HOSEA 9:3 - Lacid Common Language Bible

³ Israela byumyu" yigi Aseing da" mougmyid moo nyid loo: wigi Egutu khyoo: doem tau" loo" ca" lho: toem' to" da" zoo: noem ri Asuri moo zoo: ca" loo goo" wa.

HOSEA 9:3 교차 참조

1 KHOKHAM 9:7

Ngoo nyangnu" ri byid: too" bye: da" he: mungdain: mo nga" byumyu" Israela bang: ri pyoung" shu" pyam wa zi nghoid. Ngoo ri noku wa da" joyoo ngoo khab yu too" bye: da" he: Noku Yhoem: Moo" ri we' ngoo she: pyam pyam wa zi nghoid. Khyi' khang" moo" moo nyid da" byumyu" yigi Israela byumyu" yiri aphoug" akhyoid koid ziyo' anoug ashoo" koid goo" wa zi nghoid.

2 KHOKHAM 17:6

Hoshea vhoeb zi goug: zain ein: zain moo Asuri khosen gi Samari ri seing: yu lho: thung: byu yi khyo" Israela byu yiri Asuri mung" khyoo: shu" lo" ago". Dayham" ri Hala voomoo" moo dayham" ri Gozan mung" du mo Habora gyid lang nam moo dayham" rigi Media byu yi voomoo" joem moo nyhid: to" ago".

YEREMIA 16:18

Ngoo gi nyangnu" ri nyangnu" da" yooboo joem yo' nheigloem: goid" da" moo" shid re" eig zhang xab nhang: wa. Ciwim gari nyangnu" gi byu shid: mang yhang: ti" kangso' abo da" soolhoo: joem khyo" wigi nga" da" mougmyid ri aco' ajhoid koid pyam wigi nyangnu" da" yu phara" joem yo' byeung" jo, nhang: bye:» ga: tid.

YEREMIA 2:7

Ngoo gi nyangnu" ri myidxu: ge da" moug: khyoo:- hau: moug: moo ngei pyoo: tung" shivoo: yhoem" wigi hau: moug: mo ge da" ja: joem ri yo" kham: yu wa shid re" shu" vang loo bye:. Nghoid loug we' hau: gungthid nyangnu" gi nga" mougmyid ri phyo' shoin' pyam ago". nyangnu" gi nyangnu" ri ngoo byid: to" da" mungdain: ri ayung" alho' koid pyam ago".

NGOUG JI: 5:6

Ngoonu" gi kangso yo" dei nyid wa shid re" Egutu byu yi yo' Asuri byu yi jang" moo voem: yhe: hei: yen" boem.

EZEKIEL 4:13

Aseing gi «He: alhoo: gi ngoo Israela byumyu" yiri tungbau mung" khyoo: khaid sain" kaid uri tarha" yo' toem' to" da" zoo: noem ri Israela byumyu" yi zoo: ca" da alhoo: nghoid.

DANIELA 1:8

Daniela gi khokham vang" mo zoo: noem zo: zabyid yhid: shug lho: thung" khyo" ayung" alho' abui" nhang: wa shid re" nya: nheigloem: moo myid phyed yoomo Ashapena ri pang" yu wa mho' da:.

HOSEA 11:11

Nyangnu" gi Egutu mung" mo ngho' joem yhang: ti" yo' Asuri mung" mo pheing" kyoug" joem yhang: ti" dang: loo goo" wa. Ngoo gi nyangnu" ri nyangnu" yhoem: khyoo: doem shu" loo" wa. Ngoo Aseing tid too" bye:» ga: tid.

HOSEA 11:5

Nyangnu" gi nga" jhang doem tau" loo wa ziri ngeug pyam ago". Houg: yoomo nyangnu" gi Egutu khyoo: doem phang: tau" loo" ca" ziyo' Asuri gi nyangnu" ri vhoeb zo: loo wa.

HOSEA 7:11

Israela gi nheig agyeing: da" jid: u yo' dakhyoo" myonhoo: sho: lheing yen" da:. Xang: shi" moo nyangnu" gi Egutu khyoo: pang" thoug yu wa yhe: mho' da:. Hau: thang: nyangnu" gi Asuri jhang tang" yhe: ago".

HOSEA 7:16

Nyangnu" gi nga" jang" mo vi: khyoo: phang: lo" wigi ce: yoem: so' abo da" yu phara" jhang yhe: ago". Nyangnu" gi adu da" lid: yhang: ti" loem age" da" bang: nghoid da:. Nyangnu" da" vhujhung: yigi nghoid boin: dang: tid yoomo nyangnu" gi mi: shid: shid loo goo" wa. Houg: lho: Egutu byu yigi yi juang" byid: goo" wa» ga: tid da:.

HOSEA 8:13

Nyangnu" gi ngoo ri xoin" ngei" byid: lho: hau: xoin" joem mo shoo" ri zo: ago". Nghoid loug we' ngoo Aseing gi hau: ziri angei byid: wigi akhid" ngoo gi nyangnu" da" yooboo ri xoem" ci: ziyo' hau: gang mo nyangnu" ri yooboo dam byid: wa. Ngoo gi nyangnu" ri Egutu khyoo: doem tau" nhang: kaid wa.

HOSEA 9:6

Yau: khi" yoem" ju" wigi hau: byumyu" yi phang: sain" lo" da" uri Egutu byu yi ge' nyangnu" ri shoem" zheing" yu loo goo" wa. Nyangnu" ri Memphi moo myhoeb pyam wa shid re" shoem" zheing" yu loo goo" wa. Nyangnu" da" ngei ziyoo joem yo' nyangnu" yhoem: jo lid lo da" joyoo yhoem: yoo joem gi mhain" joem yo' se: nghoeb pyam lho: myo, yo' zu: kyen: joem wigi yug nghoeb pyam loo wa.

XOIN" NGEI" 18:28

Houg: lang" nanu" shid vhu" moo nyid lid lo" da" soolhoo: no' bang: ri ngeug pyam yhang: ti" hau: mungdain: gi nanu" ri ngeug pyam wa zi anghoid.

XOIN" NGEI" 20:22

Aseing gi «Nga" tarha" yo' amyeing" dang: dangain" ri cang nyid ge'. Hougsu" nghoid rigi ngoo nanu" ri shu" vang lo" nyid da" Khanan mung" gi nanu" ri he: pyam wa zi anghoid.

XOIN" NGEI" 25:23

Nanu" da" mougmyid ri apyaid atoo: byid: pyam khyo" age oung" zoo: wa. Ciwim gari hau: ziri nanu" seing: nyid zi anghoid. Hau: ziri Mangsoo daseing:- nanu" gi hau: ziri seing: ci: wa da" akhang" yo" da" tungbau byu yi yhang: ti" danghoid.

AMO 7:17

Houg: yoomo Amazia we" Aseing gi nang ri tid nyid da:. Re" yhoem: seing: myhi' gi voomoo" khoug: mo shava myhi' bue" loo" wa. Re" zoo: yi we' meing: zain: jang: moo said pyam zi shoug" wa. Re" mougmyid ri we' subi" byumyu" yiri kho' gam byid: pyam boem wa. Nanyang: we' tungbau mung" moo lo" shid: wa. Houg: lho: Israela byumyu" yi we' nyangnu" da" moug: mo zi goomung" khyoo: gyeing" nyang: pyoung" she: lo" zi shau" boem wa» ga: tid.

MIKHA 2:10

To' ge'. Yhe: loo" loo: ge'. Hid: moo gau: nyu: khyoo: ci: we' ajo, loo:- nanu" da" yooboo gi he: joyoo ri byo, yoin loo" wa da" nheing" khoin" zang" jo, abye:.

ACTS 10:14

Nghoid loug we' Petru tid zigi Aseing: we" hau: zigi dajhi we' age bui" nghoid da- houg: yhang: te" aco' ajhoid' ja: ri ngoo khanham we' alhoung: zoo: ga: phoug tid.

TARHA" TID POIN" 28:63

Aseing gi nanu" ri nyid gi yab gi nhang: wigi myo: lug je: be: ri" nhang: da" uri ngei pyo: gau yi ziyo' dakhyoo" ti" nyang: nanu" ri joem: loo" nhang: wigi nanu" byo, yoin" joem: lo" uri we' ngei pyo: gau yi loo wa. Nanu" yhe: seing: yu wa za: danghoid lo: da" mung" mo we' phoin' pyam zi shoug" wa.

TARHA" TID POIN" 28:68

Aseing gi nanu" ri Egutu khyoo: khanham we' adoem yhi: ca" lo: wa ga: tid too" nghoid loug we' nanu" ri gyid sangphoo khyo" Egutu khyoo: doem tau" de" pyam loo wa. Houg: moo nanu" gi nyang: nya: gung ri gyivoo yi jhang join khyo" oung" zoo: wa yoem: kaid nghoid loug we' nanu" ri hang" we' anau qei yu goo" wa.

TARHA" TID POIN" 4:26

Nanu" nga" amyeing" dang: ri atam" gyoo: goo" nghoid rigi nanu" hau: mung" moo amyang ” ri bei: lo" boem goo" wa ein: akhid" nyid" nanu" shid moo sagse: khyo" wigi ngoo gi mougkhung: yo' myidjang ri khe: wigi tid bye:. Yodan gyid lang ri gu: dab wigi nanu" yhe: seing: yu wa da" mung" moo nanu" gye" myang" sho' anyid boem goo" wa. Nanu" gi bain sho' said toem" pyam zi shau" boem wa zi nghoid.

YOSHU 23:15

Ngoonu" ri nyang: byid: to" da" dang soo" ja: khang" moo" ri koid pyeing bye: yhang: ti" nyang: gi kyug nhain' zi ja: khang" moo" ri we' bui" nhang: wa.