HOSEA 9:4 - Lacid Common Language Bible

⁴ Hau: tungbau meing: joem moo nyangnu" gi Aseing ri zabyid yhid: ayo" ngei" byid: goo" wa. Nyang: ri xoin" we' ayo" ci: yhi: byid: goo" wa. Nyangnu" da" zooshug gi byu shid: yhoem: moo zoo: shug boem da" zooshug yo' dakhyo" hau: ziri zoo: bang: yugkhang" moo" gi ayung" alho' bang: bue" loo wa. Hau: ziri nyangnu" zhoo yoid bei: wa shid re" za: zooshug ca" loo goo" wa. Hau: gu: mo daja: ri we' Aseing da" Noku Yhoem: Moo" khyoo: xoin" khyo" aci: yhi: goo" wa.

HOSEA 9:4 교차 참조

THU' LO" MOUGSOUG" 29:40

Xang: shi" da" yang nu" ri ge da" sungsoo: phei" 22 rung yo' zhainloin: xu: da parheing" ri lheig go" wigi ngei" byid: we'. Xoin" khyo" zabyid yhid: da parheing" ri foid khyo' pyam wa zi nghoid.

THU' LO" MOUGSOUG" 40:23

Aseing amyeing" dang: yo' dakhyoo" ti" hau: atho' moo Aseing ri xoin" to' wa da" zooyho' ri ke" too" bye:.

ESAIA 57:6

Nanu" gi hau: joyoo mo jhoid jhoid wim da" lugzeing joem ri koid: yu wigi yu phara" khyo" hau: joem ri no' ago". Hau: joem ri ngei" byid: da" xoin" khyo" nanu" gi zabyid yhid: ri foid shoin" byid: wigi shivoo: xoin" hau: joem ri ci: ri" byid: boem. He: gu: dangain" ri ngoo vho: ngei ein: nanu" jhoo: go" rhe".

ESAIA 66:3

«Byu yi nyangnu" vho: ngei khyo" koid ago". Nyangnu" gi xoin" khyo" nu: loo: said loug we' xangsu: byu ri xoin" khyo" ngei" byid: loug we' nyangnu" yang nu" ri xoin" ngei" byid: loug we' Lakhuid" leung zeung: jab ceing ngei" byid: nghoid loug we' nyangnu" shivoo: xoin" anghoid lang" vu, suid" ngei" byid: loug we' nyangnu" shoem: nam pyo: ja: nghe' ngei" byid: nghoid loug we' yu phara" soolhoo: ri akyu" mho' loug we' dangain" gi nyangnu" shid re" dayhang: ti" `za: nghoid da:. Nyangnu" aco' ajhoid moo" khyo" no' jang" moo pyo: khyoo: ri sho: ago".

YEREMIA 16:7

Jheddab da" byu dayug shid: lo" ri nyangnu" nheig teing byid: wa shid re" nyang: yo' hang" ci: azoo: ashug goo" wa. Hang" we' nheig khyeug seing" no zi aci: shug goo" wa. Nya: myhi' yo' nya: phoo tang: shid: byug da" su: shid re" lang" nheig khyeug khyoo: aci: shug byid: wa.

YEREMIA 6:20

Nyangnu" Sheba mo zi nga" jang" moo ci: ri" byid: da" nam pyo: xu: joem ri ngoo cishu: nhang: byid: la". Moug: vi: mo ci: loo byid: da" xoin" phei" joem ri ngoo cishu: nhang: byid: la". Ngoo gi nyangnu" jhungshug xoin" ri akham: yu byid: wa. Nyangnu" xoin" joem ri we' alhoem: ngei" byid: wa.

EZEKIEL 24:17

Re" ngoug thui: ri ashau" gyoo: nhang:- kougshu: da" asoo" khyo" vhuthoeb khyoid pyam- khyid: zhung" azhung" khyid: cen: anyid yen". Re" myonhoo: ri anghoeb ci:- kougshu: bang: zo: da" zoo: noem ri we' azoo:.

EZEKIEL 24:22

Houg: lang" nanu" gi ngoo koid lid: lo yhang: ti" koid loo goo" wa. Nanu" gi nanu" da" myonhoo: moo we' anghoeb ci: loo: kougshu: bang: zo: da" zoo: noem ri we' azoo: goo" wa.

DANIELA 1:8

Daniela gi khokham vang" mo zoo: noem zo: zabyid yhid: shug lho: thung" khyo" ayung" alho' abui" nhang: wa shid re" nya: nheigloem: moo myid phyed yoomo Ashapena ri pang" yu wa mho' da:.

HOSEA 3:4

Israela byumyu" yi we' hid: yo' dakhyo" nyang: ayo, myang" sho' khokham we' ayoo"- vhu" shi: bang: we' anyid- xoin" we' angei" byid:- gyeung" shang: lug zeingboung: joem we' ajo,- boid phyed wa yu phara" soolhoo: joem yo' gung du: soolhoo: joem we' ajo, loo: yo" nyid re" goo" wa.

HOSEA 7:16

Nyangnu" gi nga" jang" mo vi: khyoo: phang: lo" wigi ce: yoem: so' abo da" yu phara" jhang yhe: ago". Nyangnu" gi adu da" lid: yhang: ti" loem age" da" bang: nghoid da:. Nyangnu" da" vhujhung: yigi nghoid boin: dang: tid yoomo nyangnu" gi mi: shid: shid loo goo" wa. Houg: lho: Egutu byu yigi yi juang" byid: goo" wa» ga: tid da:.

HOSEA 8:13

Nyangnu" gi ngoo ri xoin" ngei" byid: lho: hau: xoin" joem mo shoo" ri zo: ago". Nghoid loug we' ngoo Aseing gi hau: ziri angei byid: wigi akhid" ngoo gi nyangnu" da" yooboo ri xoem" ci: ziyo' hau: gang mo nyangnu" ri yooboo dam byid: wa. Ngoo gi nyangnu" ri Egutu khyoo: doem tau" nhang: kaid wa.

YOELA 1:13

Phoin: tho' moo: xoin" ngei" byid: nyid da" Khainjung yi we"- jid: moo" byimi void lho: ngau nyid ge'. Noku Yhoem: Moo" khyoo: yhe: lho: damyen goin" koug ngau nyid we'. Nanu" da" Mangsoo ri xoin" to' byid: wa da" gug zoo: yo' zabyid yhid: ayoo" loo.

YOELA 1:9

Noku Yhoem: Moo" khoug: moo: xoin" to' wa shid mo gug zoo: we' ayoo"- zabyid yhid: we' ayoo"- Aseing ri ngei" byid: wa xoin" ci" we' ayo" boem yoomo khainjung yigi koug ngau nyid boem ago".

YOELA 2:14

Nanu" da" Aseing Mangsoo gi nheigloem: thid lo lho: nanu" ri shivoo: shiloem myoo" sho' mainkaid byid: loo abe. Houg: lang" gi nanu" nyang: ri shivoo: yo' zabyid yhid: xoin" yo" to ngei" byid: wa zi nghoid.

XOIN" NGEI" 17:11

Dei noem dangain" da" kangso' gi suid" moo bo wigi Aseing gi byumyu" yi da" yooboo joem ri yu pyam wa shid re" suid" joem dangain" ri phoin: dang moo: zhain: khyo' pyam wa da" amyeing" byid: too" bye:. Kang so' nghoid da" suid" gi yooboo ri yu pyam byid: da:.

XOIN" NGEI" 21:17

Arun ri tid kyoo" wa shid re" amyeing" byid: zigi «Re" da" amyed ashen yi mo gung du: yoin" bang: hang" nghoid loug we' nga" shid re" zoo: noem xoin" age ngei" byid: wa. He: khyoo: ri ju" loo wa da" ayo, akhyeing: dangain" mo koid ca" da:.

XOIN" NGEI" 21:21

Khainjung Arun da" amyed ashen yi gung du: yoin" su: hang" nghoid loug we' Ngoo ri zoo: noem xoin" ayo" byid: wa zi nghoid da:.

XOIN" NGEI" 21:6

Nyang: gi gyeung" shang: ca" ziyo' nga" myeing ri we' aphoug" akhyoid age bui" nhang:. Nyang: gi ngoo ri zoo: noem xoin" ngei" byid: wigi gyeung" shang: ca" da:.

XOIN" NGEI" 21:8

Byumyu" yigi khainjung phoo ri gyeung" shang: yug khyo" myid soin: yu ca" da:. Ciwim gari: nyang: gi ngoo ri zoo: noem xoin" ngei" byid: su: nghoid. Ngoo gi Aseing nghoid. Ngoo gi gyeung" shang: su: nghoid wigi nga" byumyu" yiri we' gyeung" shang: nhang: su: nghoid.

AMO 5:22

Nanu" da" myi: nghe' xoin" yo' zoo: noem xoin" to' byid: ziri ngoo kham: yu loo wa zi anghoid. To' byid: xoin" khyo" ci: re" da" xu: sho' khu: myhu: to" gougnyhoug joem ri we' ngoo lhoem: kham: yu loo: wa zi anghoid.

MALAKHI 2:13

Nanu" koid da" moo" zoo" gootu: daja: gi nanu" to' byid: da" xoin" ri Aseing gi akham: yu byid: yoomo nanu" gi ngoug khyang" fang" ziyo' ngoug byid: thu nhang: wigi Aseing da" phoin: moo jhu' loo" nhang: bye:.

GYUNG: SOO" 19:11

Shid: mang moo: zhang" tain" da" hang" nghoid loug we' thung" khyo" nyhed nyid" ayung" alho' nghoid da:.

GYUNG: SOO" 28:2

Tu' to" da" ayo, moo: shug byid: ca" da" nyang: vho: ngei da" zoo: noem xoin" ri Mangsoo ri shugbyid: wa shid re" Israela byumyu" yiri tid shed nhang: da:.

GYUNG: SOO" 4:7

Nyangnu" gi Aseing ri shugbyid: to" da" zooyho' zoobui" dang moo: mougnyoug pain" myu" wigi hau: adang moo: bain khu joem shoem: nam pyo: ja: kaid to" da" jarung: joem xoin" to' jarung: joem yo' zabyid yhid: xoin" ngei" wa shid re" jhuang: joem ri too" wa zi nghoid. Hau: zoobui" tho' moo: zooyho' khanham we' to" too" wa zi nghoid.

YOHAN 6:51

Ngoo gi mougkhung: mo, gyoo" lo da" kangso' zoo yho' nghoid. Nang he: zoo yho' ri shau" zo: ri khanham we' dadei nyid wa ngoo nanung" ri byid: wa zoo yho' gi mougmyid byu xangsu: yi dei nyid wa shid' re" ngoo byid: da' nga" shoo" nghoid.

TARHA" TID POIN" 26:14

Ngoo koug shu: nyid uri houg: mo dajhi' we' ayu zoo:. Noku thung" khyo" ngoo ayung" alho' da" uri houg: mo dajhi' we' nga" yhoem: mo ayu thu loo". Houg: lho: houg: mo ce: daja: ri we' shid: su: shid re" ngoo ashugbyid:. O" Aseing we" ngoo gi nang ri tam" gyoo: bye:. Daxi: boem daboem yo' sen: wigi nang amyeing" byid: to" zi ja: khang" moo" ri ngoo koid bye:.