HOSEA 8:2 - Lacid Common Language Bible

² Nyangnu" gi ngoo ri nyangnu" da" Mangsoo ga: myheing lho: nyangnu" nyang: gi nga" byumyu" yi nghoid- nyangnu" ngoo ri se' ga: tid nghoid loug we'

HOSEA 8:2 교차 참조

2 KHOKHAM 10:16

«Ngoo yo' dage" re" wigi ngoo Aseing ri khayhi' noku coung" su: nghoid ziri nang nyang: re" yu" we'» ga: tid da:. Houg: lho: nya: eig yug dage" Samari khyoo: yhe: lo" ago".

2 KHOKHAM 10:29

Nghoid loug we' nyang: gi Bethela yo' Dan moo Yeroboam zhug to" da" sheing: nu: nu" lhoo: joem ri no' byid: da" khyo" Israela byu yiri yooboo shu" koid da" khokham Yeroboam da" yooboo ri leig yu" yu da:.

YEREMIA 7:4

‹Ngoonu" goem loem ziyoo" bye:- hau: zigi Aseing da" Noku Yhoem: Moo" nghoid- hau: zigi Aseing da" Noku Yhoem: Moo" nghoid. Hau: zigi Aseing da" Noku Yhoem: Moo" nghoid› ga: da" mhoug dang: ri loem" nyid go".

HOSEA 5:15

Ngoo gi nga" byumyu" ri nyangnu" nya: yooboo yoomo gi" sho' yooboo dam kham zo: lho: ngoo ri sho: boem da" ayo, ju" sho' she: pyam too" wa. Nyangnu" da" kyi" khyeug khoug: mo nyangnu" ngoo ri sho: loo goo" abe» ga: tid.

HOSEA 8:3

nyangnu" gi ge ziri ngeug pyam abye:. Houg: yoomo nyangnu" da" gyivoo yigi nyangnu" ri cang khaid loo goo" wa.

MIKHA 3:11

Voomoo" mo zoug: yigi khougvhoid jhungshug yoo" wa shid re" vhoebkhang" nyid ago". Khainjung yi we' aphoug" yoo" wa gu: za: tarha" ri phid: jhau" byid: nyid ago". Lapi: yigi ngei yoo" wa shid mo nyangnu" nya: da" yoeb myang ri toin" shid nyid ago". Hau: lho: nyangnu" dangain" mo, «Aseing gi ngoonu" yo' dage" nyid» ga: tid fu" nyid ago". Nyangnu" gi «Ngoonu" moo ce" yau: khe" khyoo: we' aju" wa Mangsoo gi ngoonu" yo' dage" nyid» ga: tid.

MATHE 25:11

«Hau: thang: ri gootu: wim: yug doem ju" lo lho: ‹Aseing we"- Aseing we" ngoonu" ri akhoug: khyoo: vang nhang: we' oh"› ga: lo ngau ago".

MATHE 7:21

«Ngoo ri ‹Aseing we"- Aseing we"› ga: mho' mo, dangain"- Mougkhung: mungdain: moo yo" vang loo" wa zi anghoid. Mougkhung: tho' moo nyid da" nga" pho, nheigloem: yo" cang su: za: dayo" vang loo" wa.

LUKA 13:25

Yhoem: seing: gi khoem" ri myhid" pyam lang" nanu" gi nghe: shoid moo shau" nyid moug myang boem wa. Houg: lang" nanu" gi Aseing: we"- Aseing: we" khoem" phang byid: shi" we' o"- ga: khoem" moo ko, yoid nyid loug we' yhoem: seing: gi nanu" kha: khyo" re" zi ngoo asi ga: tid pyam wa.

TITU 1:16

Nyang: nu" gi Mangsoo ri se' boem bye"- ga: tid nyid boem nghoid loug we' nyangnu" da" koid moozoo" joem gi nyangnu" ri abo pang" thoug nghoid da. Nyang: nu" gi aco' ajhoid zi nghoid nyid boem wigi yu" vho: phoo" adoid bang- ge da" moozoo" daja: ja: ri zei: soo, wa da" yoem: vhoo" aboo bang: nghoid nyid boem.

1YOHAN 2:4

Ngoo gi nyang: ri si' bye: ga: byu dayug yug tid nyid nghoid ' loug we' nyang: tid to" da" amyeing" dang: ri atam" gyoo: acang lo" nghoid rigi hau" yug gi mhoug su: nghoid ziyo' hau: deingmain" khyoo: gi nyang: moo ci: we' aboo.