ri shoung: pyam ge'» ga: bouggung joem ri we" «Ngoonu" ri lo nhe' pyam ge'» ga: mho' yoid loo goo" wa.

HOSEA 11:11

Nyangnu" gi Egutu mung" mo ngho' joem yhang: ti" yo' Asuri mung" mo pheing" kyoug" joem yhang: ti" dang: loo goo" wa. Ngoo gi nyangnu" ri nyangnu" yhoem: khyoo: doem shu" loo" wa. Ngoo Aseing tid too" bye:» ga: tid.

HOSEA 2:6

Houg: yoomo ngoo gi nyang: ri zu: kyen: pung yo' kyam' pyam lho: nya: khyoo: moo vang khyam: koid xau' pyam wa bye:.

HOSEA 7:11

Israela gi nheig agyeing: da" jid: u yo' dakhyoo" myonhoo: sho: lheing yen" da:. Xang: shi" moo nyangnu" gi Egutu khyoo: pang" thoug yu wa yhe: mho' da:. Hau: thang: nyangnu" gi Asuri jhang tang" yhe: ago".

HOSEA 7:13

Nyangnu" gi joem lo" abye:.Nyangnu" gi ngoo ri too" kho' wigi ngoo ri thougtheung gyi koid ago". Nyangnu" gi said toem" pyam zi shoug" loo wa. Ngoo gi nyangnu" ri khyoid yu noug nghoid loug we' nyangnu" wigi ngoo ri ajoo aeung: khyo" noku loo bye:.

HOSEA 7:16

Nyangnu" gi nga" jang" mo vi: khyoo: phang: lo" wigi ce: yoem: so' abo da" yu phara" jhang yhe: ago". Nyangnu" gi adu da" lid: yhang: ti" loem age" da" bang: nghoid da:. Nyangnu" da" vhujhung: yigi nghoid boin: dang: tid yoomo nyangnu" gi mi: shid: shid loo goo" wa. Houg: lho: Egutu byu yigi yi juang" byid: goo" wa» ga: tid da:.

HOSEA 8:13

Nyangnu" gi ngoo ri xoin" ngei" byid: lho: hau: xoin" joem mo shoo" ri zo: ago". Nghoid loug we' ngoo Aseing gi hau: ziri angei byid: wigi akhid" ngoo gi nyangnu" da" yooboo ri xoem" ci: ziyo' hau: gang mo nyangnu" ri yooboo dam byid: wa. Ngoo gi nyangnu" ri Egutu khyoo: doem tau" nhang: kaid wa.

HOSEA 9:3

Israela byumyu" yigi Aseing da" mougmyid moo nyid loo: wigi Egutu khyoo: doem tau" loo" ca" lho: toem' to" da" zoo: noem ri Asuri moo zoo: ca" loo goo" wa.

XOIN" NGEI" 26:33

Ngoo gi nanu" adang moo: meing: byo, nhang: wa wigi nanu" ri tungbau meing: khyo: byo: sain" loo" nhang: wa. Nanu" mougmyid gi jham" coug: youg bui" byug wa. Nanu" da" voomoo" joem gi byo, yoin" jo, boem goo" wa nghoid.

ZEPHANI 1:11

Voomoo" mo ung" zoo: ung" shug da" joyoo moo nyid mo, nanu" we' ngoug nyid loo: we'. Ciwim gari nanu" da" phaga: byu yi dangain" shoem" shoung: pyam zi shoug" wa.

1 SAMUELA 13:6

Hau: thang: nyangnu" gi Israela byumyu" yiri yoem: zeing kaid wigi khaid zain: yoomo nyangnu" ri yoem: shoin: nheigloem: gyoug: nhang: bye:. Israela byumyu" dayham" bang: gi lug-ug- lugpyo'- siyoo myid khyung:- gyid thung" cang phang: goug" yen" boem.