HOSEA 9:16 - Lacid Common Language Bible

¹⁶ Israela byumyu" yigi agyi: kyug byug lho: ashi" azei: lo: da" shigam yo' du da:. Nyangnu" gi zoo: du ayoo" goo" wa. Zooshang: yi to' yoo" nghoid loug we' nyangnu" gye" jheddab da" zooshang: yiri ngo wigi said pyam byid: wa» ga: tid da:.

HOSEA 9:16 교차 참조

APOEM AYANG: 41:23

Hau: thang: dain" pyoid mo uglid wigi moid hau' soem: pyam da" gug soem: gug pyang nyhed nham: gi zung" zung" yab jo, wigi

YOBA 18:16

Nya: da" agyi: joem yo' akung: joem gi yhau" lho: kyug loo" bye:.

ESAIA 40:24

Nyangnu" gi agyi: ayo" cen' shi" da" agam zoo: ri phoin pyam yhang: ti" bui" wa. Aseing wigi lid ri nhang: kaid lang" nyangnu" kyug lo" byug wigi khoofoo: yo' dakhyo" hau' tang" lo" byug da:.

ESAIA 5:24

Houg: yoomo akhid" khoofoo: yo’ myo, kyug kyug joeb lo" yhang: ti" nghoid lho: myi: moo nge" lo" da:. Nanu" da" agyi: joem gi moin" lo" wigi nanu" da" bain: boo" gi shoem: kyug lo" lho: moid tang" lo" byug wa. Ciwim gari Israela da" gyeung" shang: da" Mangsoo- Myhang: thang da" Aseing wigi ngoonu" ri jhau" shid re" ziri nanu" ngeug he: pyam yoomo nghoid.

EZEKIEL 24:21

He: mungdang: Israela byumyu" yiri byid: we' ga: zi nghoid. Nanu" gi Noku Yhoem: Moo" geing: teing ziri phau: boem ago". Nanu" gi hau: ziri yu" nau wigi yhe: koem" nau da:. Nghoid loug we' Aseing gi hau: ziri aco' ajhoid bui" nhang: pyam loo wa. Houg: lho: Yerusalem moo teing too" kho' da" nanu" yhoem: byu yi mo ngi bang: gi meing: zain: jang" moo said pyam zi shoug" loo goo" wa.

HOSEA 5:11

Israela gi doin zeig khyoo: ri kham zo: nyid. Nyang: seing da" mougmyid ri ci: phyug pyam bye:. Ciwim gari nyang: gi nyang: ri byid: wa ci: ayo" bang: jang" mo pang" thoug zi yo" yu wa shid re" agyoo: atho' jhen" yhe: da:.

HOSEA 8:7

Nyangnu" gi lid ri sho" kaid ri lid zoo" ri shau" yham" yu wa. Ayang" da" shivoo: yoo gi khanham we' zooyho' dakhyab yo" bui" nhang: wa zi anghoid. Hau: ziri zooyho' yo" koid nghoid loug we' hau: zigi tungbau: byu yi ge' zo: pyam byid: loo wa.

MALAKHI 4:1

Yoem: moo" bo da" Aseing gi hid su" ga: tid nyid «Nghoid boin: nyid mo, dangain" yo' akhyeing" ashoeb da" moo" zei: nyid mo, dangain" ri khoofoo: ri yhang: ti" nghe' pyam wa da" ayo, gi ju" loo bye:. Hau: bidnyid moo nyangnu" gi nge" joem: lo" byug lho: houg: moo ci: we' jo, loo wa anghoid.

TARHA" TID POIN" 32:25

Meing: zain: zigi khyoomoo" joem moo shid: zi ju" nhang: wa. Yhoem: khau: moo gyoug dain zi ju" wa. Zoolu: yi yo' zoomyi: yi shid: doem: goo" wa. Noug" nu" yi yo' mang: zoo: yiri we' teing too" wa zi anghoid.